VOV4.K’ho – Ờ kas priă, [uơn blơi, [uơn prap pồn, den tàng ơruh pơnu, geh tu\ là kơnòm bơsram kai 2, kai 3 tàm [òn dờng Hồ Chí Minh [uơn ngan gơtìp pơn dờm ngui ma tuý pa gam geh sơnđan là “ tem sră” halà “ gun lơmpiat”. Jơnau pơhìn gơtìp ờ niam tàm bồ tơngoh bơh ma tuý do là ờ gơtùi pleh. Bè hơ\, hìu bơsram, hìu nhă pal lơh `chi nàng sền gròi mờ rơcang lài sơndră mờ jơnau pơhìn do:

Tơnơ\ mờ tu\ sră [au\ yal tơnggit bè ma tuý “ tem”, uă hìu bơsram tàm [òn dờng Hồ Chí Minh neh bơyai lơh pơrjum nàng tơngkah tus mè bèp kơnòm bơsram, sền gròi rlau tai tus oh kòn he dê. Hìu bơsram kai 3 Trần Cao Vân tàm kơnhoàl Gò Vấp, [òn dờng Hồ Chí Minh, bulah ờ hềt dờp git cau lơi prap ơn mờ ngui ma tuý tem sră lơhg ơbàn go\ ală bơta ờ ngan, mơya mpồl đơng pơlam hìu bơsram neh pơrjum mơ nàng yal tus ală cau pơgru atbồ ơdu\ bơsram, kờ` mblàng yal tus ală mè bèp kơnòm bơsram git rơcang ngac rlau, sền gròi uă rlau tai tus oh kòn he dê. Bơh hơ\ sền gròi, atbồ ală kòn krà` cê rlau. Klau pơgru Lê Quốc Dũng, atbồ mpồl ơdu\ 11, hìu bơsram Trần Cao Vân đơs: “ Hìu bơsram kung gam mut lơh kờp sền mơya ờ hềt git go\ kơnòm bơsram lơi ngui bơta tem sră ma tuý do. Tài dilah geh cau lơi ngui den rơp geh ală tềl tơnggo\ mơ. Hìu bơsram neh ai tơlik rơndap broă là sền kong tàp, sền phan bơna nàng rơcang sơndră lài. Ai ală kơnòm bơsram 5 jiơ jơh bơsram, lik bơh hìu bơsram den đơs ngan là hìu bơsram ờ git, kơnòl tu\ hơ\ gơ wèt hờ hìu nhă.”

Kờ` rơcang sơndră mờ jơnau pơhìn ma tuý tem sră tu\ do, uă mè bèp kơnòm bơsram đơs là, hìu bơsram pal ai bơta jơnau pơhìn ma tuý gơs jơnau bơsram nàng bơto bơtê kơnòm bơsram in. Bè hơ\, ờ mìng geh kuơ bơto bơtê chài tảm ài kis, mờ gam tơngkah ală oh rơcang lài mờ git bơta chài sền gàr is să tờm. Ngòt tềng đap bơta ma tuý tem sră gam pơhìn mut tàm hìu bơsram, bi Nguyễn Anh Tuấn, bèp kơnòm bơsram tàm kơnhoàl Bình Thạnh, [òn dờng Hồ Chí Minh đơs: “ Jat a` den hìu bơsram pal pơgồp bal ală bùi bơsram bè ma tuý mờ ală phan lơh gơbàn ngir. Tài sơnơm kơnòm bơsram là sơnơm kờ` jòi git den tàng [uơn ngan gơtìp pơn dờm.”

