VOV4.K’ho - Poh lài, tàm Hà Nội, mpồl duh broă kòn cau Gơnoar ala măt dà lơgar neh pơgồp bal mờ Anih duh broă kòn cau, anih lơh broă tơnguh bơtàu anih duh broă dunia mờ anih ala măt lơgar Ierland tàm lơgar Việt Nam bơyai lơh pơrjum cri bơyai broă tơnguh bơtàu kòn cau mờ tơngu me: lơh jăt ală khà tơnguh bơtàu kòn cau tàm ală rơndăp broă tơnguh bơtàu lơh sa-mpồl bơtiàn tơngai bơh nam 2016 tus 2020. Geh uă jơnau đơs pơgồp bal tàm broă lơh jăt ală khà tơnguh bơtàu kòn cau neh geh ai tơl^k tàm pơrjum do.

Kơrnoăt sồ 1557 bơh Kuang gơs gơnăp gơnoar atbồ hờ đang rơlao jơh dà lơgar k^ ờ uă khà lơh jăt ală khà tơnguh bơtàu rơbô nam mờ làng bol kòn cau pơgồp mờ khà tơnguh bơtàu kơl jăp tơnơ\ nam 2015 là 1 kơrnoăt geh tơl bơta kuơ màng bè gùng dră bal, lơh sa-mpồl bơtiàn. Kơrnoăt do neh lơh ală khà lơh ngan, ai tơl^k kơrnoăt sền gròi, sền wơl mờ tơnguh cồng nha broă pơgồp bal niam rơlao ală bơta pràn lơh jăt ală broă lơh bal mờ broă kuơ màng dà lơgar dê tàm broă dong kờl làng bol kòn cau Mùl màl, lơh ngan tus nam 2020, tơl hìu rơ[ah làng bol kòn cau pah nam tơmù bơh 3% tus 4%; bơto bơtơl kai bơstam 1; tơnguh broă ring bal cau klao mờ cau ùr mờ tơnguh bơngă cau ùr; tơmù khà chơ\t tàm kòn dềt; tơnguh bơta pràn cau mè; gàr kơl jăp bè tiah kis… Kờ` geh khà do, tàm pơrjum, ală gah, mpồl lơh broă gơrềng bal bal mờ ală càr, [òn dờng neh cri bơyai rơndăp broă lơh mờ broă lơh kờ` lơh jăt ală khà tơnguh bơtàu. Ồng Trần Quốc Phương, kuang jăt jơng atbồ đah lơh broă-bơta chài rơgơi-mpồl bơtiàn, gơwèt gah rơndăp broă mờ bơcri priă dà lơgar đơs: “Pal geh broă rơcang lài tàm broă geh jơnau yal sền gròi, sền wơl broă kòn cau gơwèt mờ ală gah, mpồl lơh broă. Tàm do, bol a` dan tơl^k anih lơh broă lơh jăt là anih duh broă kòn cau geh jơnau yal dà lơgar, tơnơ\ mờ hơ\ geh jơnau yal tus mờ ală gah gơrềng bal tàm broă lơh jăt ală khà. Mờ dan anih lơh broă kờp sền bơtơl tam pà kòn cau tàm ală dơ\ lùp sền dờng, tàm hơ\ uă ngan là dơ\ lùp sền bè khà kis mờ hìu nhă, kờ` bơh tu\ hơ\, geh khà ai kờ` mblàngkhà geh, cồng nha neh geh”.

Tàm tơngai do, broă tơmù rơ[ah tàm tiah làng bol kòn cau neh geh uă cồng nha kuơ màng, rài kis phan bơna, nùs nhơm bơh uă làng bol kòn cau neh tơnguh rơhời. Mơya, khà hìu rơ[ah kòn cau gam uă, geh mờr 50% khà hìu rơ[ah tàm gùt lơgar; Khà hìu gơtìp rơ[ah wơl geh uă. Khà niam broă bơto bơtê mờ bơsram, lơh sơnơm, bơto broă lơh bal mờ khà kuang bàng lơh broă tàm tiah làng bol kòn cau mờ kơh bơnơm gam ờ pràn, broă kis ntrờn, broă mus kơl chi brê gam gơl^k geh mờ lơyài bơsong. Ồng Danh Út, kuang jăt jơng atbồ mpồl duh broă kòn cau Gơnoar ala măt dà lơgar pà g^t: “He pal ai tơl^k ală kơnòl tềng đăp măt là pal lơh mơ, hơ\ là broă pơgồ bal ală khà tơnguh bơtàu làng bol kòn cau tàm rơndăp broă tơnguh bơtàu lơh sa-mpồl bơtiàn 5 nam dà lơgar dê; rơndăp broă lơh bơh ală gah, mpồl lơh broă mờ rơndăp broă tơnguh bơtàu lơh sa-mpồl bơtiàn ală càr, [òn dờng dê. Kờ` lơh geh bơta do geh cồng nha, pal lơh mùl màl jơh ală khà mờ rơndăp broă tơnguh bơtàu. Bơdìh hơ\ tai, broă lơh mờ lơh jăt 1 mpồl sền gròi broă lơh jăt ală khà tơnguh bơtàu kòn cau kung là broă pơgồp bal geh gơnoar kuơ màng”.

        Cau cih mờ yal tơng^t Ndong Brawl