VOV4.K’ho - Poh lài, tàm pơrjum dơ\ 2, Gơnoar ala măt dà lơgar neh cri bơyai tàm hìu pơrjum dờng bè ờ uă tơngu me gam geh jơnau đơs ờ ndrờm bal tàm rơndăp broă adăt pin dờn, jăt yàng.

Cri bơyai tàm pơrjum, ală kuang bàng đơs là, rơndăp broă adăt pin dờn, jăt yàng geh kuơ màng ngan, gơrềng tus mờ rài kis nùs nhơm làng bol dê. Den tàng, broă lơh adăt pal tơl niam broă sền gàr dà lơgar, gùng dà sền gròi geh ală broă jăt yàng, gàr niam ală broă lơh di pal, mờ tơngu me wèt tus bơta niam. Bơdìh hơ\ tai, rơndăp broă adăt pal đơs uă tus mờ broă khăt gơboh pin dờn jăt mờ kơrnoăt tàm sơnoa boh lam mờ tơl^k nùs nhơm krơi is pin dờn là nùs nhơm pin dờn mờ gơnoar geh pin dờn bơh ală mpồl, ală cau dê.

Bè broă dờp broă jăt yàng, geh ờ uă kuang bàng sồr tơl^k jăt broă lơh tu\ mpồl lơh broă neh geh dan lơh broă jăt yàng mờ di pal tơl ală bơta kờ` geh bơh 1 mpồl lơh broă den geh anih lơh broă dà lơgar geh gơnoar sền mờ dờp mơ. Bơdìh hơ\ tai, pal kơlôi sơnơng lơh niam wơl ală kơrnoăt bè broă dan broă lơh gah jăt yàng mờ dờp mpồl jăt yàng loh làng, nền nòn rơlao. Mblàng ală kal ke tàm 5 nam tơlòng lơh broă, tơnơ\ mờ hơ\, hơ\ sồng geh ai sră dờp là mpồl jăt yàng, mò Vũ Thị Lưu Mai, kuang bàng [òn dờng Hà Nội đơs: “Jăt a`, tu\ mpồl lơh broă hơ\ dan di lah geh tơl^k tơl bơta niam tàm broă lơh den ai geh là mpồl jăt yàng. Di lah tàm broă lơh gơbàn geh tơngo\ bơta tìs den ba` ai lơh. Bè hơ\, di pal rơlao mờ broă tơnơ\ mờ tu\ sền gròi rơlao mờ lài mờ tu\ sền gròi”.

Đơs bè broă cri bơyai rơndăp broă adăt geh tăp is tơl^k khăt gơboh, pin dờn mờ ai tơl^k loh kơnòl bơh Dà lơgar dê tus mờ ală broă lơh tus mờ pin dờn, jăt yàng, pơgồp bal tàm broă ai ală gah jăt yàng tơrgùm mờ dunia [uơn rơlao, cau kơ đơng yàng phờk Thích Thanh Quyết, mpồl kuang bàng càr Quảng Ninh đơs, do là kơrnoăt niam ngan, ai tơl^k nùs nhơm chờ hờp, pin dờn bơh làng bol ală gah jăt yàng dê tus mờ Dà lơgar bal mờ Dà lơgar drơng ală broă mpồl bơtiàn.

Ală kuang bàng Nguyễn Hữu Cầu, mpồl kuang bàng càr Nghệ An; Đặng Ngọc Nghĩa, mpồl kuang bàng càr Thừa Thiên Huế; Hoàng Thị Hoa, mpồl kuang bàng càr Bắc Giang sồr bơtơl ală kơrnoăt bè broă lơh bal mờ dunia tàm gah pin dờn, jăt yàng mờ tơl^k loh làng rơlao bè gơnoar khăt gơboh pin dờn, jăt yàng bơh ală cau lơgar bơdìh kis tàm lơgar Việt Nam. Mò Hoàng Thị Hoa, mpồl kuang bàng càr Bắc Giang pà g^t: “Tềng đăp mờ ală broă kờ` tơrgùm bal mờ dunia sơlơ ngai sơlơ geh uă cau lơgar bơdìh tus lơgar Việt Nam kis mờ lơh broă, den tàng, tàm rơndăp broă adăt dơ\ do tơl^k loh gơnoar khăt gơboh pin dờn, jăt yàng bơh cau lơgar bơdìh kis di pal tàm lơgar Việt Nam. Jăt mờ hơ\, cau lơgar bơdìh geh gơnoar lơh broă jăt gùng yàng bè cau lơgar Việt Nam, geh bơsram tàm hìu bơto gùng yàng tàm lơgar Việt Nam”.

