VOV4.K’ho – Tàm càr Vĩnh Phúc, Bộ Tài nguyên mờ Môi trường neh pơgồp bal mờ Bộ Nông nghiệp mờ Phát triển Nông thôn pa bơyai lơh pơrjum “Broă prăp, tơrgùm ù tiah drơng broă tơnguh bơtàu lơh sa suơn sre dờng, ngui măy mo\k, broă lơh pa tàm broă lơh sa suơn sre”. Tàm pơrjum, Phó Thủ tướng Trịnh Đình Dũng neh đơs loh: prăp ù sre là kờ` ai ù bơ\t bơtàu broă lơh sa suơn sre, gàr niam broă ngui geh cồng nha ù tiah kờ` tơnguh bơtàu lơh sa suơn sre geh cồng nha, bơta niam mờ geh cồng nha uă.

Broă lam sồr prăp ù, tơrgùm tàm broă prăp ù sre kờ` pờ ơnàng broă lơh, tơnguh cồng nha broă lơh sa suơn sre neh geh đơs tàm Nghị quyết pơrjum dờng Đảng dơ\ 11 mờ pơn jăt tai jơnau đơs tàm sră nggal pơrjum dờng Đảng dơ\ 12. Tơngai do, ală broă prăp ù, tơrgùm tàm ù sre neh geh lơh uă bơta, lài ngan neh geh ală cồng nha kuơ màng mơya kung gam geh uă bơta ờ niam, kal ke pal geh tơrgùm bơsong.

Mùl màl là kơrnoăt ai khà dờp jào gơnoar ai ù tam phan pah nam, ù ròng phan tàm dà tus mờ hìu nhă, cau 1 nă să is ờ hềt geh lam sồr prăp, tơrgùm tàm bă ù tiah. Broă tìp mờ ù lơh sa suơn sre bơh ală anih lơh sa kă bro gam uă kal ke; broă dong kờl tus mờ ală hìu ờ gam lơh sa suơn sre tam gơl ală gah lơh broă ờ di broă lơh sa suơn sre ờ hềt tơl pràn. Ồng Nguyễn Mạnh Hiển, Thứ trưởng Bộ Tài nguyên mờ Môi trường lài do đơs là:

- Broă là he ờ hềt geh broă lơh kờ` lam sồr làng bol kung bè anih lơh sa kă bro ơpah ù ha là dờp pơgồp priă bơh broă tam pà ù tiah. Mờ broă kal ke tàm do mùl màl là tu\ làng bol, anih lơh sa kă bro kờ` ơpah ù làng bol den tu\ do ờ hềt tơl niam, ờ hềt tơl^k nùs nhơm pin dờn kờ` làng bol là tu\ a` ai ơpah ù den rài kis a` dê kung gam niam.

Phó Thủ tướng ồng Trịnh Đình Dũng đơs loh, tơngu me chồl pràn broă prăp ù là kờ` geh tơl pràn broă bơ\t bơtàu wơl broă lơh sa suơn sre, gàr niam broă kờ` ngui geh cồng nha ù dê kờ` tơnguh bơtàu gah lơh sa suơn sre geh cồng nha, bơta niam mờ cồng nha uă, tơnguh broă tam pơlòng bơh phan geh lơh broă lơh sa suơn sre dê. Ồng Trịnh Đình Dũng đơs loh, broă prăp ù, tơrgùm ù pal pleh mờ broă lơh gời, lơh jăt broă đòm jăt bal, lơh pal geh ai bơh tàm broă kờ` anih kă bro, bơta pràn lơh, di pal mờ broă lơh mùl màl bơh tơl tiah dê. Bal mờ hơ\, là gàr niam bơta kuơ làng bol bal mờ bơta kuơ bơh dà lơgar, anih lơh sa kă bro bơcri priă lơh dê; ai ală anih lơh sa kă bro, mpồl lơh broă bal, cau tòm ù lơh bơta pràn mờ sền hìu nhă, làng bol là bơta tòm ai tơl^k cồng nha. Kờ` lơh geh ală bơta do, ồng Trịnh Đình Dũng đơs tòm:

- Pal lơh ală cơ chế ha là lơh glài di pal mờ gơnoar ring bal bơh anih lơh sa kă bro mờ làng bol tàm broă tus bal prăp ù sre kung bè bơyai lơh sa suơn sre, broă do pal ring bal. Broă dơ\ 2 là pal lơh broă dong kờl làng bol tàm broă prăp ù, tơrgùm ù tiah, mờ lơh ală broă lam sồr ală anih lơh sa kă bro bơcri priă tàm gah lơh sa suơn sre, tơnguh bơtàu lơh sa [òn lơgar, broă do he neh geh mơya ờ hềt pràn.

Ồng Trịnh Đình Dũng kung sồr tơnkah broă lơh jăt prăp ù, tơrgùm ù pal pơgồp bal mờ broă lơh sa [òn lơgar, ai uă broă lơh pa, tơmù cau lơh broă tàm gah lơh sa suơn sre; lơh geh cồng nha broă lơh sa tàm lơgar, ai broă lơh sa kă bro dunia lơh tơngu me tòm tơnguh bơtàu, tam pơlòng phan geh lơh bơh broă lơh sa suơn sre. Bal mờ hơ\ là bơyai lơh wơl ală broă lơh sa suơn sre mùl màl là hìu nhă, mpồl lơh broă bal bal mờ anih lơh sa kă bro. Ồng Trịnh Đình Dũng jào Bộ Tài nguyên mờ Môi trường iăt jơnau pơgồp bal, tơrgùm jơnau pơgồp bal yal mờ Chính phủ, Quốc hội ring bal ală broă prăp ù, tơrgùm ù drơng broă tơnguh bơtàu lơh sa suơn sre dờng, ngui măy mo\k, broă lơh pa tàm broă lơh sa suơn sre.

Cau cih mờ yal tơng^t Ndong Brawl