VOV4.K’ho - Nam 2014 ngan ngồn là 1 nam duh hồl tàm broă lơh bơh gơnoar ala mat dà lơgar dê. Do là nam bol he mut lơh kơ nòl broă tàm tu\ tơngai broă lơh sa tàm dunia mờ tàm kơnhòal geh uă tam gơl kal ke. Gơtùi go\ là, tềng đăp ală jơnau kờ` ngan ngồn bơh dà lơgar dê, tàm dơ\ cribơyai gơnoar ala mat dà lơgar, jơnau đơs, nùs nhơm kơp kờ` bơh cau te\ khà gùt lơgar dê bè uă bơta ờ suk, bè ală broă lơh dờng tàm broă bơt bơtàu,bơtàu tơnguh, sền gàr dà lơgar,…neh geh gơnoar ala mat dà lơgar, kuang bàng gơnoar ala mat dà lơgar lời uă nùs nhơm, bồ tơ ngoh kơ lôi sơ nơng, cribơyai uă, ai tơlik ală broă mut lơh krà` cê, ringbal. Ală broă lơh dờng bơh gơnoar ala mat dà lơgar dê neh di tu\ bơ song uă bơta kuơ màng dà lơgar dê, drơng jat bơta kơp kờ` bơh cau te\ khà mờ kuang bàng gơnoar ala mat dà lơgar dê, pơ gồp bơnah bơtàu tơnguh nùs nhơm pin dờn mờ broă lơh ngan bơh gùt Đảng, gùt làng bol mờ gùt ling klàng he dê tàm broă lơh chồl pràn tơl làm broă lơh tam gơl pa, bơt bơtàu, sền gàr mờ bơtàu tơnguh dà lơgar.

Geh bơyai lơh bơh ngai 20 tus ngai 28/11, tơnơ\ mờ 1 nhai lơhy broă mhar, geh kơnòl, pơrjum dơ\ 8, Gơnoar ala mat dà lơgar kơnă 13 neh geh cồng nha niam, geh uă broă sền gròi bơh làng bol mờ cau te\ khà tàm gùt lơgar. Pơrjum neh lời wơl uă bơta niam mờ broă kơ\p kờ` làng bol dê tàm ală broă lơh geh nùs nhơm dờng màng, mơya geh mùl màl, gơrềng tus tơn mờ tơl nă làng bo dê.

Song dơ pă tàm pơrjum Gơoar ala mat dà lơgar ală jơnau tơng^t geh uă bơta, di pal, uă bơta niam tàm ală gah neh geh cau te\ khà dờp, tơl^k loh jơnau ring bal bơh làng bol mờ cồng nha đơng lam bơh Gơnoar atbồ lơgar dê tàm broă lơh jăt ală kơrnoăt Gơnoar ala mat dà lơgar dê.

Tàm bơta “Broă lơh sa dunia tơnguh lơyài rơlao mờ jơnau yal lài”, geh tu\ geh tiah bơta ờ niam mờ pơn jăt ờ pràn, he neh geh mờ sơlèt 13 tàm 14 khà Gơnoar ala măt dà lơgar ai tàm nam do, uă ngan là khà tơnguh rài kis rơlao 5,8%; khà ngui sa mìng tơnguh rơlao 2%-ờ uă rơlao tàm 10 nam do. Ală khà niam do bal mờ tiah bơcri priă geh niam, bơta lơngăp lơngai gùng dră bal, ờ do ờ da mpồl bơtiàn geh niam, gơnoar ù tiah dà lơgar geh gàr niam, neh ai tơl^k nùs nhơm pin dờn tàm jơnau kơlôi sơnơng, broă lơh bơh tơl nă làng bol lơgar Việt Nam dê, bu\ lah kung gam uă jơnau ờ su\k ơm, tềng đăp mờ ală kal ke, ờ pràn broă lơh sa-mpồl bơtiàn.

Di gơlan ờ hềt tu\ lơi tàm tu\ lài mờ pơrjum, tàm pơrjum geh uă kuang bàng gah lơh sa bal mờ gal cau te\ khà tơl^k nùs nhơm ờ su\k ơm pơrjum dơ\ do bè khà dồs dà lơgar mờr tus mờ khà geh ai, khà dồs jo\ tơngai gam uă. Mơya, ală jơnau tơng^t song dơ pă tàm pơrjum Gơnoar ala mat dà lơgar bal mờ jơnau mblàng nền nòn 6 broă lơh bơh Gơnoar atbồ lơgar dê kờ` kơrian dồs dà lơgar sùm tàm khà niam ờ do ờ dă tàm ală nam pơn jăt tai”, bơsong dồs jo\ tơngai ờ jai tơm gam 3% tàm lồi nam tus-bè 1 jơnau hơ bal ring niam, geh kơnòl, neh bơsong jơh nùs nhơm ờ su\k ơm làng bol mờ cau te\ khà gùt lơgar dê.

