VOV4.K’ho- Tàm dùl ròt ală broă lơh tàm Dơ\ lơh chờ niam chài ồi yau Việt Nam dơ\ sơnrờp geh lơh tàm Dak Nông, ngai 15/1, UBND càr Dak Nông pơgồp bal mờ Viện Niam chài Đơs crih tam ya dà lơgar gơ wèt Bộ Văn hoá, Thể thao mờ Du lịch bơyai lơh dơ\ Cribơyai tơngume “Niam chài ồi yau ală kòn cau Việt Nam”.

Phan soh ồi yau là bơhiàn niam chài mờ phan bơna tàm tơl tiah, tơl jơi bơtiàn kòn cau. Ală phan soh ồi yau ndrờm tơngo\ mpàng tê kèr chài, tơryăng tơryồng ngan bơh ală cau ùr dê tàm mpồl bơtiàn ală jơi bơtiàn kòn cau Việt Nam. Ồi yau ờ mìng geh mat tàm rài kis pah ngai, tàm lơh broă lơh sa, lơh phan kă bro tàm pơgơl bơh gùng dà lơh sa lơh is sa is dê, mờ gam ờ gơtùi ờ geh tàm ală dơ\ `ô bau, lơh chờ.

Cribơyai “Niam chài ồi yau ală jơi bơtiàn kòn cau Việt Nam”

Đơs tàm dơ\ Cribơyai “Niam chài ồi yau ală jơi bơtiàn kòn cau Việt Nam”, mò Linh Nga Niê Kdam, cau kơlôi sơnơng bơta niam chài đơs, tu\ do niam chài ồi yau bơh làng bol ală kòn cau dê đơs bal gam ngai sơlơ hi\u roh te\ tàm rài kis pah ngai. Nàng prăp gàr mờ bơtàu tơnguh niam chài ồi yau den pal prăp gàr mờ bơtàu tơnguh broă tà` ồi yau ờs mờng bơh yau tàm să tờm làng bol ală kòn cau dê tơn.

Kờ` prăp gàr mờ bơtàu tơnguh broă tà` ồi yau ờs mờng bơh yau den ờ go\ di mìng sền dờng màng tàm broă bơto broă lơh mờ broă lơh tà` mờ tê ờ mờ pal pơgồp bal đah tà` mờ tê mờ tà` mờ măy mok. Mơkung pal sền dờng màng tus broă jòi drà kă bro phan nàng tà` ồi pa, khà priă di đau, rơndăp lơh rùp să phan soh halà lơh gơs uă phan ngui ndai. Bol he pal lơh tam gơl pa bơrnơ\ tà` ồi mờ tê ai pang biài ơnàng rlau in, khà tà` sơrbăc rlau, ngui brài lơhơ ai pang ồi lơbơn, đềt rlau den ồi yau hơ\ sồng gơtùi gơ rê wơl mờ rài kis [òn lơgar.

Dilah roh te\ phan soh ồi yau, roh te\ rùp bơka tềng pang ồi yau den kung roh te\ bơta niam chài kòn cau dê. Den tàng bè hơ\, broă lơh bè lơi nàng sền gàr, prăp gàr, ngui niam tơn tàm să tờm làng bol kòn cau dê là bơta kuơmàng ngan rlau jơh, tơnơ\ hơ\ sồng yal tơngi\t mờ gơ\p bơyô in. Jat a` den gơtùi hòi jà kơnòm bơsram kấp dùl, kấp bàr tàm ală tiah kòn cau dùl poh bơh dùl tus bàr dơ\ soh phan kòn cau lòt bơsram. Hòi jà tơl hìu bơnhă, tơl nă cau geh dùl bộ phan soh kòn cau, tài bơh hơ\ là phan niam chài ai kòn bơnus gùt dunia in.