Ală kuang bàng kung ring bal mờ broă tơnguh kơrnoăt sồr pin dờn, jăt yàng gơs ađăt, jàu Gonoar atbồ lơgar sền gàr dà lơgar bè pin dờn, jăt yàng kờ` sền gàr gah broă do. Tài tàm mùl màl tu\ do, pin dờn, jăt yàng tơnguh bơtàu uă, mơya geh ală broă lơh jăt broă kă bro uă ir pin dờn, jăt yàng, sơgràm broă pin dờn, jăt yàng kờ` bơchồt, tam dră mờ Dà lơgar, lơh gơbàn ờ niam tus mờ bơta lơngăp lơngai tàm mpồl bơtiàn.

Ơ làng bol mờ gơ\p bơyô! Tu\ Gơnoar ala măt dà lơgar cri bơyai bè rơndăp broă adăt pin dờn, jăt yàng mờ di gơlan geh ring bal tàm pơrjum dơ\ 2 do, geh uă cau kơđơng yàng tàm gùt lơgar neh tơl^k nùs nhơm ring bal mờ ală tơngu me geh tơl^k bè gơnoar pin dờn, jăt yàng tàm rơndăp broă adăt, di pal mờ broă kờ` làng bol jăt yàng dê. Cau kơ đơng yàng phờk Thích Huệ Minh, kuang atbồ mpồl duh broă yàng phờk càr Tiền Giang đơs: “Bè broă pin dờn mờ khăt gơboh pin dờn, a` go\ Dà lơgar neh sền kuơ, g^t jơnau bal. A` kơlôi là, pin dờn, jăt yàng kung pal jăt sơnoa boh lam, adăt boh lam ờ go\ di là kờ` lơh bè lơi den lơh. Tài nùs nhơm khăt gơboh is Dà lơgar là kuơ màng ngan. Lài mờ tu\ he pin dờn 1 gah yàng lơi den lài jơh pal geh kơnòl, pal gàr niam dà lơgar. Pal tơl^k nùs nhơm jăt yàng să tòm, mờ gơboh mờ broă jăt yàng, mờ gơboh mờ dà lơgar. Bơta do, a` kơlôi tàm ală gah jăt yàng lơi kung ndrờm bè hơ\ lơm, tài khăt gơboh is dà lơgar pal tam gơl mờ poăc să làng bol dê”.

Cau kơ đơng yàng Thường Xuân Hữu, atbồ mpồl duh broă gah yàng Bà La Môn, càr Bình Thuận đơs là: “Adăt pin dờn, jăt yàng mờ Gơnoar ala măt dà lơgar gam cri bơyai là di pal mờ nùs nhơm geh is jăt yàng bal gùt lơgar dê. Kờ` ai he in geh lơh jăt gùng yàng, geh sền gàr ală bơta niam chài rơgơi dà lơgar he dê; gàr niam broă lơh bal, tam klăc bal đềt mềr tàm mpồl bơtiàn 54 jơi bơtiàn kòn cau kis bal tàm gùt lơgar, geh ring niam, dong kờl bal. A` di nùs ngan mờ rơndăp broă cri bơyai, ring bal mờ ală gùng dà, broă lơh bơh Đảng neh ai tus mờ gah jăt yàng”.

Ồng Trương Đình Can, kuang jăt jơng atbồ anih duh broă tam klăc mpồl jăt yàng càr Lâm Đồng den đơs, uă bơta pa tàm rơndăp broă cri bơyai adăt pin dờn, jăt yàng geh ai tơl^k bơta niam ală gah jăt yàng in lơh broă [uơn rơlao: “Bol a` go\ rơndăp broă dơ\ do geh uă bơta pa mờ gơnoar pin dờn, jăt yàng làng bol dê geh gàr niam. Niam bơne\ ngan tàm ală broă jăt yàng. Dơ\ 2 tai là rơndăp broă adăt dơ\ do neh dờp di pal mờ adăt boh lam ờ di kă bro bơh ală gah jăt yàng dê, hơ\ là bơta pa. Bol a` kơ\p kờ`, adăt pin dờn, jăt yàng dơ\ do geh ring bal den ală broă lơh tàm ală gah jăt yàng tàm dà lơgar Việt Nam geh uă bơta [uơn rơlao”.

Cau cih mờ yal tơng^t Ndong Brawl