VOV4.K’ho- Văn phòng Chính phủ pa ai ngui jơnau yal pơn dŭt bơh Phó Thủ tướng Thường trực Chính phủ ồng Trương Hòa Bình tàm dơ̆ pơrjum Mpồl đơng lam dà lơgar Broă lơh jơnau kờñ dà lơgar bơtàu tơnguh lơh sa- mpồl bơtiàn tiah làng bol jơi bơtiàn kòn cau mờ tiah kơh bơnơm tơngai bơh nam 2021-2030.

Jat hơ̆, ală Bộ, gah, sơnah lơh broă mờ ală tiah pal jơh nùs lơh ngan lơh sir broă lơh rcang lài nàng gơtùi lam lơh jat Broă lơh do bơh nhai 10/2021 tus do. Do là dơ̆ 1 tàm 3 broă lơh jơnau kờñ dà lơgar tơngai bơh nam 2021-2025, neh geh Quốc hội ring bal gùng dà bơcri priă. Broă lơh geh bơta kuơ dờng màng gơwèt mờ bơtàu tơnguh lơh sa- mpồl bơtiàn bơh dà lơgar dê, dong kờl rài kis lơh broă sa ai làng bol in tàm tiah làng bol jơi bơtiàn kòn cau mờ tiah kơh bơnơm- bơh jŏ là tiah kal ke ngan rlau jơh gùt lơgar dê.

Cau mblàng K’Hạnh