VOV4.K’ho - Nhai mìu la tu\ ìo tàm trồ tiah jơnhua ngan, tiah kis gơlik geh ua\ ngan vi rút, vi khuẩn lơh kòp geh lơh kơnòm dềt, ngan la ala\ kơnòm dềt ờ pràn sa\ ja`, kòn dềt hơđơm  dùl sơnơm, kòn se deh ờ tơl nhai, kòn dềt gơbàn ờ pràn buơn ngan gơbàn kòp nhiễm  khuẩn gùng ta\ nhơm  kấp bè as jê klờm soh, as jê thanh quản, as jê amidan, as jê muh, as jê rnồng dờ…Do kung la tu\ khà kòp dềt gơbàn kòp mut hìu sơnơm ua\ ngan tài gơ rềng tus kòp do jơnhua ngan.

            Tàm tu\ do, tềng khoa Nhi tổng hợp, Hìu sơnơm càr Daklak, bal mờ kơnòm dềt gơbàn kòp ala\ bơta kòp go\ ngan tàm nhai  mìu bè kòp sốt xuất huyết, jê ndul gơ jroh den geh dùl khà ua\ ngan ala\ sau gơbàn kòp nhiễm khuẩn gùng ta\ nhơm. Do la kòp geh  gơbàn rah rài gùt nam, gơya tàm ala\ tu\ ua\ ngan sù ìo tàm trồ tiah hala tam gơl nisơna den kòp tàm kòn dềt mut tàm hìu sơnơm ua\ rlau:

            Kòp nhiễm khuẩn gùng ta\ nhơm la mat sơnđan nàng geh yal ala\ bơta kòp nhiễm khuẩn gùng ta\ nhơm. Pơnyơu bè nhiễm khuẩn gùng ta\ nhơm as jê muh, as jê rnồng dờ, as jê amidan, as jê thanh quản. Nhiễm khuẩn gùng ta\ nhơm hờ đơm la as jê klờm soh, as jê geh ndơng klờm soh. Tu\ do tàm khoa Nhi t[rng hợp geh mờr 100 na\ cau kòp nhiễm  khuẩn  gùng ta\ nhơm gam geh piam mờ pic tàm hìu sơnơm.

            Sau Lê Tuấn Anh, 21 nhai kis tàm sơnah [òn Khánh Xuân, [òn dờng Buôn Ma Thuột, càr Daklak tus mờ khoa Nhi tổng hợp, Hìu sơnơm càr Daklak tàm bơta ua\ duh sa\, bơsia\ jo\ jòng, gơ tuh ha\. Lo\ Nguyễn Thị Hà mè bơh sau Tuấn Anh ai git,  tu\ sau gơbàn kòp, hìu nha\ neh lòt blơi is sơnơm rê sưm kòp mơya tơnơ\ 3 ngai, kòp ờ rài mờ gam ai go\  jrua\ rlau den tàng cèng sau mut tàm hìu sơnơm kham. Lo\ Nguyễn Thị Hà boh bơr:

            Sau ơm tàm hìu gơbàn duh sa\, bơsia\, ta\ nhơm ờ sô mờ ta\ nhơm ờ ring. Hìu nha\ geh blơi sơnơm bơsia\ nàng hùc sau in mơya khai gam bơsia\ trồ mang. Khai duh sa\, khai bơsia\, tàm sa\ den gơlik pơrhàl hơ\ sồng gơbàn pàl jù sa\. Khai sùm nhìm, ờ bài sa, hùc dà lơi ờ.

            Bè sau ndai la sau Nguyễn Ngọc Gia Bảo 7 sơnam,  kis tàm sơnah [òn Tự An, [òn dờng Buôn Ma Thuột, càr Daklak. Tàm ala\ ngai do, trồ tiah gơbàn tam gơl, mìu tơngai nisơna, sau Gia Bảo gơbàn hian, ua\ bơsia\, kan ta\ nhơm, mờ sào sa ờ hoan  gơmut. Bulah hìu nha\ neh geh ma\y ta\ nhơm khai in tàm hìu mơya tài bơh gơbàn hian kơnjơ\ den tàng pal mut tàm hìu sơnơm. Lo\ Trần Thị Thanh Loan, mè sau Gia Bảo đơs:

            Tu\  gam dềt den khai gơbàn as jê klờm soh, nam pa do den gơbàn tai kòp hian den tàng khai kan ngan ta\ nhơm ngan la gơbàn jrua\ ir den tàng pal cèng mut tàm hìu sơnơm.

            Jat ala\ bác sĩ,  kờp bal kơnòm dềt hờ đơm 5 sơnam gơbàn kòp nhiễm khuẩn gùng ta\ nhơm bơh 5-8 dơ\ pah nam. Ua\ ngan ala\ kòn dềt geh bời kòp tơnơ\ bơh 1 tus 2 poh dilah sền gàr sơm kòp di pal. Bulah bè hơ\,  geh ờ ua\ kòn dềt kòp geh gơ tam gơl gơs as jê klờm soh mờ do la bơta geh lơh chơt khi lam bồ ngan rlau jơh tàm kơnòm dềt, ngan la tàm ala\ lơgar gam bơtàu tơngguh bè Việt Nam. Kờp du\ tàm dunia, tàm di 20 mbrơs mat den geh dùl na\ sau dềt gơbàn chơt bơh ja as klờm soh mờ tàm ala\ lơgar gam bơtàu tơngguh khà cau chơt bơh kòp do al rlau 4 rbô na\ pah nam.

                                                Cau cih mờ yal tơnggit K’ Brọp