VOV4.K’ho – Poh lài, tàm pơrjum dơ\ 10, Quốc hội neh cribơyai ua\ broă kuơmàng, tàm hơ\ pal sền gròi ngan là broă lùp khày, lah yă, cah rơ`a. Ua\ kuang bàng Quốc hội sồr pal lơh loh jơnau bơh tài gơlik geh bơta lah yă, cah rơ`a ờ hềt di, geh tu\ gơlik geh bơta oàn tìs. Bơh hơ\ geh ală broă lơh bơsong mờ sơlơ tơnguh bơta sền gròi bơh Quốc hội dê.

Nam 2020, broă lơh tư pháp neh geh ua\ tam gơl niam, cồng nha broă lùp khàu, lah yă, cah rơ`a neh geh tơnguh… Bulah bè hơ\, pơn drờm mờ khà Quốc hội jàu mờ sồr lơh niam wơl tư pháp den kung gam bơta lah yă ờ hềt di, geh tu\ gam gơlik geh bơta oàn tìs.

Mùl màl, khà bơsong jơnau yal, lah yă cau tìs, jơnau dan yal yă ờ hềt lơh geh jơnau kờ` bơh Quốc hội dê. Broă ngui broă lơh kơryan, kup, jàm ing gam ua\ broă lơh tìs. Gam 18 broă anih lùp khàu pal ơm ing yă cau tìs tài ờ geh broă lơh tìs, broă lơh ờ lơh gơbàn cau tìs halà jơh tơngai lùp khàu ờ gơtùi ai\ go\ cau gơtìp lah yă neh lơh tìs.

Trịnh Ngọc Phương, Mpồl kuang bàng Quốc hội càr Tây Ninh đơs là, kung gam kuang bàng lùp khàu lơh tìs broă lah yă, lơh gơbàn oàn tìs: “Bè broă lùp khàu. Bulah Adat lah yă hình sự neh lơh nền broă ai jơnau yal halà lùp cau tìs là bơh cau lùp khàu dê lơh, ală kuang bàng lùp khàu ờ geh lơh broă do. Bulah bè hơ\, neh geh ua\ bơta ai jơnau yal halà lùp cau lơh tìs mìng bơh kuang bàng lùp khàu is dê lơh, tơ nơ\ hơ\ cau lùp khàu geh sồr ki\ nàng gơ in dipal sră nggal. Kuang bàng lùp khàu mờ cau ờ hềt geh tơl ală bơta bè tơn pồ lơh cau lùp khàu mơya là cau tờm lơh tơn ală broă lah yă, ờ mìng ờ di mờ jơnau cih bơh adat boh lam dê mờ gam digơlan lơh gơbàn bơta oàn tìs halà jơnau gơ lời wơl ờ gơtùi git lài”.

Jat Kuang atbồ Viện Kiểm sát nhân dân jơnhua ngan rlau jơh dà lơgar, ồng Lê Minh Trí đơs, nam 2020, gah Kiểm sát neh bơsong ua\ bơta ờ niam bơh nam 2019 dê, mơya kung gam 2, 3 bơta ờ niam ờ hềt geh bơsong jơh. Mùl màl bè: gam lời 2, 3 nă cau gơtìp lah yă pal ơm ing broă lùp khàu tài bơh ờ lơh tìs, anih cah rơ`a tơlik kơrnuat cau gơtìp lah yă ờ geh tìs, khà ai wơl phan bơna, pria\ jền tàm ală tìs sa kuề sa kùa bulah gơguh 5,2% mơya kung gam ờ hềt lơh geh jat khà mờ Quốc hội jàu.

Quốc hội iat Kuang atbồ Viện Kiểm sát nhân dân jơnhua ngan rlau jơh dà lơgar yal broă lơh nam 2020

Jơnau yal lùp sền wơl bơh Ủy ban Tư pháp Quốc hội dê đơs loh, broă lơh kiểm sát kung gam 60 nă cau gơtìp oàn gơ rềng tus kơ nòl bơh Viện kiểm sát dê; 3 nă cau Viện kiểm sát lah yă oàn lơh gơbàn bơta anih cah rơ`a kấp sơn rờp tơlik kơrnuat ờ geh tìs; 95 nă cau lah yă ờ geh cơng tàng, ờ di mờ broă lơh tìs, ờ di mờ broă lơh glài.

Tài kung gam ua\ broă lơh tìs tàm broă cah rơ`a, Viện Kiểm sát nhân dân pal tơlik rlau 600 jơnau dan, sồr bơsong broă lùp khàu ală tìs hình sự; rlau 1 rbô 600 jơnau dan tàm tu\ bơsong ală broă gơlik  geh bè phan bơna mờ rài kis làng bol, hành chính. Pal sền gròi, 2, 3 nă cau tơnơ\ tu\ anih cah rơ`a tơlik kơrnuat lơh glài, cau gơtìp lah yă ờ bài mờ cồng nha cah rơ`a mờ mpồl bơtìan ờ hềt ring bal.

Ồng Lưu Bình Nhưỡng, Mpồl kuang bàng Quốc hội càr Bến Tre sồr: “A` sồr Quốc hội pal sền sơ wì broă sền gròi ală broă lơh tìs dờng. A` geh 2, 3 jơnau dan, dùl là ală anih lơh broă tư pháp pal pơlam, lơh jat di adat boh lam, gàr niam bơta ring bal adat boh lam, gơ noar kòn bơnus mờ gơ noar làng bol dùl bă nền nòn, ờ mìng đơs gời, mờ ờ geh bơta gàr niam bơta krơi is bơh broă lơh tư pháp dê, den Quốc hội pal sơlơ sền gròi broă lơh tư pháp, ngan là ală broă lơh tìs dờng, mpồl bơtìan sền gròi ua\, Quốc hội pal sồr yal tơl làm tơl broă gơlik geh, gơtùi sồr tơl nă cau halà mpồl lơh sa kă bro, anih lơh broă”.

Jat Viện Kiểm sát nhân dân jơnhua ngan rlau jơh dà lơgar pà git, ală bơta ờ niam, ờ dipal bè neh yal hơđang là bơh jơh bal jơnau kờ` lơh gơlik mờ ờ kờ`, mùl màl là: 2, 3 nă cau Kiểm sát geh mờng chài lơh broă, jơnau git wă kơ nòl broă ờ hềt ua\, gam ờ niam bè pràn jak lơh broă. Broă do, Kuang atbồ Viện Kiểm sát nhân dân jơnhua ngan rlau jơh dà lơgar neh tơrgùm đơng lam ua\ broă lơh nàng tơnguh bơta niam mpồl cau Kiểm sát, gam tàm broă lam lơh niam. Ală broă lơh tìs, broă gơlik geh pơn jat tai gơguh ua\ tàm ală gah, ua\ kơ nòl broă bơh Viện Kiểm sát dê gơguh ua\ jat jơnau cih bơh adat boh lam dê, tàm tu\ khà biên chế ờ hềt tơl mờ khà broă gơlik geh. Phan bơna, ma\i mok, ală bơta drơng lơh broă ờ hềt tơl jat jơnau kờ` kơ nòl broă.

Cau mblàng K’Duẩn