VOV4.K’ho - Kờ` geh ù bồr gùng Đông Tây, [òn dờng Buôn Ma Thuột, càr Dak Lak, uă rơndeh pơn diang phan `jơ\ ir neh lơh tơrlah gùng mu\t tàm [òn Ko\ MLeo, xã Hoà Thắng. Rài kis lơh broă sa bơh 300 hìu làng bol tàm [òn gơbàn aniai uă ngan tài gơthul ù, lơnga` mờ broă di gơlan gơbàn rềs àr tàm gùng lòt tai.

Gùng dă mờ cài ơnàng 5 thơ\k, jòng mờr 2 kơi sồ bơh [òn 4 lòt gan [òn Ko\ MLeo tơrbo\ sơnah [òn Tân Lập, [òn dờng Buôn Ma Thuột tu\ lơi kung geh gal rơndeh pơn diang ù.

                                                      Rơ\p l^k lòt tàm gùng mờ làng bol neh pal pơn chèo mơ

Nha chi, rơkàng hìu tus mờ [làng hìu bơh ală hìu gùt dar tu\ lơi kung gơđềr 1 tăp ù kơmbuh pơrhê. Ală bă ù tơrlah chu\p chlăp geh uă ngan tàm gùng.

Ồng Y Na Bkrông, kis tàm [òn Ko\ Mleo pà g^t, làng bol tàm [òn gam gơbàn aniai uă ngan bè rài kis bal mờ broă lơh sa:

-Rơndeh pơn diang ù lơh gùng Đông Tây lơh tơrlah jơh gùng, tu\ do neh gơbàn tơrlah uă ngan. Ală oh kòn lòt bơsram gơthu; ù pal pơn chèo, geh tu\ lòt bơsram, geh tu\ ờ gơtùi lòt tài rơndeh gơbàn ờ gơtùi lòt bơh gùng ờ niam. Dơ\ 2, làng bol lòt hờ hìu sơnơm kung ờ gơtùi sơl, ngai lài geh cau lòt deh den gơbàn deh tơn tàm rơndeh. Tu\ trồ mìu den ù mbè, dà bam làng bol pơn diang phan kung ờ gơtùi lòt sơl.

              Gơbàn tơrlah gùng geh gơnoar atbồ bal mờ làng bol tàm [òn do đơs là tài rơndeh pơn diang ù bơh Công ty 515

Kung gơbàn aniai tài rơndeh pơn diang ù `jơ\ ir, ồng Y Nghi Niê, kis tàm [òn Ko\ MLeo ờ su\k ơm đơs:

-Rơndeh pơn diang rơlao 24 tấn lòt gan lơh tơrlah gùng, hơ\ sồng gơbàn  tơrluh bơh 20 tus 30 phơng, brong dà tềng sơne\ 4 gùng hìu a` gơbàn tơrlah, dà ờ gơtùi hòr lơh lìu tơn tàm gùng hơ\ sồng dà mu\t tàm hìu a`. {òn Ko\ MLeo bol a` là [òn chài rơgơi, geh UBND [òn dờng ai là [òn nhơl chờ tàm brê mờ gùng gơbàn bè do bè rơgơi lơh nhơl chờ.

Mò Nguyễn Thị Loan, Chủ tịch UBND xã Hoà Thắng, [òn dờng Buôn Ma Thuột pà g^t, bal mờ ală rơndeh pơn diang phan kờ` pleh mờ anih sền gròi gùng lòt, den ală rơndeh pơn diang ù kờ` bồr ù lơh gùng Đông Tây [òn dờng Buôn Ma Thuột kung neh lơh tơrlah gơl gùng do sơl:

-Lài ngan, geh ờ uă rơndeh pơn diang phan kờ` pleh mờ anih sền gròi gùng lòt bơh cảnh sát sền gàr gùng lòt mu\t tus lơh tơrlah gùng. Dơ\ 2, kờ` drơng tàm broă ai ù lơh gùng Đông Tây, ală rơndeh pơn diang ù bơh công ty 515 neh lơh gùng gơbàn tơrlah uă. Bol a` neh geh dơ\ lơh broă mờ ala măt công ty 515 do mờ UBND [òn dờng neh ai geh kơroăt sồr công ty do pal ai wơl gùng lòt làng bol in.

                                         Rơndeh pơn diang ù lơh tơrlah gùng mờ lơh gơbàn geh bơtô tàm gùng lòt

Jăt ồng Phạm Quốc Dũng, ala măt Công ty CP bơcri priă bơ\t bơtàu 515 geh hìu lơh broă tàm [òn dờng Hồ Chí Minh yal, tàm jơnau hơ mờ UBND [òn dờng Buôn Ma Thuột, tu\ lơh gơs rơndăp broă lơh gùng, công ty do geh lơh niam wơl gùng. Mơya, rơndăp broă lơh gùng Đông Tây gam gơbàn lơyài mờ ờ hềt g^t tus tu\ lơi hơ\ sồng lơh gơs.

Bè hơ\, làng bol kis tàm [òn Ko\ MLeo, xã Hoà Thắng gam pal dờp mờ ù gơthul [ơ\, pah ngai gam pal lòt tàm gùng gơbàn tơrlah uă tàm tơngai jo\ jòng tai. Rơndăp broă lơh [òn nhơl chờ tàm brê Ko\ MLeo, [òn dờng Buôn Ma Thuột ờ hềt g^t tus tàm tu\ lơi hơ\ sồng geh lơh.

Cau cih mờ yal tơng^t Ndong Brawl