VOV4.K’ho- Pơrjum dơ\ 14, Ban Chấp hành Đảng dà lơgar khoá XII pơrjum bơh ngai 14- 18/12/2020 pa do tàm càr lơgar Hà Nội. Tàm pơrjum do, Ban Chấp hành Đảng dà lơgar neh lơh nền bơyai lơh Pơrjum dờng dơ\ XIII bơh ngai 25/01/2021 tus ngai 02/02/2021 tàm càr lơgar Hà Nội.

Đơs tơn jơh Pơrjum dơ\ 14 Ban Chấp hành Đảng dà lơgar khoá XII, ồng Nguyễn Phú Trọng Tổng Bí thư, Chủ tịch lơgar đơs nền Pơrjum Dà lơgar dơ\ 14 neh lơh geh bơta ring bal uă ngan gơ wèt mờ ală broă tờm mờ dờng màng ngan hơ\ là jơh lơh gơs ală sră nggal, broă lơh, kơrnoat lơh broă, kơrnoat te\ khà Pơrjum dờng dơ\ 13 bơh Đảng dê mờ ngan là pờ tê ring bal yal tơngi\t kuang bàng tơlik măt te\ khà tai mờ dơ\ sơnrờp mu\t lơh broă tàm Bộ Chính trị, Ban Bí thư nàng Ban Chấp hành Đảng dà lơgar in sền swì, lơh nền tàm Pơrjum dà lơgar dơ\ 15 mờr tus.

Tổng Bí thư, Chủ tịch lơgar kung đơs sùm ală sră nggal sền tàm Pơrjum dờng bơh Đảng dê dơ\ do geh uă tơngume tam gơl pa mờ bơta tờm kuơmàng bơh gùng dà broă lơh, jơnau kờ` bơtàu tơnguh, sền swì cồng nha lơh jăt Kơrnoat Pơrjum dờng khoá XII, yal lài broă gơlik geh tàm dunia mờ tàm lơgar, ală jơnau đơs, nùs nhơm sồr lơh tus ală pơlam gùng dà bơtàu tơnguh, kơnòl broă tờm, ală bơta tam gơl uă ngan neh tơngo\ geh ală jơnau đơs, nùs nhơm sồr lơh, gùng dà, broă lơh dờng, pà go\ bơta sền sơnơng, bồ tơngoh kơlôi sơnơng jrô bơh Đảng dê, kơ\p kờ` ngan bơtàu tơnguh bơh jơi bơtiàn dê mờ bơta lơh ngan jơh nùs chính trị bơh jơh gùt Đảng, gùt làng bol, gùt ling klàng he dê tàm broă lơh bơ\t bơtàu mờ sền gàr kơ\ kơl jăp dà lơgar Việt Nam xã hội chủ nghĩa.

Ồng Nguyễn Phú Trọng, Tổng Bí thư, Chủ tịch lơgar đơs nền: Mờ jơnau đơs Tam klăc, ring dùl nùs bal, duh rơngòt adat boh lam, bơceh pa, bơtàu tơnguh, Pơrjum dờng dơ\ XIII bơh Đảng dê geh pơn jăt tai cribơyai nền, ring bal uă tàm broă lơh sir gơs mờ pờ tê ring bal ală sră nggal bơh Pơrjum dờng dê, lơh geh bơnàng jă ai broă bơsram mờ lơh jăt gơ in niam ngan Kơrnoat pơrjum dờng dê, lơh gơs geh cồng nha ală jơnau kờ` loh làng tus nam 2025 mờ nam 2030 kung bè jơnau kờ` bal neh ai tơlik, là: Tơnguh uă bơta pràn jak đơng lam, pràn jăk ăt gơnoar mờ bơta pràn tam lơh bơh Đảng dê; bơ\t bơtàu Đảng mờ ală anih lơh broă chính trị sàng goh, pràn kơldang tơl ală bơta; lơh kơ\ kơl jăp, sơlơ tơnguh tai bơta pin dờn bơh làng bol dê gơ wèt mờ Đảng, Dà lơgar mờ rài ătbồ xã hội chủ nghĩa; lơh kah wơl bơta kơ\p kờ` ngan bơtàu tơnguh dà lơgar pas sơm, chờ hờp, tơnguh bơta kơ\p kờ` mờ bơta pràn tam klăc dờng jơh gùt jơi bơtiàn, pơgồp bal mờ bơta pràn tu\ tơngai dê; lơh pràn tơl làm, dùl ròt bal broă lơh tam gơl pa, lơh mờ măy mok, măy mok lơh is; sền gàr kơ\ kơl jăp Dà lơgar, gàr kơ\ tiah ơm kis ring lơngai, kơ\ kơl jăp.

