VOV4.K’ho- Thủ tướng Chính phủ pa kĭ Kơrnuat sồ 782 ring bal Broă lơh rơcang sơndră, tơrmù ƀà bơta kơnòm dềt lơh broă tìs mờ jơnau cih bơh adat boh lam dê tơngai bơh nam 2021 tus nam 2025, broă rơndap lơh wèt tus nam 2030. Jat hơ̆, broă lơh ai tơlik gùng dà tus nam 2030, lơh ngan tơrmù khà cau lơh broă là kơnòm dềt mờ cau ờ hềt tàu dờng bơh 5 tus 17 sơnam gơmù 4,5%, tơrmù khà kơnòm dềt lơh broă kơn jơ̆, khih aniai, ngòt rơngơt. Mờ kung sơlơ lòt sền, git gŏ di tŭ mờ lơh glài kràñ ală broă lơh tìs adat boh lam bè ngui cau lơh broă kơnòm dềt. Broă lơh ai tơlik ală kơnòl mùl màl nàng lơh gơs jơnau kờñ ai tơlik, bè: lơh sir broă lơh, adat boh lam bè rơcang sơndră, tơrmù cau lơh broă là kơnòm dềt, mblàng yal, bơto bơtê, hòi jà mpồl bơtiàn tơnguh jơnau git wă, geh kơnòl bè rơcang sơndră, tơrmù cau lơh broă là kơnòm dềt.

Cau mblàng K’Duẩn