VOV4.K’ho – Ală ngai lồi nhai 02 pa do, Anih duh broă kòn cau dà lơgar dê neh bơyai lơh Pơrjum mu\t lơh broă lơh kòn cau nam 2016. Bơh kờp sền, sền wơl, ală gùng dà broă lơh kòn cau tơngai bơh nam 2011- 2015, ală gùng dà broă lơh geh tơl jơh ală bơta tàm rài kis, lơh sa- mpồl bơtiàn, mơkung kung gam sơl ală bơta ờ hềt niam kờn pal geh lơh niam wơl.

Jat jơnau yal bơh Anih duh broă kòn cau dà lơgar dê, ală gùng dà broă lơh kòn cau tơngai bơh nam 2011- 2015 lời ai tiah kòn cau in wil tơl ngan, mờ tơl làm tàm jơh ală broă mờ geh ai jơh ală tiah kòn cau mờ tiah kơh bơnơm in. Gùng dà broă lơh neh rơ hời lơh tam gơl bè bơta kơlôi sơnơng mờ bồ tơngoh, jàu gơnoar uă ai [òn lơgar in, tơngo\ loh làng bơta loh làng, song dơ pă tàm tu\ bơ\t bơtàu, lơh broă rơndăp lơh, tam pà priă jền, bơh dong kờl tơn ai hìu bơnhă in tam gơl tus dong kờl ai [òn lơgar in, mpồl hìu in; bơh ai pà gời tam gơl tus ai càn. Ală gùng dà broă lơh geh bơta sền gròi pơgồp bal bơh ală gah, sơnah lơh broă dà lơgar mờ ală càr, [òn dờng dê. Gơnoar broă bơh làng bol mờ cau geh dờp ngui dê geh lơh niam rlau.

Bơh 5 nam mu\t lơh, ală gùng dà broă lơh tơrmù r[ah pơn jat tai lơh jơh jơnau kờn bè tơrmù r[ah. Khà hìu r[ah bal bơh gùt lơgar dê neh gơmù rlau 8% pơndrờm mờ nam 2010. Tus lồi nam 2015, khà hìu r[ah bơh gùt lơgar dê gam hơđơm 5%. Bơh mu\t lơh Broă lơh 135, neh geh 80 ntum kal ke uă mờ mờr 400 [òn kal ke uă jơh lơh jơh jơnau kờn nam 2015 dê; rlau 1 tơlak 300 rbô hìu r[ah, hìu mờr ndrờm bè hìu r[ah geh dong kờl bơtàu tơnguh lơh sa, tơnguh jơnhoa cồng nha chi tam, phan ròng, lơh tơnguh uă tai priă lơh geh. Ală gùng dà broă lơh neh dong kơ\ kơl jăp rài kis ai mờr 20 rbô hìu làng bol kòn cau gam ntrờn ơm kis lơh sa ờ kơ\ dùl bă tiah; dong kờl ù ơm mờ ù lơh sa ai rlau 50 rbô hìu in; dong kờl bơto tam gơl broă lơh mờ càn priă lơh geh broă lơh ai mờr 50 rbô hìu in.

Mơya, bơh kờp sền, sền wơl, ală gùng dà broă lơh kòn cau tơngai bơh nam 2011- 2015 uă, geh tàm jơh ală broă tàm raì kis, lơh sa- mpồl bơtiàn mơya kung gam sơl ală bơta ờ hềt niam kờn pal geh lơh niam wơl. Ala mat Mpồl duh broă kòn cau Gơnoar ala mat dà lơgar dê, do là anih sền gròi broă mu\t lơh gùng dà broă lơh kòn cau tàm tiah làng bol kòn cau mờ tiah kơh bơnơm, ồng Giàng A Chu kuang jat jơng atbồ Mpồl duh broă kòn cau Gơnoar ala mat dà lơgar dê, đơs là: gùng dà broă lơh kòn cau geh mu\t lơh geh cồng nha rlau dilah priă jền bơcri ai bơtàu tơnguh tiah làng bol kòn cau mờ tiah kơh bơnơm in geh sền gròi: “Uă ngan gùng dà broă lơh mơya priă jền ờ hềt geh ai tơl. Geh broă lơh mìng ai geh 60%, geh broă lơh mìng ai geh 40% lơm, mơya bơh sền gròi den sền go\ geh ală broă lơh Kuang gơs gơnăp gơnoar atbồ hơđang rlau jơh dà lơgar neh ki\ ai mơya ờ geh priă jền nàng bơcri dong kờl. Do là bơta kờn pal lơh niam wơl tàm tơngai tus”.

Anih duh broă kòn cau dà lơgar dan geh gùng dà broă lơh kòn cau tơngai bơh nam 2016- 2020 jat 5 mpồl, mờ ală gùng dà broă lơh krơi is, là: broă lơh 135, gùng dà broă lơh krơi is dong kờl bơtàu tơnguh lơh sa- mpồl bơtiàn tiah kòn cau mờ tiah kơh bơnơm, mờ bàr pe rơndăp broă lơh, gùng dà broă lơh neh mờ gam jun yal mờ Kuang gơs gơnăp gơnoar atbồ hơđang rlau jơh dà lơgar in ki\ ai mu\t lơh tàm broă rơndăp lơh di mơ tơngai.

Đơs đơng lam Pơrjum tơn jơh broă lơh kòn cau tơngai bơh nam 2011- 2015 geh lơh tàm càr Lào Cai tàm ngai 27/02 pa do, ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar đơs tờm: Geh 5 bơta jai pha dờng tàm broă lơh kòn cau tàm tơngai pa do, là: Ală kơrnoat boh lam, gùng dà broă lơh bè broă lơh kòn cau ngai sơlơ geh lơh niam; Priă jền nàng lơh gùng dà broă lơh kòn cau ngai sơlơ uă mờ ngui geh cồng nha rlau; Broă đơng lam mu\t lơh di broă mờ di pal rlau mờ bơta pơgồp bal đah ală Gah sơnah lơh broă dà lơgar dê niam rlau; Lơh sa- mpồl bơtiàn tàm tiah kòn cau gơ tam gơl uă ngan; Mpồl kuang bàng lơh broă kòn cau geh bơta mờng chài mờ geh bơta jơh nùs tàm broă lơh.

Ồng Nguyễn Xuân Phúc đơs loh ală bơta gam gơkòl ờ hềt geh lơh niam tàm tu\ mu\t lơh gùng dà broă lơh kòn cau, là: gùng dà broă lơh tàm rơndăp tàm rơndồl, bàr pe gùng dà broă lơh ờ dipal, ờ gơ jat bơta krơi is mờ bơta pơgồp bal ờ hềt ring bal. Gùng dà broă lơh geh ai ngui uă mơya priă jền ai bơh Dà lơgar dê gam uă bơta ờ hềt niam, ngan là ờ hềt geh broă lơh hòi jà làng bol [òn lơgar tă pơgồp priă jền ai tiah kơh bơnơm mờ tiah kal ke uă in. Bal mờ bàr pe càr [òn dờng sền gròi uă, gam uă càr [òn dờng ờ hềt sền gròi ngan ngồn tus tiah kal ke mờ tiah làng bol kòn cau.

Cau cih mờ yal tơngi\t- Lơ Mu K’ Yến