Mò Linh Nga Niê Kdam, cau kơlôi sơnơng bơta niam chài

Phó Giáo sư-Tiến sĩ Bùi Văn Sơn Viện trưởng Viện Niam chài đơs crih tam ya Việt Nam đơs là: Ồi yau là biài tà` mờ tê tơngo\ bơta kuơ niam chài, rài kis pơnrơ is bơh dùl jơi bơtiàn kòn cau dê. Bơh bơta pơnrơ is bơh ồi yau dê tàm phan soh ală kòn cau dê bol he đal gi\t geh rài kis chài rơgơi is jơi bơtiàn kòn cau dê, bơta tàm bơtờp lơh quèng bal tam gơl bơta niam chài đah ală jơi bơtiàn kòn cau ơm kis bal mờ gơ\p. Ồi yau ờ go\ di mìng [ươn [oài là phan soh lơm ờ mờ gơ gam geh ngui tàm rài kis ờs mờng bơh yau, lơh phan kir sơnrai tàm dơ\ `ô bau, chơ\t [ồc. Sền tàm rùp bơka tềng pang ồi yau, bol he gơtùi đal gi\t geh jơnau đơs bè ală ù tiah, brê bơnơm rài kis dunia bơh jơi bơtiàn kòn cau hơ\ dê. Mơya, tàm tơngai tu\ do mờ bơta bơtàu tơnguh bơh jak chài măy mok dê neh lơh gơrềng tus rài kis làng bol dê. Ală phan soh kòn cau bơh yau neh geh tam gơl wơl mờ ală phan soh rài pa tu\ do dê. Ală nghệ nhân gi\t tà` ồi ngai sơlơ dùl êt te\, rơnàng kơnòm să ờ hềt kờ` ngan mờ broă tà` ồi yau. Phan soh ồi yau lơh gơlik roh uă ngan tu\ jiơ mờ ờ geh drà tăc lơh ală cau nghệ nhân in ờ gam kờ` ngan tai mờ broă tà` ồi yau lơh phan soh ồi yau ngai sơlơ ờ huan gơtùi geh tai.

Tềng đăp ală bơta lòng hơ\, pơhìn hiu\ roh te\ ngai sơlơ mpờl go\ loh làng ngan. Bơta do digơlan lơh roh te\ dùl bơnah bơta niam chài is ờs mờng bơh yau, roh te\ bơta pơnrơ is bơh niam chài jơi bơtiàn kòn cau dê. Den tàng bè hơ\ kờ` pal geh ală kơlôi sơnơng gơcèng bơta tơrgùm bal jơh ală bơta, geh rơndăp tăp sèng bal nàng prăp gàr ngui niam bơta niam chài ồi yau pơnrơ do, nàng kờ` pơn jat tai gàr kơ\ bơhiàn niam chài krơi is kòn cau dê mờ rơhời lơh geh bơta pơrya niam chài bơh mpồl bơtiàn dê.

Prăp gàr mờ bơtàu tơnguh niam chài ồi yau tàm să tờm làng bol dê tơn 

Mò Tôn Thị Ngọc Hạnh-Phó Chủ tịch UBND càr Dak Nông pà gi\t, dơ\ sơnrờp Dơ\ lơh chờ niam chài ồi yau Việt Nam geh bơyai lơh, sền do là tu\ tơngai niam nàng Dak Nông yal tơngi\t rùp să càr dê tus mờ gơ\p bơyô tàm lơgar mờ dunia in. Kung là tu\ nàng Dak Nông geh ală gùng dà prăp gàr mờ bơtàu tơnguh niam chài ồi yau bơh ală jơi bơtiàn kòn cau tàm càr dê.

Bol a` kơ\p kơnờm là mờ ală jơnau kơlôi sơnơng jak chài bal mờ ală bơta geh ngan mờ bơta kờ` ngan gơ wèt mờ rài niam chài kòn cau gơ jat bal mờ ồi yau. Gơ jat bal mờ niam chài bơta bơtàu tơnguh hơ\, ală cau kơlôi sơnơng dong bol a` in geh uă jơnau yal, bơta gi\t wa\ kung bè pơlam gùng, đơng lam dong bol a` geh ală gùng dà broă lơh tàm tơngai tus geh lơh bè lơi nàng gơ in sền gàr, prăp gàr mờ bơtàu tơnguh ồi yau, bơhiàn niam chài bơh rùp bơka tềng pang ồi yau. Kuơmàng gơ wèt mờ Dak Nông bal mờ 40 jơi bơtiàn kòn cau oh mi ơm kis bal den bơta li la hơ\, bol he kơ\p kờ` lơh bè lơi nàng sền gàr tàm gơ sòr bal đah ală jơi bơtiàn kòn cau nàng geh bơta kuơ kơ\ kơl jăp tàm tơngai tus.

Pơrjum “Niam chài ồi yau ală kòn cau Việt Nam” geh lơh tàm Dơ\ lơh chờ niam chài ồi yau Việt Nam dơ\ sơnrờp dùl dơ\ tai đơs di bơta kuơmàng bơh phan bơna ồi yau dê tàm rài kis, mơkung bơh hơ\ pơn jat tai geh ală gùng dà broă lơh nàng kờ` sền gàr mờ ngui niam ală bơta kuơ niam chài pơnrơ is ngan bơh ală jơi bơtiàn kòn cau Việt Nam đê tus mờ gơ\p bơyô tàm lơgar mờ dunia.

Cau mblàng Lơ Mu K’Yến