VOV4.K’ho – Jơnau yal bơh Mpồl tam klac ală mpồl git gơp lơh bơyô lơgar Việt Nam càr Dak Lak dê pà git, tu\ do, gùt càr geh 31 bơnah dong kờl rơndap broă lơh ờ di chính phủ đơng lam lơgar ndai bơh 24 mpồl dong kờl mờ kờp jơh pria\ dong kờl hơ pơrgon rlau 4 tơlak dolar Mỹ, pơgồp bơnah dong kờl lơh ală broă lơh gàr tơl niam rài kis ai ală tiah kal ke tàm càr in.

Hìu bơsram mẫu giáo Phú Lộc (kơnhòal Krông Năng, càr Dak Lak) pa geh ai ngui là broă lơh geh lơh bơh bơnah dong kờl ờ di chính phủ đơng lam

Tus tu\ do, ală anih lơh broă neh dờp mờ lơh rơndap broă lơh tàm càr Dak Lak neh tă geh 3 tơlak 100 rbô dolar Mỹ, geh rlau 80% broă rơndap lơh. Tàm hơ\, mìng is nam 2019, UBND càr Dak Lak neh ki\  dờp 18 bơnah pria\ dong kờl ờ di chính phủ đơng lam pa, ua\ ngan là bè ală gah bơ to bơsram, lơh sơnơm, lơh hìu bơsram mờ rơndap broă dong kờl kỹ thuật, dong kờl kơnòm dềt, kờp jơh pria\ dong kờl mờr 1 tơlak 500 rbô dolar Mỹ.

Jat Mpồl tam klac ală mpồl git gơp lơh bơ yô lơgar Việt Nam càr Dak Lak yal, ală nam rềp ndo, dong kờl ờ di chính phủ đơng lam tus mờ càr ngai sơlơ gơguh ua\, dùl bơnah tài ală broă lơh bơh Đảng, dà lơgar dê niam rlau, dùl bơnah tus bơh ală broă lơh lơh broă bal mờ lơgar ndai làng bol ngai sơlơ geh rề ơnàng.

Cau mblàng K’Duẩn