VOV4.K’ho - Tàm pơrjum dơ\ 5, HĐND càr Dak Lak kơnă 9 neh bơyai lơh sền gròi jăt tơngu me bè broă atbồ, sền gàr brê mờ broă jào ù, jào brê kờ` lơh jăt ală rơndăp broă lơh sa suơn sre brê bơnơm. Ală jơnau đơs tàm pơrjum pà go\ broă atbồ, sền gàr brê tàm càr Dak Lak gam uă kal ke.

Càr Dak Lak tu\ do geh rơlao 720 rơbô lồ brê mờ ù tam brê, tàm hơ\, bă ù geh brê rơlao 526 rơbô lồ. Brê neh jào ai 15 công ty lâm nghiệp, 7 mpồl atbồ brê đạc dụng, 4 mpồl atbồ brê rơcang gàr lài, 69 anih lơh sa kă bro geh gơnoar atbồ, bơyai lơh sa kă bro, ai khà bă brê ròng mờ sền gàr brê mờ 1 bơnah jào UBND kơnhoàl, xã atbồ.

                                    Dơm chi gơbàn cau kơl tàm kơnhoàl Ea Suop, càr Dak Lak

Mơya, bơh nam 2012 tus jơh nam 2016, mpồl lơh broă geh gơnoar neh go\, lơh glài mờr 10 dơ\ tìs adăt sền gàr mờ tơnguh bơtàu brê.

Đơs tàm pơrjum HĐND càr Dak Lak dơ\ do, ală kuang bàng đơs là broă atbồ, sền gàr mờ tơnguh bơtàu brê tàm càr do gam ờ pràn uă. Jăt ồng Y Si Thắt Ksor, kuang bàng kơnhoàl Buôn Đôn yal, broă atbồ brê tu\ do mìng gam geh tàm pang sră:

-Tu\ do đơs brê mơya brê mìng geh tàm tùh gời. Lòt mùl màl brê ờ gam mờ ù kung jơh. Bơta do lơh kal ke tàm broă atbồ dà lơgar. Jăt a`, tu\ do broă atbồ dà lơgar là atbồ gời.

Den tàng kơnòl geh ai bơto sồr tus mờ chủ tịch ală kơnhoàl, chủ tịch ală xã dờp kơnòl di lah broă lơh tus do he jào brê ai ală xã di gơlan xã ờ dờp, den tàng he pal lơh loh làng mùl màl kơnòl tàm broă do.

Ồng Nguyễn Tuấn Anh, Chủ tịch Liên đoàn Lao động càr Dak Lak đơs là, brê mờ ù brê là bơta tòm mờ bơta kuơ kờ` tơnguh bơtàu lơh sa mpồl bơtiàn càr dê. Mơya, mờ broă tam gơl brê sar kờ` lơh jăt ală rơndăp broă lơh sa suơn sre, brê bơnơm ờ geh cồng nha, kuơ màng ngan là tam tòm cao su, broă ngui chi geh gơbàn uă nam mơya broă sền gròi ờ nền nòn gam lơh gơbàn uă bơta gơrềng bal tus mờ tiah kis brê bơnơm dê.

                                                                  Dơm chi neh gơs lòng

-Tàm càr Dak Lak di lah bă ù brê sơlơ gơbàn tơmù tus kàr lơi den he gơbàn mờ bơta aniai tus kàr hơ\. He gơtùi đơs là brê kơphe tơlir niam brê cao su uă mơya hơ\ mìng đơs tus bơta pràn lơh broă he dê kờ` he tơnguh bơtàu lơh sa mpồl bơtiàn, mơya di lah brê hòn is sơlơ ờ geh uă den he sơlơ gơbàn aniai bè tiah kis tus kàr hơ\ sơl.

Mờ tu\ do tài broă tơnguh bơtàu lơh sa mpồl bơtiàn mờ tài broă gơbàn bơh broă atbồ brê tàm ală nam do ờ hềt niam mờ ai geh bơta tòm mờgeh broă tơmù bè lơi niam kờ` gàr niam bơta tơlir niam Tây Nguyên càr Dak Lak là brê hòn is mờ rài kis làng bol kung geh kuơ bơh broă gàr mờ sền gàr tiah kis do.

Bal mờ broă ờ nền nòn atbồ, cơ chế lơh broă di pal, broă lơh glài tìs ờ hềt tơl pràn kờ` kơrian kung gam lơh gơgàn geh ai ală cau tòm brê lơh tìs. Den tàng, Ồng Nguyễn Thượng Hải, kơnhoàl Cư\ Mgar dan: kờ` gàr brê den pal lơh ngan lơh glài nền nòn ală cau tòm brê di lah lời gơbàn roh brê.

-Dan HĐND kung bè Uỷ ban pal lơh ngan lơh glài tus mờ ală cau tòm brê, tòm brê tàm do lài jơh là ală công ty lâm nghiệp geh jào brê, dơ\ 2 là ală anih lơh sa kă bro geh UBND càr jào brê, dơ\ 3 là ală mpồl lơh broă.

Den tàng pal lơh ngan lơh glài ală cau tòm brê di lah lời gơbàn roh brê. Di lah brê hơ\ geh jào kơnhoàl, xã in den pal lơh glài kơnhoàl, geh tu\ pal yă ờ uă dơ\ tìs kờ` he lơh lam lài. A` đơs broă do là kuơ màng ngan.

Cau cih mờ yal tơng^t Ndong Brawl