VOV4.K’ho - Tơnơ\ mờ rơlao 1 nhai lơh broă nền nòn mờ geh kơnòl, Pơrjum dơ\ 2, Gơnoar ala măt dà lơgar kơnă 14 neh lơh gơs broă lơh. Uă kuang bàng tàm Gơnoar ala măt dà lơgar đơs, do là pơrjum geh cồng nha, bơsong uă tơngu me kuơ màng tàm gùt tơngai lơh broă. Kuơ màng ngan, broă tam gơl pa bơh tơngu me tus mờ broă lùp mờ hơ jơnau lùp neh mùl màl geh bơta niam, lời wơl geh bơta niam tàm pơrjum do dê.

Uă kuang bàng đơs, mờ nùs nhơm geh kơnòl, ală kuang bàng neh di pal tơl^k nùs nhơm bơh broă pơgồp bal jơnau đơs ai ală rơndăp broă adăt boh lam kung bè lùp ală broă ờ su\k ơm mờ cau te\ khà sền gròi. Ồng Trần Anh Tuấn, mpồl kuang bàng [òn dờng Hồ Chí Minh đơs, do là pơrjum lơh broă geh cồng nha, geh bal broă ờ hềt ring bal ờ uă rơndăp broă adăt boh lam tu\ ờ hềt tơl niam là broă lơh di pal ngan: “Do là pơrjum geh cồng nha tus mờ ală tơngu me mờ geh brroă lơh gơrềng bal dờng màng ngan bơh ală kuang bàng tàm Gơnoar ala măt dà lơgar, kung bè kuang bàng tàm Gơnoar ala măt dà lơgar bơh ală Gah, Mpồl lơh broă dà lơgar dê. Lơh jăt kơnòl, lơh geh kơnòl tus mờ ală tơngu me gơrềng bal tus mờ adăt boh lam mờ sền gàr Dà lơgar bơh gah lơh broă dê. Bơh tàm dơ\ lùp mờ hơ jơnau lùp, cri bơyai tàm hìu pơrjum dờng, tàm mpồl den broă lơh Gơnoar ala măt dà lơgar dê neh mùl màl là cau ala măt cau te\ khà kờ` đơs tus mờ ală broă broă, tàm kơn dang mờ lơh gơs rơndăp broă adăt. Do là pơrjum ală broă geh ai neh geh tàm kơn dang tus gùng tus dà, broă do pal geh tơnguh tàm pơrjum tơnơ\”.

Jăt ồng Phạm Tất Thắng, mpồl kuang bàng càr Vĩnh Long đơs, broă tàm kơn dang nggùl gơl là broă lơh pa kờ` lơh dơ\ lùp mờ hơ jơnau lùp geh khà niam. Geh kah ngan, uă broă neh geh Kuang gơs gơnăp gơnoar atbồ hờ đang rơlao jơh dà lơgar, bal mờ ală kuang bàng tàm Gơnoar atbồ lơgar neh hơ jơh kơnòl, ờ pleh mờ ală broă kuang bàng tàm Gơnoar ala măt dà lơgar, cau te\ khà sền gròi, tàm hơ\ uă ngan là bơnah hơ jơnau lùp bơh ồng Nguyễn Xuân Phúc, kuang gơs gơnăp gơnoar atbồ hờ đang rơlao jơh dà lơgar ờ jòng ir, đơs tus mờ broă lơh. Ồng Phạm Tất Thắng đơs là: “Cồng nha bơh pơrjum do là Gơnoar ala măt dà lơgar neh tam gơl pa tơngu me, broă lùp mờ hơ jơnau lùp, den tàng neh tơl^k nùs nhơm, bơta niam krơi is. Tơl^k tàm broă rơwah mpồl broă, đơs tus mờ broă gơrềng bal bơh ală Gah, Mpồl lơh broă bal. Do là broă gam ờ pràn, hơ\ là pơgồp bal bơh ală Gah lơh broă dà lơgar dê. Geh tàm kơn dang tơn tàm dơ\ lùp mờ hơ jơnau lùp, dong kờl broă bơsong broă lơh tus gùng tus dà, lơh ală kuang bàng tàm Gơnoar atbồ lơgar ờ pleh mờ kơnòl, kung bè mpồl broă ờ kờ` hơ jơnau lùp. Cau geh jơnau hơ di nùs ngan là Kuang gơs gơnăp gơnoar atbồ hờ đang rơlao jơh dà lơgar. Do là jơnau hơ bơh Kuang gơs gơnăp gơnoar atbồ hờ đang rơlao jơh dà lơgar dê ờ jòng ir, loh làng, tơrgùm tàm jơnau lùp kung bè tơngu me tòm”.

