VOV.K’ho-Mang ngai 6/1 pa do, H’Hen Niê, kòn cau Rơđê neh geh pơrlòng jai gơ gơs là Ùr hàng Hoàn vũ Việt Nam nam 2017. Bi pa geh dơ\ rê còp hìu mờ [òn lơgar he dê tàm càr Daklak.

Bơh nùs nhơm song dơ pă jơh nùs mùl go\ bơh [òn lơgar Tây Nguyên dê, uă cau neh lòt còp nàng chờ hờp bal, tam pà bal tài bơh ală bơta lơh ngan bơh H’Hen dê neh geh bơtơl wơl:

Ală ngai tơnơ\ tu\ kòn ùr H’Hen Niê pơrlòng jai mờ gơ gơs là Ùr hàng Hoàn vũ Việt Nam nam 2017, hìu bơh mò H’Ngơn Niê dê mat mờng hòi là mè H’Nen, tàm [òn Sút M’Đưng, xã Cư\ Suê, kơnhoàl Cư\ Mgar, càr Daklak sùm duh hồl hô hơng ngan tài bơh geh uă ngan làng bol [òn lơgar tus chờ hờp bal.

Ala mat kuang đơng lam bồ kơnhoàl Cư\ Mgar lòt còp hìu bơnhă ùr hàng dê, ồng Y Wem Hwing, Phó Chủ tịch UBND kơnhoàl Cư\ Mgar pà gi\t, H’Hen gơ gơs là ùr hoa hậu pa, bơh gơnoar atbồ tiah do tus dì làng bol cau lơi cau hơ\ ndrờm gơlơh chờ hờp mờ pơ`ìơ să ngan.

Mpồl neh lòt còp hìu bơnhă bơh ùr hàng pa dê, lài ngan là pơn jờng, chờ hờp bal mờ hìu bơnhă, tơnơ\ hơ\ là kờ` iat jơnau yal, rơndăp tăp sèng nàng rơcang bơyai lơh dơ\ tìp mat ùr hàng pa mờ hìu bơnhă mờ kuang bàng đơng lam bồ kơnhoàl, càr nàng jờng rơ:

Hìu bơnhă neh deh geh dùl nă kòn, jat a` den là jak ngan, sơrlèt gan jơh ală bơta kal ke bòl glar tàm rài kis, neh lơh ngan tàm broă bơsram sră mờ lơh ngan lơh geh bơta dờng màng ngan, tiơng pơnrơ ngan.

Ngai do, den làng bol ală kòn cau, lài jơh là làng bol kòn cau Rơđê mờ làng bol ală kòn cau kơnhoàl Cư\ Mgar chờ hờp ngan mờ pơ`ìơ să ngan, bol a` tus chờ hờp bal mờ hìu bơnhă mờ làng bol tàm [òn.

Mờ tơngai tus den bol a` geh ai rài kis ùr hàng hoàn vũ dê nàng lơh krơh hòi jà oh kòn làng bol kòn cau tàm do đơs is mờ oh kòn làng bol ală kòn cau ndai đơs bal lơh ngan đòm jat.

Mò H’Ngơn Niê, mè bơh ùr hàng pa dê pà gi\t, bơh ngai 2 nă ùr bơklau mò rê wơl bơh [òn dờng Nha Trang, càr Khánh Hoà tus tu\ do, geh uă ngan oh mi jơi nòi mờ cau gơ\p [òn lòt còp chờ hờp bal mờ tam pà bal bơta chờ hờp.

Uă cau gơ\p să yal wơl, tàm mang pơrlòng du\t ndơl, bulah mìng sền bơh tàm tivi lơm mơya cau lơi cau hơ\ kung ndrờm lơh mprơm nùs ngan pah tu\ kơno hòi mat H’Hen mờ driau dờng tus chào ngko tơn tu\ mat khai geh hòi ơm khà jơnhoa ngan rlau jơh tàm dơ\ pơrlòng.

Ală ngai do, ală cau tàm hìu kung neh uă dơ\ pờ măy tính pờ internet sền wơl dơ\ pơrlòng bơh H’Hen dê kung gam ờ hềt gơtùi dòn sơl là kòn ùr he dê tu\ do neh gơ gơs là dùl nă ùr hàng hoàn vũ.

Mò H’Ngơn yal, H’Hen là kòn dơ\ pe tàm hìu bơnhă, tơnơ\ khai gam geh 3 nă oh tai. Bơh tu\ gam dềt, H’Hen neh chài ngan rơcang gàr is să jan mờ tơryăng tơryồng ngan, rơ\p bơsram ơdu\ 4, ơdu\ 5 lơm mơya neh gi\t dong kờl mè bèp broă sươn sre, tam kòi, ê kơnrồ, jì nhơ\t.

