VOV4.K’ho– Tàm Hìu lơh broă Quốc hội, Mpồl duh broă te\ khà dà lơgar neh bơyai lơh pơrjum gùt mpồl dơ\ 3 tềng đap bơta đơng lam bơh Chủ tịch Quốc hội, Chủ tịch Mpồl duh broă te\ khà dà lơgar, mò Nguyễn Thị Kim Ngân. Mpồl duh broă te\ khà dà lơgar neh yal Nghị quyết bè khà mpồl te\ khà, mat ală mpồl te\ khà mờ khà kuang bàng Quốc hội geh pồ tàm tơl mpồl te\ khà bơh ală càr, [òn dờng gơ wèt dà lơgar dê. Mpồl duh broă te\ khà dà lơgar lơh nền khà mpồl te\ khà kuang bàng Quốc hội khóa 15 tàm gùt lơgar là 184 mpồl.

Tàm pơrjum dơ\ 3 bơh Mpồl duh broă te\ khà dà lơgar dê neh iat jơnau yal bè cồng nha tam gơl tơnơ\ pơrjum cribơyai dơ\ 1 bè rơndap tap sèng, khà kuang bàng Quốc hội khóa 15 mờ broă ală anih lơh broă, mpồl lơh broă tàm dà lơgar mờ tàm kấp hơ đơm rơcang pơrjum cribơyai dơ\ 2 nàng cih mat ing ală cau tơlik mat te\ khà Kuang bàng Quốc hội, Kuang bàng Hội đồng Nhân dân; yal bè broă bơh Mpồl duh broă te\ khà dê mờ ală tiểu ban dê bơh tơ nơ\ pơrjum Mpồl duh broă te\ khà dà lơgar dơ\ 2 tus tu\ do; cribơyai ală jơnau yal mờ ring bal Nghị quyết bè khà mpồl te\ khà, mat ală mpồl te\ khà mờ khà kuang bàng Quốc hội geh pồ tàm tơl mpồl te\ khà tàm gùt lơgar dê.

Đơs tàm pơrjum, Chủ tịch Quốc hội, Chủ tịch Mpồl duh broă te\ khà dà lơgar, mò Nguyễn Thị Kim Ngân pà git: “Tơngai bơh tu\ do tus ngai pơn dut tong sră nggal cau tơlik mat te\ khà ờ gam ua\, den tàng sơbac mhar ngan, nền nòn, lơh gơlik bơnàng jă kơ\ kơljap nàng lam lơh broă lơh đơng lam, pơlam  tàm gùt lơgar, dong làng bol, cau te\ khà gùt lơgar in geh tus bal tơlik mat te\ khà; te\ khà dùl bă làng bol lơh tờm, ring bal jat di jơnau cih bơh kơrnuat boh lam dê. Dơ\ te\ khà geh lơh ờ do ờ dă, tềm pềr mờ gơ gơs ngai chờ dờng bơh làng bol he dê tàm nam 2021”.

Chủ tịch Quốc hội, mò Nguyễn Thị Kim Ngân đơs tàm pơrjum

Yal tàm pơrjum, ồng Trần Văn Túy, Kuang atbồ Mpồl lơh broă kuang bàng, Phó Kuang atbồ Tiểu ban kuang bàng pà git, tơ nơ\ pơrjum cribơyai dơ\ 1 tàm dà lơgar, Đoàn Chủ tịch Ủy ban Mặt trận dà lơgar Việt Nam neh dan Mpồl duh broă te\ khà, Ủy ban Thường vụ té\ khà gàr bè ờs khà kuang bàng khối mặt trận dà lơgar mờ ală mpồl geh jơng bè khà kuang bàng Quốc hội bơh khóa 14 dê kờ` gàr niam mờ tơnguh gơ noar broă ala mat làng bol dê tàm Quốc hội, dipal mờ gùng dà ngai sơlơ rề ơnàng bè mpồl geh jơng bơh Mặt trận dà lơgar Việt Nam dê; tơnguh tai khà kuang bàng là cau ờ geh đảng nàng gàr bơta dipal đah khà đảng viên mờ cau ờ geh đảng; gàr khà cau ùr geh yal tơnggit tơlik mat te\ khà kuang bàng Quốc hội khóa 15 geh rlau 35% tàm kờp jơh khà cau tơlik mat te\ khà; mơkung sền gròi tus rơndap tap sèng kuang bàng Quốc hội ala mat ai khối mpồl lơh sa kă bro, cau geh bồ tơngoh bơsram sră, cau khoa học, tơnguh khà kuang bàng jơi bơtìan kòn cau dùl êt nă cau geh tơlik mat te\ khà kuang bàng Quốc hội.

