VOV4.K’ho - Sa tềp  Đinh Dậu 2017 gam tus rềp. Do la tu\ drà ka\ bro phan sa geh ka\ bro ua\ ngan. Khà phan li la mờ ua\ tàm tu\ do ờ mìng  lơh cau ngui kui kuơ tàm broa\ rwah phan bơh ala\ anih lơh broa\ atbồ tàm broa\ sền gàr niam phan sa. Jơnau cih bơh cau ai tơnggit jơnau đơs do.

            Mờr 1 nhai do, jơh ala\ tiah drà, hìu ka\ bro phan sa, tiah lơi kung geh bềng bơta phan ka\ bro ala\ phan drơng  sa tềp dà lơgar,  bè ba`, kèo,  mứk, bièr, ơlak, dà jơh tơ hìr, poac mờ ala\ phan sa bơh poac... Sa tềp la tu\  bơta kờ`  ngui sa phan bơna bơh tơl cau ua\ ngan tàm nam. Git geh bơta do bơh cau ngui, ala\ anih bơceh lơh, ka\  br phan sa  bơh tơl tiah tus, ua\ ngan bè khà geh mờ  bơta phan ờ ngan ngồn geh bơrlu\ bal tàm ala\ anih ka\ bro. Đơs bè ala\ bơta ờ niam tàm drà ka\ bro phan sa tàm tu\ sa tềp dà lơgar, bác sĩ Lê Thị Châu atbồ  chi cục lơh broa\ ờ do ờ da\ kloh niam phan sa càr Daklak ai git:“Lài jơh, la khà phan bơna geh pơndiang ka\ bro tàm càr tàm tu\ do la ua\ ngan. Ngan la geh tơngguh ala\ anih lơh geh, bơceh phan sa.  Dilah ala\ anih geh lơh tàm tu\ sa tềp den sra\ nggal yal phan kung ờ thàn. Bơh ala\ broa\ lơh geh lùp, lòt sền, bol a` kung geh git go\ ua\ ngan  anih geh ala\ phan ka\ bro tàm drà ka\ bro ờ hềt geh sra\ ai yal phan bơna. Bal mờ hơ\, ala\ phan  tơmut bơh lơgar cau mờ ala\ phan bơh  ala\ càr, [òn dờng ndai pơndiang tus den la ua\ ngan. den tàng, geh bơta phan ờ git loh anih lơh”.

            Dùl tàm  ala\ kal ke dờng ngan tàm broa\ atbồ phan sa tàm tu\ sa tềp bơhìan dà lơgar la bơta sền gròi khà phan  do tàm ala\ anih lơh, ka\ bro dềt,  rah rài, anih lơh, ka\ bro jat tam tu\, ngan la tàm tiah sar lơgar ngài. Tàm do,  làng bol sùm ờ sền gròi tus broa\ lòt sền mat phan sơnđan mờ tơngai ngui phan dê ua\ phan sa neh  rlau ir ngai ngui mơya gam geh tac ua\ ngan. Dilah geh ngui ala\ phan do, pơhìn gơbàn khih la ua\ ngan. Bác sĩ Lê Thị Châu tơng kah:“Tam tu\ do,  ờ ua\  khà phan gam jơng kah bơh ala\ anih lơh sa  dờng, ua\ ngan la tàm [òn dờng geh pơndiang cèng ka\ bro tàm tiah sar lơgar ngài, tiah  kal ke. Den tàng,  bol a` geh đơs mờ làng bol tàm do tu\ blơi ala\ phan pal kah sền tus phan sơnđan, pleh blơi di ala\ phan mờr jơh hala neh jơh tơngai ngui”.

            Jat jơnau yal bơh Chi cục lơh broa\ ờ do ờ da\ kloh niam phan sa  càr Daklak, nam 2016,  gùt càr neh gơlik geh 10 dơ\ khih phan sa mờ 156 na\ cau gơbàn khih, 108 na\ cau pal mut  hờ hìu sơnơm. Pơndrờm mờ nam 2015, khà cau gơbàn khih phan sa gơlin 6 dơ\,  cau khih phan sa gơguh 139 na\ cau. Tàm rlau 10.400 anih  phan sa geh sền, den khà anih tơl khà mìng geh rlau 70%. Broa\ lơh lòt sền, lơh kloh phan sa bulah neh sùm lơh geh mơya  gam ờ hềt tu\ lơi geh lơh jơh phan sa. den tàng,  nàng kơryan bơta pơhìn khh phan sa,  gàr niam pràn sa\ ja` kờ` geh sa tềp bơhìan niam, ờ do ờ da\ den bal mờ broa\ geh atbồ nền nòn bơh ala\ anih lơh broa\ geh gơnoar, den  cau ngui kờ` pal geh git bơta bơh sơnrờp nàng rwah phan sa niam, ngan ờ do ờ da\.

                                                          Cau cih mờ yal tơnggit K’ Brọp