VOV4.K’ho - Ngai òr (20/11), UBND càr Dak Nông pơgồp bal mờ Bảo tàng Thiên nhiên Việt Nam bơyai lơh pơrjum khoa học bè broă lơh công viên địa chất bơnơm ồs tàm càr Dak Nông. Pơrjum do neh cri bơyai ai tơl^k uă broă lơh kờ` công viên địa chất bơnơm ồs Krông Nô gơs công viên địa chất gùt dunia tơnơ\ do.

Jơnau yal bơh UBND càr Dak Nông đơs loh: trồm rơgồng bơnơm ồs tiah Krông Nô geh bơta pràn bè phan geh is, phan tềl kah yau địa chất geh uă mờ uă rơlao 100 bơta phan kis, chi che geh cih tàm pang sră pơrhê Việt Nam mờ dunia dê.

Bơdìh hơ\ tai, tàm kơnhoàl Krông Nô mờ ală tiah rềp bal geh uă bơta bè sinh học, rài chài rơgơi mpồl bơtiàn lài do bal mờ ală tiah tềl kah yau bè tiah prăp gàr ù tiah geh is Nâm Nung, brê hòn is Dray Sap, tiah tềl kah yau rài lài do hìu jàm Dak Mil, tiah tềl kah yau rài tam lơh B4…

Kuơ màng tàm tơngai pa do, ală cau jăk chài neh mờ gam kơlôi sơnơng, go\ uă tiah tềl kah yau geh kuơ tàm trồm rơgồng bơnơm ồs.

Tàm pơrjum, ală kuang bàng đơs là, kờ` bơ\t bơtàu geh cồng nha Công viên địa chất gùt dunia di mờ khà geh ai, den càr Dak Nông pal bơ\t bơtàu ală rơndăp broă, broă lơh mùl màl tàm broă prăp gàr mờ tơnguh ală bơta kuơ phan tềl kah yau địa chất, phan tềl kah yau chài rơgơi mờ phan geh is kờ` drơng tàm broă tơnguh bơtàu nhơl chờ; bơyai lơh ală broă bơto bơtê kờ` tơnguh jơnau g^t wă, tơnguh kơnòl bơh mpồl bơtiàn tàm broă sền gàr tiah kis; tơnguh broă yal rùp rài niam; hòi jà cau năc tus nhơl kờ` mu\t lơh nhơl chờ; bơ\t bơtàu, bơto mpồl cau lam sồr nhơl chờ di pal mờ khà geh ai…

Cau cih mờ yal tơng^t Ndong Brawl