Jơh bơsram ơdu\ 12, H’Hen lơh ngan lòt bơsram tàm [òn dờng Hồ Chí Minh mờ tơnơ\ hơ\ pơrlòng gơkờn mu\t bơsram tàm Hìu bơsram dự bị Đại học Dà lơgar Nha Trang, hơ\ sồng pơn jat tai lòt jat jơnau kơ\p kờ` bơh he dê tơnơ\ dùl nam bơsram dự bị:

Kòn khai ko\ng bòl glar kal ke mờ tơryăng tơryồng ngan bơh dềt, bulah ờ hềt gi\t lơh broă mơya khai kung gam kờ` dong kờl sơl mè bèp, dờng tai dùl êt den khai neh bơsram is mờ gi\t lơh ală broă hìu, broă sươn mìr dong kờl mè bèp, bulah kal ke mơya khai kung pơđơl pràn ngan.

Tơngai gam bơsram tàm Sài Gòn, khai lòt lơh tai uă broă ngan, bơh lòt ròng kòn dềt, pơs wàs apah hìu đam. A` gam kah sơl geh dùl dơ\ a` lùp, mbơh kòn geh priă mờ pơyua mè bèp in, lùp sùm lùp sùm lồi du\t den khai hơ\ sồng yal là geh cau apah khai pơs wàs hìu đam. Khai đơs là geh uă tu\ lòt bơsram rê jơla, den pal pơs wàs bòl rlau nàng gơ in di tu\, a` kơno yal bè hơ\ mờ gơlơh hòr dà mat.

Ờ mìng là dùl nă ùr ơruh bềng bơta pràn gi\t sơrlèt gan tàm rài kis, H’Hen gam là dùl nă cau kis gi\t wa\ ngan mờ sền gròi ngan tus hìu bơnhă. Mò H’Ngơn yal, geh dơ\ ùr bơklau mò geh jơnau tam đơs tam lah, ngan H’Hen là cau neh kơryan, đơs nàng mè bèp in gi\t mờ ờ go\ tàm gơjra` tai.

Tơngai gam bơsram đại học, ờ mìng ờ dan priă hìu bơnhă dê, H’Hen gam lơh ngan lòt bơsram mờ jòi broă lơh apah tai, tềm pềr priă jền ngui sa is tàm rài kis mờ jo\ jo\ den pơyua dùl êt mè bèp in nàng dong hìu bơnhă.

Ngai ùr bơklau mò lòt sền lơh hô kòn in tu\ pơrlòng tàm Nha Trang, bulah ờ ru ngan mờ broă pơrlòng, mơya H’Hen kung gam sùm tơngkah mè bèp anih ơm anih sa, rơcang bal sơl jơnau rơndeh rơndồ lòt rê, tài bơh ùr bơklau mò ờ gi\t gùng, mờ tài bơh dơ\ sơn rờp lòt tiah ndai.

Ơm tàm hìu, ùr hàng pa rềp mềl ngan mờ H’Min Niê- oh ùr jat jơng mờr pu\t, geh jơnau lơi 2 nă oh mờ mi kung sùm yal bal. H’Min Niê pà gi\t, bulah bi ùr ơm ngài bơh hìu neh jo\ mơya 2 nă oh mi kung gam sùm hòi điện thoại boh bơr. Ngan să tờm cau bi là cau lơh krơh niam nàng khai sền tàm hơ\ mờ lơh ngan uă rlau tai tàm rài tơnơ\ do:

“Bi Hen ngan là cau lơh krơh niam nàng bol oh in đòm jat. Rài kis tu\ do bơh oh dê là neh geh bau, mờ neh geh kòn, den digơlan rài tơnơ\ do bơh oh dê bè hơ\ den tơnơ\ do oh geh sền gròi rài tơnơ\ do ai oh kòn in, bơto bơtê oh kòn oh dê bơsram mờ đòm jat krơh niam bi H’Hen dê.

Chờ hờp, pơ`ìơ să tài bơh kòn ùr pơrlòng jak ngan gơ gơs là ùr hàng hoàn vũ pa Việt Nam dê, mơya hìu bơnhă H’Hen Niê dê ờ hềt dùl ngai lơi rlô lơh broă sươn sre. Tơngac mpồl cau năc lòt còp, mò H’Ngơn ờ ru tai mờ broă pơs wàs rơndăp tăp sèng hìu đam, ròng sur, sài iar, mờ rơcang tru\ gơm biăp piang sa mho. Ồng Y Krin Êban là bèp ùr hàng pa dê gơ jă gơ jal tai lòt tus tiah prăp phan là tiah ồng geh cau apah nàng lơh broă nàng pơn jat tai lơh broă./.

Cau cih mờ yal tơngi\t- Lơ Mu K’Yến