“ Tem sră’ lơh gơbàn sền go\ ală bơta ờ ngan gam geh sền là bơta ma tuý pa, geh tram sơnơm LSD lơh gơbàn sền go\ ală bơta ờ ngan pràn ngan rlau jơh mờ kung là 1 tàm 2 bơta ma tuý ngòt rơngơt ngan rlau jơh tu\ do. Bơdìh mờ ală bơta sền go\ ờ ngan bơh sơn rờp tu\ pa ngui, dilah sơmờm ngui jo\ jòng, bơta ma tuý do digơlan lơh cau ngui gơbàn ală bơta ờ niam tàm bồ tơngoh. Tàm hơ\, sùm gơtìp ngan rlau jơh kung gam là sền go\ ală bơta ờ ngan mờ lơh tam gơl nùs nhơm, ờ git ơt ơl, digơlan lơh gơbàn kòp plai nùs, jê ơ ră jo\ jòng, rơ ngòt, nrơt să, digơlan lơh gơbàn chơt să… Bác sĩ Phạm Văn Trụ, kuang jat jơng atbồ hìu sơnơm tâm thần, [òn dờng Hồ Chí Minh pà git: “ LSD gơ rềng tus ală tế bào tơngoh tàm bồ. Lài jơh là gơ lơh guh uă broă lơh bơh kòn bơnus dê đơs bal, lơh gơguh mhàm mờ jê bồ tus mờ ală cau ngui dơ\ sơn rờp. jơnau pơhìn gơtìp sồt să kung digơlan gơlik geh.”

Ai Bác sĩ Huỳnh Thanh Hiển, atbồ gah T3, hìu sơnơm tâm thần, [òn dờng Hồ Chí Minh đơs là, lài mờ tu\ hìu bơsram ờ hềt geh bùi bơtê lơi ai kơnòm bơsram in bè bơta do den mè bèp pal bơto tơngkah kòn in git nàng pleh ngài ală bơta nhơl `o\ lơh gơbàn ngir. Bác sĩ Huỳnh Thanh Hiển đơs: “ Tài bơh neh geh cau gơbàn jơh ală tềl tơnggo\ bloh, 6 nhai halà 1 nam tơnơ\ den gơbàn wơl bulah neh sơm jo\ jòng. Dơ\ sơn rờp bol a` tìp là dùl nă oh dềt 13 sơnam, kơnòm bơsram ơdu\ 8. Bơh sơn rờp kham den bol a` ờ jòi bàn, mơya tơnơ\ hơ\ lùp tai den oh do hơ là geh mum dùl bơta tem sră. A` git mơ là khai ngui tem sră, gam geh hòi là gun lơmpiat.”

Tem sră lơh gơbàn sền go\ ală bơta ờ ngan ờ di là pa geh, mờ gơ neh geh tu\ ràng tac bơh jo\ ngan mờ geh tac uă ngan. Mơya broă sền gròi, atbồ broă kă bro bơta phan do ờ di là [uơn, tài phan do dềt ngan mờ [uơn prap pồn. Anih lơh broă geh gơnoar tàm [òn dờng Hồ Chí Minh neh geh jơnau tơnggit bè phan ờ ai ngui do gam geh tơmut ờm tàm lơgar Việt Nam; ală cau ngui ma tuý tam sră tàm hìu bar, hìu nac, hìu rlô. Jat jơnau đơs tờm bơh cơldu\ cảnh sát lùp khàu cau tìs ma tuý ( PC47) Kuang àng [òn dờng Hồ Chí Minh den ờ hềt sền go\ broă lơi gơ rềng tus jà blơi ma tuý tem sră dùl bă tràl sơbil tềng đap mpồng hìu bơsram halà tiah geh gal cau tàm tơngai pa do tàm [òn dờng.

Anih lơh broă geh gơnoar gam pơnjat tai jòi jơnau tơnggit, lùp khàu lơh loh bè broă pơndiang ngui bơta ma tuý pa do. Mơya gơ wèt mờ hìu nhă mờ hìu bơsram, pal git rơcang gàr lài tềng đap bơta geh mat bơh ma tuý tem sră dê mờ geh ală broă lơh nàng sền gàr oh kòn he dê.

           Cau cih mờ yal tơnggit K’ Duẩn.