VOV4.K’Ho - Broa\ bơhìan chài rgơi cing mồng Tây Nguyên geh UNESCO dờp la phan chài rgơi bơtìan ala mat kòn bơnus neh pờ geh ua\ tu\ nàng prap gàr mờ chồl guh bơta chài rgơi cing mồng do tàm bơta bè tu\ do. Bơhìan cing mồng bơh cau K’Ho tàm càr Lâm Đồng mìng la dùl bơnah broa\ kuơ màng bơh Bơhìan chài rgơi cing mồng Tây Nguyên.

            Cing mồng cau K’Ho geh bơta niam krơi ai bơh bơta niam chài rài kis kơ lôi sơnơng is bơh kòn cau he dê. Hơ\ la bơta li la, nhap nhar tàm broa\ dròng, bơta krơi is bơh tơl pang cing tàm tu\ dròng cing. Tơl pang cing tàm bòr cing drờm geh gơ rềng tus gơnoar rài kis bơh cau K’Ho, bè geh cing me, cing kòn, cing sau…Ờ mìng la dùl phan dròng teh, cing mồng bè dùl che tơrbo\ ndu gơnrơh ngan, tơrbo\ bơh kòn bơnus mờ cau yàng. Cing mồng geh bơh tu\ kòn bonus geh deh, kis dờng mờ tus tu\ chơt, kung bè geh ngui tàm tơl `ô sa dờng bơh mpồl bơtìan [òn lơgar, bè `ô sa rơpu, `ô lir [ong, jun bau hala ngui tàm tu\ hìu nha\ geh cau chơt…

Pơnjat tai tàm bơta gơ lòt bal bơhìan chài rgơi, cing mồng gam geh làng bol cau K’Ho tàm kơnhòal Lâm Hà đơs is, càr Lâm Đồng đơs bal prap gàr mờ sền ngềr ngan. Ồng K’ Thế, cau atbồ mpồl cing mồng bơh [òn Sre Nhắc, thị trấn Đinh Văn, kơnhòal Lâm Hà, ai git:

            Tàm tiah [ol a` geh 2 mpồl cau chài dròng cing mồng, la mpồl cau dròng cing cau ùr mờ mpồl dròng cing cau klau. Ala\ cau chài dròng cing do, dròng chài ala\ bơta cing mờ sơng gơr. Bol a` sùm geh pờ ơdu\ bơto bơtê dròng cing rnàng kơnòm sa\ in, nàng oh kòn kòn sau khi git, sùm sền gàr mờ prap gàr chài rgơi bơhìan yau cing mồng kòn cau he dê.

            Ngan la mpồl cau dròng cing la cau ùr tàm [òn Bồ Liêng, thị trấn Đinh Văn neh crơng gơs geh rlau 10 nam. Do la broa\ lơh niam bơh kơnhòal Lâm Hà, lài do òr cing mồng mìng cau klau lơm dròng. Tu\ do, mpồl dròng cing cau ùr dròng chài ngan ala\ jơnau dròng cing, kung drờm bè mpồl dròng cing cau klau sơl. Ờ mìng geh dròng cing tàm [òn lơm ờ, mpồl dròng cing cau ùr Lâm Hà neh ua\ dơ\ lòt dròng tiah ndai, ai sap ntas cing cau K’Ho geh mpong ntas làm ù làm tiah rèp ngài tàm càr mờ bơdĩh càr Lâm Đồng. Mờ pa do ngan la dơ\ tus bal pơrlòng cing mồng Tây Nguyên nam 2017 tàm [òn dờng Buôn Ma Thuột. Ồng K’ Thế đơs tai:

            Mpồl dròng cing cau ùr kung geh 6 na\ cau sơl, bè mpồl dròng cing cau klau mờ dùl na\ cau ja` sơnggơr nàng pơlam dròng cing. Tàm jơnau cing bơh bòr cing 6 pang, cau ja` sơnggơr geh bơnga\ kuơ màng ngan nàng lam dròng, kờ` cing 6 pang geh dròng rờt ờt, ntas niam, di jơnau dròng, ờ gơ ntas bu, kung ờ gơ ntas is, gơ geh ntas jat pơlam bal niam.

            Lâm Hà la dùl tàm ala\ kơnhòal bơh càr Lâm Đồng neh lơh niam broa\ sền gàr mờ chồl guh niam chài chài rgơi cing mồng, kơnờm bơh git ngui bal ala\ broa\ lơh bơh dà lơgar mờ rài kis pah ngai chài rgơi bơh làng bol. Cing mồng sùm geh ngui tàm ala\ `ô sa dờng hala tàm ala\ broa\ dờng kuơ màng bơh hìu nha\, bè `ô sa rơpu, `ô lir [ong, jun bau, chơt jê… Broa\ bơto bơtê cing mồng tus mờ rnàng kơnòm sa\ sùm geh lơh. Tu\ do, tàm kơnhòal do gam sùm bơto bơtê ala\ jơnau dròng cing yô yau mờ ala\ kơnhòal ndai tàm càr gơ lơh bè ờ gam tai. Ồng K’ Thế boh bơr:

            Ờ go\ di cau lơi, bơh deh, dờng sa\ drờm git tur cing, mờ bơh ồng pang yau bơto bơtê wơl. Tur cing gơ ờ drờm bè he teh gùng đờng kơl`i geh đô, rê, mi, fa, sol, la…tur cing pal sơnđìng tàm rơndap rơndồl bơh jơnau cing. Bè jơnau cing wa\ rò nac, ding biap ding gòl, lô-na hala pep tồr jùn…Do la ala\ jơnau dròng cing bơh yô yau ồng pang dê sơnđan gơ. Bol he la rnàng knòm sa\, bol he pal git sền, prap gàr mờ pơnjat tai geh bơto bơtê wơl rnàng kơnòm sa\ tơnơ\ do in git.

Bơh broa\ bơyai lơh ala\ mpồl cau dròng cing, tus broa\ lòt jòi bơto bơtê ala\ jơnau cing yau mờ ai ngui cing mồng geh tus wơl mờ rài kis chài rgơi bơh hìu nha\ mờ mpồl bơtìan [òn lơgar, ala\ cau chài K’Ho tàm kơnhòal Lâm Hà, càr Lâm Đồng neh mờ gam lơh gơ kis wơl bơhìan  niam chài, chài rgơi niam krơi kòn cau he dê, pơ gồp bal sền gàr, prap gàr bơtàu tơngguh Cing mồng Tây Nguyên dùl phan bơna niam chài bơh kòn bơnus dê.

                                             Cau cih mờ yal tơnggit K’ Brọp