Ờ mìng niam mờ ală khà bè lơh sa, cau te\ khà bal mờ làng bol gùt lơgar gam sền gròi nền nòn cồng nha ai sră pồ pin dờn dơ\ 2 tàm Gơnoar ala măt dà lơgar. Geh uă cau sền do là dơ\ “Ai khà 2” bơh cau te\ khà dê bơh kuang bàng tàm Gơnoar ala măt dà lơgar, tơl^k gơnoar lơh jăt sơnoa boh lam làng bol dê tàm broă sền gròi dờng màng mờ lơh jăt broă sền gròi gơnoar pràn dà lơgar dê. Cồng nha ai sră pồ pin dờn là 1 cơng tàng bè broă lơh ring niam bơh ală kuang bàng tàm Gơnoar ala măt dà lơgar dê tu\ “Ai khà uă” tus mờ ală kuang bàng geh broă lơh mùl màl, geh cồng nha mùl màl drơng bơta kuơ bal. Do kung là dơ\ cau te\ khà gùt lơgar “Was” bơta ngăc ngar kuang bàng tàm Gơnoar ala mat dà lơgar mờ kơ\p kờ` tàm tơngai tus, tơl groăt đơng lam, tơl gah lơh broă, tơl mpồl lơh broă geh lơh niam rơlao kơnòl tòm.

Gơtùi đơs, pơrjum Gơnoar ala mat dà lơgar sùm là anih tơl^k loh, son dơ pă mờ di tu\ ngan nùs nhơm kơ\p kờ` làng bol dê. Tàm pơrjum do, ală jơnau ờ su\k ơm, ală jơnau kơlôi sơnơng bơh làng bol gùt lơgar wèt tus mờ dà lềng, bồt dà lềng tàm tơngai do neh geh tơl^k bơh tàm g^t nđờ rơhiang jơnau đơs bơh kuang bàng tàm Gơnoar ala mat dà lơgar dê tàm uă dơ\ cri bơyai. Ală jơnau đơs ờ mìng ring bal mờ broă lơh bal mờ lơgar bơdìh di pal Đảng, Dà lơgar dê mờ gam pơ jăt tai, tơl^k nùs nhơm kơ\p kờ`, lơh ngan mờ nùs nhơm tam klăc bal bơh làng bol dê tàm broă sền gàr gơnoar dà lềng, bồt dà lềng. Mờ gùng dà broă lơh “Lơh broă bal, mờ tam dră bal” tơl^k nùs nhơm lơbơn niam, mơya pràn kơl dang ngan bơh lơgar Việt Nam dê tu\ bơsong broă tam phà gơnoar tàm dà lềng đah măt tơngai l^k sùm geh mpồl bơtiàn dunia kờ` bal mờ đơs niam.

Ală dơ\ “~sừc dờng” tàm dà lềng đah măt tơngai l^k yal lài geh gam uă kal ke mờ ờ g^t lài, mơya nùs nhơm làng bol geh tơngu me pin dờn tàm bơta di pal, tàm “Gùng dà lơh broă bal ngăc ngar Đảng dà lơgar he dê” tàm nùs nhơm kơ\p kờ` mùl màl gàr niam bơta lơngăp lơngai, ring niam, tơnguh bơtàu bal.

Bơta kờ` kah ngan mờ gơs là nùs nhơm kah sùm: do là pơrjum sơnrờp ngan Gơnoar ala măt dà lơgar geh bơyai lơh tàm hìu Gơnoar ala mat dà lơgar pa, geh 2 hìu pơrjum dờng sơnđan là Diên Hồng mờ Tân Trào. 2 măt sơnđan do neh geh tàm rài dà lơgar dê mờ geh kuơ màng kờ` lam sồr ală kuang bàng pal lơh ngan sơlèt mờ kal ke, geh nùs nhơm, geh jơnau kơlôi sơnơng mờ geh bơta ngăc ngar. Hơ\ là nùs nhơm pơnyờ să, mơya kung là kơnòl dờng màng bơh tơl nă kuang bàng tàm Gơnoar ala mat dà lơgar dê tu\ geh cau te\ khà jàu kơnòl cri bơyai, tơl^k ală broă lơh dờng màng tus mờ rài kis, broă lơh làng bol dà lơgar dê.

Làng bol mờ cau te\ khà gùt lơgar geh pơn jăt tai sền gròi nền nòn ală broă lơh tàm Gơnoar ala măt dà lơgar mờ geh nùs nhơm pin dờn uă ngan tàm broă tơnguh bơtàu dà lơgar tàm gùng dà bơ\t bơtàu dà lơgar dê. Jơnau bơsram broă mờng chài bơh ală rài lài do là: ală broă lơh geh bơh tàm nùs nhơm làng bol, drơng bơta kuơ làng bol, geh làng bol ring bal den tàm ală bơta lơi, bu\ lah kal ke tus kàr lơi kung geh cồng nha.

                                               }au mblàng Ndong Brawl.