Kờ` tơnguh rơlao tai bơta niam broă lơh Gơnoar ala măt dà lơgar, ală kuang bàng sồr, tàm ală pơrjum tơnơ\ do, den broă rơcang sră nggal pal gờ` rơlao kờ` ală kuang bàng geh tơngai sền mờ kơlôi sơnơng, pơn drờm rơndăp broă adăt do mờ ală adăt ndai kờ` bơ\t bơtàu adăt boh lam ndrờm bal, ring bal. Ồng Bế Minh Đức, mpồl kuang bàng càr Cao Bằng sồr, Gơnoar ala măt dà lơgar kung pal bơyai lơh pơrjum jăt tơngu me tơnguh bơta niam tàm broă bơ\t bơtàu adăt boh lam: “Kờ` ală rơndăp broă geh ai tơl^k Gơnoar ala măt dà lơgar pơgồp jơnau đơs mờ cri bơyai geh cồng nha rơlao, tus do, Gơnoar ala măt dà lơgar kung pal bơyai lơh ală pơrjum jăt tơngu me broă lơh tus mờ ală kuang bàng geh kơnòl tu\ do tàm lơgar bal mờ ală càr, [òn dờng pơgồp jơnau đơs lài, a` mìng geh 1 dơ\ mờ pal 2 dơ\ lài mờ tu\ geh ai tơl^k tus mờ pơrjum. A` đơs là, ală jơnau cri bơyai tàm pơrjum Gơnoar ala măt dà lơgar geh [uơn mờ ờ geh jơnau đơs ờ ndrờm bal”.

Đơs tàm tơn jơh pơrjum, mò Nguyễn Thị Kim Ngân, kuang atbồ Gơnoar ala măt dà lơgar đơs là, Gơnoar ala măt dà lơgar neh tơl^k nùs nhơm tam gơl pa, tam klăc bal, bơceh pa, lơh broă tài bơta kuơ làng bol dê, dà lơgar dê, song dơpă cri bơyai bal, pơgồp bal uă jơnau đơs tơl^k bơh nùs nhơm kơ\p kờ` cau te\ khà bal mờ làng bol gùt lơgar tàm broă bơ\t bơtàu adăt boh lam, bơsong ală broă kuơ màng dà lơgar dê bal mờ sền gròi dờng rơlao jơh. Do là dơ\ sơnrờp Gơnoar ala măt dà lơgar bơsong ală rơndăp broă geh tơrgùm bal bè priă jền bal mờ bơcri priă, geh broă pơgồp bal nền nòn tàm broă lơh ờ jo\, di mơ mờ jo\ tơngai. Ală jơnau ờ su\k ơm bơh làng bol bal mờ cau te\ khà gùt lơgar neh geh ală kuang bàng tơrgùm cri bơyai mờ dan geh uă broă lơh mùl màl, den tàng Gơnoar atbồ lơgar, bal mờ ală gah, mpồl lơh broă pal lơh ngan rơlao tai kờ` tơmù ală broă lơh ờ pràn.

Bơh broă lùp mờ hơ jơnau lùp pà go\, ală mpồl broă geh Gơnoar ala măt dà lơgar rơwah là di pal mờ mùl màl, geh cau te\ khà, mpồl bơtiàn gùt lơgar sền gròi, đơs niam. Mò Nguyễn Thị Kim Ngân đơs tòm, pơrjum do, Gơnoar ala măt dà lơgar neh tơl^k kơrnoăt bè broă lùp mờ hơ jơnau lùp, sồr Kuang gơs gơnăp gơnoar atbồ hờ đang rơlao jơh dà lơgar, ală kuang atbồ Gah lơh broă dà lơgar lơh jăt nền nòn ală jơnau pơrgon bè kơnòl neh hơ tềng đăp mờ Gơnoar ala măt dà lơgar bal mờ cau te\ khà gùt lơgar, lơh tơngu me tòm kờ` Gơnoar ala măt dà lơgar sền gròi broă lơh jăt, di pal mờ jơnau kơ\p kờ` làng bol dê: “Pơrjum dơ\ 2 Gơnoar ala măt dà lơgar pơn jăt tai geh tơnguh niam bè broă đơng lam, tàm hơ\ geh broă tơnguh broă tàm kơn dang, cri bơyai tơn bè ală broă gam geh jơnau ờ ndrờm bal, broă ală Kuang atbồ gah lơh broă dà lơgar yal mblàng, iăt ală jơnau pơgồp bal tàm broă cri bơyai ală rơndăp broă adăt boh lam, kơrnoăt, jơnau yal neh ai tơl^k nùs nhơm lơh broă lơh tòm, di pal, geh kơnòl, pơgồp bal tàm broă tơnguh uă bơta niam pơrjum dê”.

Kuang atbồ Gơnoar ala măt dà lơgar sồr ală kuang bàng pơn jăt tai nùs nhơm “Tam gơl pa, tam klăc, bơceh pa, lơh broă”, di tu\ yal mờ cau te\ khà cồng nha pơrjum, tus bal rơlao tai tàm broă bơ\t bơtàu adăt boh lam, sền gròi, bơyai lơh niam broă tìp mờ cau te\ khà, iăt nùs nhơm, jơnau kơ\p kờ` cau te\ khà bal mờ làng bol; kơlôi sơnơng, jòi kờ` g^t ală bơta geh mùl màl rài kis mpồl bơtiàn dê kờ` yal, dan di tu\ mờ Gơnoar ala măt dà lơgar, Gơnoar atbồ lơgar bal mờ ală anih lơh broă geh gơnoar ndai.

Gơnoar ala măt dà lơgar sồr ală anih lơh broă, mpồl lơh broă tàm gơnoar bal, kơnòl bal tơrgùm lơh jăt ală broă kờ` gàr niam broă lơh jăt ală adăt boh lam, kơrnoăt pa geh ring bal; pơn jăt tai sền wơl, ai tơl^k jơnau mờng chài ală broă neh lơh geh mờ ờ hềt lơh geh, tam gơl pa broă sền gàr, đơng lam kờ` ai tơl^k ală tam gơl pa pràn tàm tơngai tus.

     Cau cih mờ yal tơng^t Ndong Brawl