VOV4.K’ho - Ngai òr (12/1),  rlau 600 na\ cau bơsram dờng bơh hìu bơsram Cao đẳng Sư phạm Daklak neh tus bal ngai chờ ai mhàm is “Ngai Nhờk pơrhê” dơ\ 4  ai geh 500 kơldung mhàm. Mờ sơnđan  “Ai mhàm dong kòn bơnus - rài kis bơh bơyô mờ a`”, ngai chờ “Ngai Nhờk pơrhê” bơh bao\ Tiền Phong lam lơh bơh nam 2009 neh gơ gơs la ngai chờ ai mhàm dong kờl is tàm tu\ sa tềp bơhìan pah nam. Tàm Daklak, nam do, ngai chờ ai mhàm geh bơyai tàm 3 anih: Hìu bơsram cao đẳng sư phạm Daklak, hìu bơsram Đại học Tây Nguyên mờ kơnhoàl Cư\ Mgar.

                   Cau cih mờ yal tơnggit K’ Brọp