Dơ\ tơn jơh Pơrjum dơ\ 14 Ban Chấp hành Đảng Dà lơgar khoá XII

Đơs sùm broă lơh bơ\t bơtàu, lơh niam wơl Đảng, bơ\t bơtàu ală anih lơh broă chính trị, tam dră mờ rơcăng sơndră sa kuề sa kùa, pơhì pơhà, ờ niam geh sền dờng màng ngan mờ tơrgùm đơng lam, sồr lơh, lam lơh jăt bal mờ bơta lơh ngan jơh nùs chính trị uă ngan, lơh ngan uă ngan, lơh broă krà` cê jơh nùs mờ lơh geh uă cồng nha loh làng; bơta sa kuề sa kùa bơh sơnrờp geh kơryan mờ ngai sơlơ gơmù. Pơgồp bal niam bơne\, kơ\ kơl jăp mờ geh cồng nha đah bơ\t bơtàu Đảng mờ lơh niam wơl Đảng; tơnguh kơnòl bơh kấp ủy, bơta lơh krơh bơh kấp hơđang dê mờ cau lam bồ ală kấp dê; sơlơ tam klăc bal ring bal tàm Đảng; tơrgùm bơta pràn bal bơh jơh ală anih lơh broă chính trị dê mờ bơta dùl nùs bal kờ` bal, tus bal jơh nùs bơh làng bol dê. Jăt Tổng Bí thư, Chủ tịch lơgar, dùl tơngume kuơmàng tàm dơ\ pơrjum dơ\ do là đùh sră pồ kuang bàng mu\t tàm Bộ Chính trị, Ban Bí thư mờ rơndăp broă lơh kơrnoat lơh broă mờ kơrnoat te\ khà tàm Pơrjum dờng dơ\ XIII bơh Đảng dê neh geh bơta ring bal uă.

Ban Chấp hành Đảng dà lơgar neh cribơyai dùl bă ring bal, nền nòn, đùh sră pờ tê ring bal bal mờ bơta dùl nùs bal uă ngan kuang bàng mu\t tàm Bộ Chính trị, Ban Bí thư khoá XIII, geh bal kuang bàng Bộ Chính trị, Ban Bí thư khoá XII tơlik măt te\ khà wơl mờ kuang bàng dơ\ sơnrờp mu\t tàm Bộ Chính trị, Ban Bí thư. Ban Chấp hành Đảng dà lơgar jàu ai Bộ Chính trị mờ Mpồl lơh broă Kuang bàng in pơn jăt tai sền swì, bơtơl, lơh sir gơs ală gùng dà broă lơh kuang bàng jăt di Gùng dà broă lơh kuang bàng Ban Chấp hành Đảng dà lơgar khoá XIII mờ ală broă lơh kuang bàng neh ai tơlik nàng yal mờ Ban Chấp hành Đảng dà lơgar in sền swì, lơh nền tàm Pơrjum dà lơgar dơ\ 15 mờr tus.

Đơs nền Pơrjum Dà lơgar dơ\ 14 neh lơh geh cồng nha niam bơne\ bal mờ uă tơngume broă kuơmàng rơcăng Pơrjum dờng khoá XIII bơh Đảng dê, Tổng Bí thư, Chủ tịch lơgar đơs sùm tơngai bơh tu\ do tus Pơrjum dờng khoá XIII ờ gam uă tai, tàm tu\ hơ\ gam ờ dùl êt broă kuơmàng pal lơh, den tàng bè hơ\ ală kuang bàng Dà lơgar mờ jơh tơl nă kuang bàng lòt Pơrjum pơn jăt tai lơh krơh tơngo\ nùs nhơm geh kơnòl uă, jal mhar, jơh nùs lơh jăt mờ đơng lam, sồr lơh, lam lơh jăt gơ in niam ngan ală kơnòl broă neh ai tơlik, pơgồp bơnah geh kuơ ngan ngồn tàm cồng nha lơh geh bơh Pơrjum dờng khoá XIII bơh Đảng dê.

Mờ jơnau đơs: “Tam klăc, ring dùl nùs bal, duh rơngòt adat boh lam, bơceh pa, bơtàu tơnguh”, Pơrjum dờng khoá XIII bơh Đảng dê ờ mìng sền wơl tìs di broă lơh jăt Kơrnoat Pơrjum dờng khoá XII mờ gam sền wơl 35 nam lơh jăt broă lơh tam gơl pa, 30 nam lơh jăt Cương lĩnh nam 1991, 10 nam lơh jăt Cương lĩnh, Broă lơh bơtàu tơnguh lơh sa- mpồl bơtiàn tơngai bơh nam 2011- 2020; tơlik gùng dà broă lơh, kơnòl broă tơngai lơh broă bơh nam 2021- 2026, lơh nền jơnau kờ`, gùng dà broă lơh wèt tus nam 2030 mờ bơta sền sơnơng bơtàu tơnguh dà lơgar tus nam 2045. Den tàng bè hơ\, do ngan ngồn kung geh gơ gơs là dùl tềl kah kuơmàng tàm ală tu\ tơngai bơtàu tơnguh bơh Đảng he dê, jơi bơtiàn he dê, dà lơgar he dê, geh bơta kuơ pơlam gùng dà rài tơnơ\ do, pơn jăt tai lơh pràn tơl ală bơta mờ dùl ròt bal broă lơh tam gơl pa, mu\t gơrờm bal mờ dunia mờ bơtàu tơnguh dà lơgar.

Cau cih VOV1- Cau mblàng Lơ Mu K’Yến