VOV4.K’ho - Tơnơ̆ mờ tŭ neh iăt jơnau yal tàm hìu pơrjum dờng, Quốc hội neh cri bơyai tàm Mpồl bè rơndăp broă Nghị quyết bè ờ uă cơ chế, broă lơh krơi is kờñ tơnguh bơtàu ală càr, ƀòn dờng: Hải Phòng, càr Nghệ An, càr Thanh Hoá, càr Thừa Thiên Huế.

Do là broă lơh gơguh pràn bơh Dà lơgar nàng ai geh ală tiah gơguh lơh pa dà lơgar in tàm tơngai tus. Cri bơyai tàm mpồl, ală kuang bàng Quốc hội ndrờm pơn jờng broă lơh gơguh pràn nàng ai geh ală tiah gơguh lơh sa pa ai dà lơgar in, geh ală cơ chế broă lơh krơi is nàng chồl pràn ờ mìng càr, ƀòn dờng mờ gam jơh gùt tiah geh bơta pràn tơnguh bơtàu in. Den tàng, cơ chế broă lơh ờ mìng gàr niam ai càr, ƀòn dờng tơnguh bơtàu di mờ bơta geh mờ geh tŭ gam rơlao mờ bơta geh nàng ai geh bơta pràn gơguh lơh sa là geh kuơ ngan. Mùl màl, broă lơh krơi is ai 4 càr, ƀòn dờng, geh pơnrơ ngan là broă lơh jơnkah dồs càn, cơ chế bè kes priă dà lơgar bơtơl geh jơnau kờñ bơh tơnguh tă tàm ală càr, ƀòn dờng, ha là tơrlòng lơh jăt broă tă priă, priă tàm càr, ƀòn dờng dê.

Cau mblàng Ndong Brawl