VOV4.K’ho- Bộ Y tế neh geh kơrnoat bè broă ki\ Broă rơndăp lơh lam lơh broă lơh ci\t bơtơl sơnơm vaccine rơcang sơndră kòp sởi mờ rubella ai kơnòm dềt bơh 1 tus 5 sơnam in bơh nam 2018- 2019. Jat Kơrnoat do, khà kơnòm dềt geh cit kờp du\ là rlau 4 tơlak 280 rbô nă.

Broă lơh geh lơh nàng dong kơnòm dềt bơh 1 tus 5 sơnam tàm tiah geh pơhìn uă geh ci\t 01 ding sơnơm rơcang sơndră kòp sởi mờ rubella pơgồp bơnah tơnguh khà rơcang sơndră kòp sởi, rubella tàm mpồl bơtiàn.

Broă lơh geh tam pà gơs 2 dơ\, dơ\ 1 bơh nhai 11 tus nhai 12 nam 2018 tàm 156 quận, kơnhoàl pơhìn uă bơh 20 càr mờ [òn dờng dê; dơ\ 2 là bơh nhai 1 tus nhai 2 nam 2019 tàm 262 quận, kơnhoàl pơhìn uă bơh 37 càr mờ [òn dờng dê.

Broă lam lơh broă lơh ci\t bơtơl sơnơm vaccine rơcang sơndră kòp geh lơh dùl ròt bal tàm ală hìu bơsram mẫu giáo, mầm non, hìu kòn dềt, anih lơh sơnơm…

Cau mblàng Lơ Mu K’Yến