VOV4.K’ho - Ủy ƀan Zân tộk pa bơyai lơh “Pơrjum pơgồp bal tơn jơh Anih lơh broă Ủy ƀan zân tộk nam 2021”.

                               Ƀộ trưởng, Củ ñiệm ồng Hầu A Lềnh geh jơnau đơs tàm pơrjum

Nam pa do, ủy ƀan zân tộk neh tam gơl pa pràn kơl dang broă đơng lam, lam sồr, tơnguh broă ngui kông nghệ thông tin, tơnguh uă cồng nha broă atbồ; git nền nòn broă lơh, bơsong ală broă ờ sŭk, gơlik geh tàm tiah kòn cau mờ tiah kơh bơnơm, tàm hơ̆ uă ngan là bơta kòp Kovid-19; pơgồp bal tàm broă tơnguh rài kis làng bol ală kòn cau, ring niam lơh sa mpồl bơtiàn, bơta lơngăp lơngai cíñ trị mờ gàr niam rài kis mpồl bơtiàn tàm tiah làng bol kòn cau; bơ̆t bơtàu lơh gơs ală Jơnau yal, Rơndăp broă thông tư bơto sồr lơh jăt broă lơh jăt jơnau kờñ tơnguh bơtàu lơh sa mpồl bơtiàn tiah làng bol kòn cau mờ tiah kơh bơnơm, yal Cíñ phủ, Thủ tướng Cíñ phủ in.

Nam pa 2022, Ủy ƀan zân tộk geh jào kơnòl đơng lam broă lơh jăt jơnau kờñ tơnguh bơtàu lơh sa mpồl bơtiàn tiah làng bol kòn cau mờ tiah kơh bơnơm, den tàng broă lơh geh uă. Pal geh kơ cế pơgồp bal nền nòn đah ală ƀộ, gah lơh broă, ală càr, ƀòn dờng, tus tơl kấp tàm ală tiah là ƀòn, tus tơl hìu, làng bol.

Cau mblàng Ndong Brawl