VOV4.K’ho - Poh lài, HĐND ală càr Tây Nguyên neh bơyai lơh pơrjum kờ` sền wơl broă lơh jăt kơnòl tơnguh bơtàu lơh sa mpồl bơtiàn tàm tơl càr dê. Ală broă bè bơta niam sơntìl phan tam, tơnguh bơtàu lơh sa suơn sre kơl jăp… là tơngu me tòm geh uă jơnau đơs pơgồp bal tàm ală dơ\ lùp mờ hơ jơnau lùp ală kuang bàng dê:

Jăt ală kuang bàng HĐND càr Gia Lai yal, ală nam pa do, broă lơh mờ kă bro sơntìl phan tam ờ niam, ờ g^t nền anih lơh gơs gơbàn kal ke, lơh gơbàn ờ niam uă ngan tus mờ broă lơh sa bal mờ rài kis làng bol.

Mơya, tài broă sền gròi, lơh glài ờ nền nòn, ală hìu lơh gam lơh broă mờ pơn jăt tai lơh aniai tus mờ làng bol.

Hơ jơnau lùp bơh ală kuang bàng HĐND càr, ồng Trương Phước Anh, atbồ Sở Nông nghiệp mờ Phát triển Nông thôn càr Gia Lai neh dờp broă lùp sền, sền gròi là ờ hềt nền nòn.

Ală broă lơh glài hìu lơh tìs kung ờ hềt geh broă lơh ring bal bơh ală gah, mpồl lơh broă geh gơnoar. Ồng Trương Phước Anh mblàng:

- Broă sền gàr dà lơgar bè sơntìl phan tam den ờ hềt ring bal. Bè broă ai sră kă bro gơwèt gơnoar là gah Kế hoạch đầu tư, ală kơnhoàl, thị xã mờ [òn dờng gơwèt mờ hìu tăc is. Tàm broă sền gròi, lơh glài gơwèt gơnoar bơh gah lơh sa suơn sre dê.

Den tàng, bu\ lah go\ hìu hơ\ lơh tìs uă mơya gah lơh sa suơn sre ờ geh gơnoar ku\p sră ai kă bro. Geh tu\, uă kuang bàng lơh broă gah lơh sa suơn sre ờ yal mờ Chủ tịch UBND kơnhoàl, thị xã, [òn dờng kờ` đơng lam broă ku\p sră kă bro do. Den tàng uă hìu lơh sơntìl nam lài tìs, lơh sră ku\p den tus nam tơnơ\ gam gơbàn tìs tai sơl.

Tềng đăp mờ sơntìl phan tam ờ niam geh tăc uă, lơh hoàc huơr tus mờ làng bol, ồng Dương Văn Trang, Bí thư Đảng uỷ, Chủ tịch HĐND càr Gia Lai đơs là, pal lơh loh kơnòl bơh gơnoar atbồ tàm ală tiah.

Tài ală hìu lơh, kă bro sơntìl phan tam ờ tu\ lơi [uơn geh lơh mờ gam lơh broă tàm ală tiah. Pal lơh loh geh lah ờ bơta ờ niam tàm broă lơh sơntìl phan tam ờ niam gam geh tàm uă nam do. Ồng Dương Văn Trang đơs:

- Tu\ do cau tus tăc, ờ geh sră kă bro, sơntìl den ờ g^t loh anih lơh gơs-, ờ geh khà măt kă bro mờ cau gam tăc den sền gàr dà lơgar tàm sơnah [òn, xã hơ\ bè lơi, kơnhoàl hơ\ bè lơi mờ gam geh sùm? Geh broă lơi lah ờ? Xã, sơnah [òn, thị trấn geh ai lơh lah ờ? G^t mờ ờ lơh?

Du\t ndơl làng bol pal dờp hoàc huơr. Blơi sơntìl cèng rê tam ờ hòn, chơ\t, hòm mờ ờ geh plai. Ồng chủ tịch sơnah [òn g^t lah ờ? Ờ di [uơn mờ tus tàm hơ\ gam geh tăc bè ờs?

Tàm pơrjum dơ\ 4, HĐND càr Dak Lak, broă geh uă kuang bàng sền gròi ngan kung là broă tơnguh bơtàu lơh sa suơn sre kơl jăp. Broă phan geh lơh bơh broă lơh sa suơn sre “Geh tơnhào, ờ geh khà priă” lơh uă làng bol ờ su\k ơm neh geh uă kuang bàng đơs tus tàm pơrjum.

Ală kuang bàng kơ\p kờ` càr Dak Lak gờ` geh broă lơh di pal kờ` gàr niam anih tăc phan geh lơh bơh broă lơh sa suơn sre dê, dong kờl làng bol iang nùs tàm broă lơh sa. Ồng Nguyễn Thiên Văn, kuang bàng tus bơh kơnhoàl Krông Păc dan:

- Dan mờ UBND càr tơnguh ală broă lơh hòi jà ală anih lơh sa kă bro bơcri priă tàm gah lơh sa suơn sre [òn lơgar kờ` anih lơh sa kă bro pơgồp bal mờ ală mpồl lơh broă mờ làng bol kờ` pơgồp bal lơh sa, lơh gơs phan ngui sa mờ tăc phan geh lơh bơh broă lơh sa suơn sre, geh bè hơ\, hơ\ sồng bơsong geh broă lơh sa suơn sre tàm càr Dak Lak.

Cri bơyai bè rơndăp broă tơnguh bơtàu kơphe kơl jăp tàm càr Dak Lak tus nam 2020 mờ wèt tus nam 2030, bơdìh mờ ală broă lơh neh geh đơs tus, ală kuang bàng kung dan mờ UBND càr Dak Lak sền wơl bè broă lơh geh cồng nha tu\ tơmù rơhời bă ù tam kơphe gam 180 rơbô lồ, mơya gam tơl niam rài kis làng bol tam gơl phan tam in.

Bè broă do, ồng Nguyễn Hoài Dương, atbồ Sở Nông nghiệp mờ Phát triển Nông thôn càr Dak Lak mblàng:

- 180 rơbô lồ hơ\ là ală tiah di pal mờ broă lam sồr ù tiah tam kơphe Buôn Ma Thuột mờ hơ\ kung là ală tiah geh lùp sền mờ ai geh tơl niam broă tơnguh bơtàu kơphe niam mờ kơl jăp.

Mờ ală bă ù gam tai làng bol gam tam loh làng geh bơta niam rơlao di lah pơn drờm mờ broă tơnguh bơtàu kơphe là ờ uă, den tàng pal tam gơl tam ală bơta phan tam ndai. Bol a` kung tơnwèt kờ` tam ală tòm chi sa plai, phan tam lơh sơnơm mờ ală bơta phan tam ờ jo\ tơngai ndai.

Cau cih mờ yal tơng^t Ndong Brawl