Gah lơh sơnơm dà lơgar pa tơlik ngui thông tư geh pơlam lơh jat kơrnuat sồ 14 nam 2013, ngai 20/2/2013 bơh kuang gơs gơnăp gơnoar atbồ hờđang rlao jơh dà lơgar bè broa\ mut lơh lơh broa\ tam pơdar geh tơngai du\ tus mờ cau lơh broa\ tàm anih kham sơm kòp. Jơnau ngai do geh yal bè thông tư do.

Jăt Kơrnuat bơto pơlam, cau atbồ anih kham sơm kòp kơnă hơđăng pal lơh broă jăt di mờ gơnoar broă ờs mờng, khà mờ bơta niam lơh broă bơh cau lơh sơ nơm dê bè bác sĩ, cau điều dưỡng, cau đơng deh, cau lơh măi mok lòt lơh broă tàm sơdar jăt jơnau kờn mờ broă rơndăp lơh neh geh kơnă geh gơnoar ki\ ring bal.

Cau atbồ anih kham sơm kòp jàu kơrnuat ai cau lơh broă in lòt lơh broă tàm sơdar ê\t ngan là bơh 10 ngai lài mờ tu\ lòt lơh broă tàm sơdar.

Jăt Kơrnuat bơto pơlam, tơngai lòt lơh broă tàm sơdar geh tơngai bơh cau lòt lơh broă dê mu\t lơh jăt jơnau cih tàm bơta 5 Kơrnuat sồ 14 nam 2013 bơh Kuang gơs gơnăp gơnoar atbồ hơđăng rlao jơh dà lơgar dê. Gah lơh sơnơm dà lơgar bơto pơlam mùl màl, bè do: Cau lòt lơh broă mu\t lơh jăt kơrnuat lơh broă tàm sơdar geh tơngai mờ tơngai ê\t ngan rlau jơh là 6 nhai geh kờp ndrờm mờ 132 ngai lơh broă; uă ngan rlau jơh là 12 nhai geh kờp là 264 ngai lơh broă.

Tơngai lòt lơh broă tàm sơdar la tơngai ngan ngồn lơh broă tàm anih kham sơm kòp kơnă hơđơm bơh cau lòt lơh broă dê. Cau lòt lơh broă tàm sơdar geh tơngai ờ sùm geh tơr gùm jơh bal tơngai bơh ală dơ\ dê nàng kờp jơh bal tơngai jơh lơh broă lòt lơh broă tàm sơdar geh tơngai lơh ]ơng tàng nàng bơsong ală bơta geh gơ rềng.

Jăt kơrnuat bơto pơlam, bơta dong kờl priă nhai mờ ală bơnah priă dong kờl tus mờ cau lòt lơh broă tàm tơngai tàm sơdar tu\ do geh sa priă jăt jơnau cih tàm Bơnah 1, bơta 7 Kơrnuat sồ 14 nam 2013 bơh Kuang gơs gơnăp gơnoar atbồ hơđăng rlao jơh dà lơgar dê geh tă tơm bal dùl tu\ mờ dơ\ tơm priă nhai pah nhai.

Bơta dong kờl krơi is pah nhai ndrờm 50% khà priă nhai jăt ngạch, bậc sa kờp bal mờ priă dong kờl priă gơnoar broă đơng lam mờ priă dong kờl sơnam lơh broă sơr lèt khà priă nhai ( dilah geh) geh kờp jăt khà ngai ngan ngồn lơh broă tàm anih kham sơm kòp dờp cau lòt lơh broă tàm sơdar tàm nhai mờ geh tă tơm bal dùl ngai mờ priă nhai pơn jăt tai.

Jăt jơnau cih tàm Bơnah 1, bơta 7 kơrnuat sồ 14 nam 2013 bơh Kuang gơs gơnăp gơnoar atbồ hơđăng rlau jơh dà lơgar dê, ală cau do tàm tơngai lòt lơh broă tàm sơdar geh sa 100% priă nhai, ală bơnah priă dong kờl ndai jăt priă nhai ( ờ geh bal priă dong kờl broă lơh), priă dong kờl broă lơh, priă dong kờl lơh broă khih jơlai, priă dong kờl dờng màng; priă dong kờl tàm tiah lơh broă dilah geh bè tus mờ cau lòt lơh broă tàm sơdar tàm tiah tus lơh broă; priă dong kờl krơi is tus mờ cau lơh sơnơm, bè: priă dong kờl lơh broă sùm, priă dong kờl reh, lơh sră nggal reh, priă dong kờl tàm dră mờ kòp pluh mờ priă dong kờl lơh broă mang, lơh tai bơdìh mờ tu\ jiơ lơh broă dilah geh jăt jơnau cih mờ ală gơnoar kuơ ndai, bè: priă lơh geh tai, priă jờng dilah geh.

                                                            Cau mblàng Lơ Mu K’ Yến