Tu\ do, ală anih lơh broă mpồl lơh broă gam jơh nùs lam lơh ală broă bơh rơndap broă yal tơnggit cau tơlik mat te\ khà kuang bàng Quốc hội khóa 15 mờ kuang bàng Hội đồng Nhân dân ală kấp tơngai lơh broă bơh nam 2021 tus nam 2026, tơngai dut ndơl là ngai 11 nhai 3 do. Bơh cồng nha tam gơl tơ nơ\ pơrjum cribơyai dơ\ 1, jơh ală Ủy ban te\ khà ală càr, [òn dờng neh geh sră nggal yal làm ua\ tàm ală anih yal tơnggit mờ pơyua tus ală anih lơh broă, mpồl lơh broă kấp hơ đơm bè tu\ tơngai, anih dờp sră nggal tơlik mat te\ khà, mơkung yal Mpồl duh broă te\ khà dà lơgar in.

Pơrjum gùt mpồl dơ\ 3 bơh Mpồl duh broă te\ khà dà lơgar dê

Tơ nơ\ tu\ iat jơnau yal bơh ală Tiểu ban dê, Chủ tịch Quốc hội, Chủ tịch Mpồl duh broă te\ khà dà lơgar, mò Nguyễn Thị Kim Ngân đơs nền, tus tu\ do, broă lơh ală tiểu ban bơh Mpồl duh broă te\ khà dà lơgar dê neh lam lơh di mờ tơngai pơrgon; mơkung sồr Văn phòng Mpồl duh broă te\ khà dà lơgar cih dờp jơnau đơs, lơh sir mờ pơyua sră nggal tus ală kuang geh jơng bơh Mpồl duh broă te\ khà dà lơgar, ală anih lơh broă geh gơ rềng, mơkung cribơyai nàng ală tiểu ban chul chồl sền gròi broă lam lơh di mờ tơngai pơrgon jat jơnau sồr: “Sồr ală tiểu ban bơh Mpồl duh broă te\ khà dà lơgar, Văn phòng Mpồl duh broă te\ khà dà lơgar, ală anih lơh broă Chính phủ, dà lơgar, Mặt trận dà lơgar Việt Nam kờp sền ală broă lơh, kơ nòl broă neh geh tam pà, sơbac mhar lam lơh ală broă lơh bè te\ khà, chul chồl, đơng lam broă dờp sră nggal rơcang ai pơrjum cribơyai dơ\ 2 in nàng cih mat ing ală cau tơlik mat te\ khà mờ tơngume yal sùm ai Mpồl duh broă te\ khà dà lơgar in. A` sồr tơl anih lơh broă rơcang lài geh broă rơndap lơh nàng sền gròi, sền sơ wì. A` sồr chồl pràn, sơlơ tơnguh broă yal tơnggit, mblàng yal bè te\ khà kuang bàng Quốc hội, Kuang bàng Hội đồng Nhân dân ală kấp tàm ală anih yal tơnggit, sùm dờp jơnau yal di tu\ tàm pang web điện tử dà lơgar.

Poh lài, Mpồl duh broă te\ khà dà lơgar neh yal Nghị quyết bè khà mpồl te\ khà, mat ală mpồl te\ khà mờ khà kuang bàng Quốc hội geh pồ tàm tơl mpồl te\ khà bơh ală càr, [òn dờng gơ wèt dà lơgar. Jat hơ\, kờp jơh khà mpồl te\ khà kuang bàng Quốc hội khóa 15 tàm gùt lơgar là 184 mpồl.

Cau mblàng K’Duẩn