VOV4.K’ho - Mpồl kuang bàng sền gròi bơh Uỷ ban Thường vụ Quốc hội pa bơyai lơh sền gròi tàm càr Gia Lai bè broă lơh jăt adăt boh lam bè broă bơcri priă mờ lơh ală broă lơh gùng lòt jăt broă lơh – kă bro – jào broă lơh (gam sơnđan là BOT). Mpồl kuang bàng neh tơl^k uă broă kal ke tàm rơndăp broă do.

Tàm rơndăp broă BOT gùng Hồ Chí Minh gơl lòt gan bơh [òn dờng Pleiku lòt tus rơbàng 110, rềp mờ càr Dak Lak, mpồl kuang bàng sền gròi bơta kơl jăp broă lơh gùng niam. Rơndăp broă lơh do jòng mờr 60 kơi sồ, mờ kờp jơh khà di pơgăp 1 rơbô 800 tơmàn priă, geh Công ty Cổ phần tập đoàn Đức Long Gia Lai bơcri priă lơh. Tu\ do, anih lơh sa kă bro lơh jăt broă tă priă tàm 2 anih tă priă tàm tơngai 20 nam 4 nhai. Bơh tu\ mu\t ngui, nhai 6 nam 2015 tus tu\ do, gơl gùng do neh di pal mờ broă lòt rê, kă bro làng bol dê. Bi Nguyễn Văn Lợi kis tàm xã Ia Blang, kơnhoàl Cư\ Sê, càr Gia Lai đơs:

- Bè lài do den gùng gơbàn tơrlah uă ngan, gùng ờ ơnàng rơlao mờ tu\ do. Tu\ do gùng neh geh lơh ơnàng rơlao, broă lòt rê kung mhar rơlao. Bè bơta kơl jăp den go\ lòt di ngan, gùng ring, niam, lòt rê neh jo\ mờ ờ go\ geh bơta lơi, den di gơlan là gùng kơl jăp ngan.

Mờ rơndăp broă BOT tàm gùng 19 gơl lòt gan càr Gia Lai mờ càr Bình Định, mpồl kuang bàng sền gròi neh sền gam uă kal ke ngan Gờl gùng do mìng rơ\p geh anih lơh sa kă bro là Công ty TNHH BOT 36.71 – Tổng công ty 36 lơh tàm 2 bồ mờ lơh 2 anih tă priă lòt gùng. Den gơl tàm gùl, mìng lòt gan thị xã An Khê, kơnhoàl Đak Pơ jòng di pơgăp 40 kơi sồ ờ hềt geh lơh, gùng gơbàn tơrlah uă, lơh broă lòt rê tàm gùng do gơtìp kal ke ngan. Den tàng, broă tă priă tàm 2 bồ gùng neh lơh gơbàn ờ su\k ơm ngan tus mờ làng bol. Bi Nguyễn Duy Khoa, cau măy rơndeh pơn diang năc đơs:

- Tàm tu\ gùng lòt den tă priă tàm 2 bồ gùng mờ gùng do gơlơ bè ờ di gùng tai. Gùng tơrlah uă ngan, broă lòt rê ờ gơtùi tai. Tu\ do ờ di là bơto dềt mờ là bơto dờng. Mờ do là 1 dờng lòt gan tus 3 lơgar Việt Nam – Lào mờ Campuchia tai, gùng lòt tòm mờ lời gơbàn tơrlah uă bè do là ờ niam ngan tus mờ broă lòt rê tàm gùng.

Sền gròi mùl màl mờ lơh broă mờ kuang bàng đơng lam càr Gia Lai, ồng Nguyễn Đức Kiên, Phó Chủ nhiệm Uỷ bam kinh tế Quốc hội đơs là, broă lơh jăt ală rơndăp broă BOT lòt gan càr Gia Lai tơngai do geh 1 bơnah lơi di pal mờ broă kờ` lòt rê, pơn diang phan kă bro càr do dê. Mơya, broă lơh jăt ală rơndăp broă jăt broă lơh do gam uă kal ke, kal ke rơgềng tus mờ broă tă priă, broă bơcri priă bal mờ ală sră nggal bơh ală bộ, gah lơh broă tàm broă lơh jăt gùng dà, broă bơcri priă lơh. Ală broă do geh mpồl kuang bàng sền gròi tơrgùm mờ yal mờ Uỷ ban Thường vụ Quốc hội kờ` sền wơl. Gơwèt mờ rơndăp broă lơh BOT tàm gùng 19, ồng Nguyễn Đức Kiên tơl^k ờ uă broă pal sền gròi ngan:

- Geh ală gơl gùng kal ke ngan, ngòt rơngơ\t ngan tàm gơl gùng do là tiah koèl kơh An Khê, den ờ hềt geh lơh. He gam go\ là, lài jơh bè broă sền gàr dà lơgar, broă bơtơl lơh ală rơndăp broă lơh tus mờ ală anih lơh broă dà lơgar geh gơnoar là jo\, mờ jo\ ir. Geh ờ uă broă lơh gam ờ pràn tai là ală anih lơh broă sền gàr dà lơgar tơl^k ală sră nggal mơya ờ hềt geh broă lơh ring bal, lơh gơbàn sră nggal bơh bộ do ờ pràn broă ring niam mờ bô ndai. Dùl broă tai là lơh jăt rơndăp broă, mơya rơndăp broă ai lài lơh ờ hềt ndrờm bal, broă ai rơndeh lòt jơh gùt gơl gùng 19 gam là bơta kal ke.

Cau cih mờ yal tơng^t Ndong Brawl