VOV4.K’ho-Tam pa wơl kơphê tu\ do là jơnau geh uă làng bol lơh broă sa sền gròi ngan. Anih priă jền Nông nghiệp mờ phát triền nông thôn càr Daklak kung neh hơ ai 3 rbô tơmàn priă nàng drơng jơnau kờn càn priă tam pa wơl kơphê. Mơya, tu\ do, cau lơh broă sa tàm uă tiah tàm càr do geh càn priă jền do dùl êt ngan.

Hìu bơnhă mò Trần Thị Liên kis tàm xã Hoà Đông, kơnhoàl Krông Pach, càr Daklak geh mờr 7 sào kơphê kra neh jo\ sơnam, cồng nha lơh geh ờ uă den tàng kờn pal koh kơl nàng tam pa. Mò Liên pà gi\t, hìu bơnhă mò rơcang tam pa wơl sươn kơphê neh bơh jo\ mơya ờ hềt geh priă jền. Tàm tu\ hơ\, mpồl cau lơh broă sa xã yal mờ hìu bơnhă mò in bè bơnah priă dong kờl cau lơh broă sa tam pa wơl kơphê den mò gơlơh chờ hờp ngan. Mơya bơta chờ hờp bơh hìu bơnhă mò dê ờ geh jo\ jòng tu\ mò cèng sră nggal lòt càn. Mò Trần Thị Liên, pà g^t:“Tu\ do, lòt càn priă den khi đơs là mìng ai càn geh bơh 1 tus 2 nam lơm, mơya tàm 2 nam hơ\ pal tơm jơh priă càn, pơn yơu bè càn 100 tơlak là 2 nam pal tơm jơh den tàng mờ jơnau sồr bè hơ\ den là hìu a` ờ gơtùi ngui tàm broă lơi”.

Ală hìu lòt càn priă tam pa wơl kơphê pà gi\t, bulah chính sách dong kờl neh geh mơya geh wơl uă ir sră nggal, bè dan sră ki\ tơl bơta tam pa wơl kơphê, gơ ơm tàm tiah tam kơphê geh càr rơndăp ù tiah, lơh jat niam ală broă pơlam tam pa wơl kơphê bơh {ộ Nông nghiệp mờ phát triển nông thôn dê den tàng uă ngan cau lơh broă sa gơlơh ờ khin. Bơdìh hơ\ tai, broă ai càn priă tam pa wơl kơphê tu\ do geh ai càn jat tơngai kàl lơh sa nam sơn rờp lơh ù tam pa den geh ai càn 80 tơlak dùl lồ, nam dơ\ 2 geh ai càn 30 tơlak, mờ nam dơ\ 3, dơ\ 4 geh ai càn 40 tơlak. Hơ\ là tàm tơngai hơ\ cau tam geh càn bơh 130 tus 150 tơlak priă nàng tam pa wơl kơphê tàm dùl lồ. Mơya, làng bol ờ go\ cau ai càn dùl dơ\ ờ mờ pal càn rah rài tàm uă nam. Jơnau do lơh gơlik bơta kal ke ai làng bol in tu\ kờn tơrgùm priă uă nàng rơcang lài tàm broă lơh sa. Den tàng làng bol kung ờ kờn ngan tu\ càn priă.

Ồng Nguyễn Văn Minh, Pho\ Chủ tịch Ủy ban Nhân dân kơnhoàl Cư Mgar, pà g^t:“Đơs ngan den anih priă jền kung neh geh uă broă lơh tă bơsong kal ke, bè: bă ù bơh cau lơh broă sa dê ờ duh kờn pal lòt sền ù, hìu cau lơi ờ hềt geh sră ngui ù gam sơnđan là sổ đỏ den mìng kờn geh gơnoar atbồ xã ki\ là di…Mơya, jơnau kờn càn priă bơh cau lơh broă sa dê uă, mơya anih priă jền nông nghiệp mìng ai càn 150 tơlak dùl lồ lơm. Tàm pơgăp 4 nam, làng bol ờ geh priă jền lơi ndai dilah tam pa wơl, dilah geh tam khuah tơngời ndai den priă lơh geh kung dùl êt ngan lơm den tàng làng bol ờ kờn ngan mờ priă càn do”.

Daklak là càr geh bă ù tam kơphê dờng ngan rlau jơh gùt lơgar bal mờ rlau 203 rbô lồ, tàm hơ\ geh gi\t nđờ jơ\t rbô lồ kơphê jo\ sơnam neh kra kờn pal tam pa wơl. Nàng drơng rơndăp broă lơh tam pa wơl 27 rbô lồ kơphê kra neh jo\ sơnam, lồi nam 2013 lài do, anih priă jền nông nghiệp mờ phát triển nông thôn neh hơ ai càn rlau 3 rbô tơmàn priă. Mơya, tơnơ\ 3 nam lơh, anih priă jền rơ\p mìng ai càn rlau 50 tơmàn lơm mờ bă ù tam pa wơl là rlau 600 lồ.

Nàng tơn jơh bơta kal ke priă càn tam pa wơl kơphê, ồng Tăng Hải Châu, Pho\ Kuang atbồ Anih priă jền Dà lơgar càr Daklak, geh jơnau dan bè do:“Chính phủ kờn pal ngui priă jền bơh kes priă dà lơgar dê nàng ờ sa priă cồng ai cau tam pa wơl kơphê in tàm tơngai tờm kơphê ờ hềt geh plai nàng làng bol iang nùs. Dơ\ 2 là pà sơntìl ai cau tam pa wơl kơphê in tài bơh do kung là jơnau niam nàng bol he lơh tam gơl pa wơl sươn kơphê mờ sơntìl niam. Bè đah càr, pal geh bơta lơh bal bơh jơh ală kơnă, ală gah dê, mờ dilah dùl nă anih priă jền lơm den là kal ke ngan. Pal mblàng yal, bơto pơlam làng bol in là pal tam pa wơl kơphê den bol he hơ\ sồng mu\t lơh gơtùi jơnau kờn tam pa wơl”.

Bơta geh ngan pà go\, làng bol kung gam jòi is priă jền nàng tam pa wơl kơphê kra neh jo\ sơnam tàm rbô bơta kal ke ngan. Chính sách ai càn priă tam pa wơl kơphê là geh kuơ ngan, mơya kờn pal tơrmù [à ală bơta kal ke nàng làng bol in geh càn priă dùl bă [ươn [oài rlau.

Cau cih mờ yal tơng^t - Lơ Mu K’ Yến