VOV.K’ho - Gơnuar atbồ lơgar pa tơlik ngui kơrnuat sồ 126/2014/NĐ-CP, tàm hơ\ geh cih nền nòn tàm broa\ geh ngui  bơhìan bè gùng tam bau mờ hìu nha\. Tàm jơnau đơs ndai do geh đơs bè bơta do.

Jăt Kơrnuat, ală bơhiàn ờ niam bè gùng tam bau mờ hìu bơnhă kờ` pal hòi jà săng te\, tàm hơ\ geh:

1- Tam bau lài mờ sơnam ai bau geh cih tàm Adat Gùng tam bau mờ hìu bơnhă;

2- Broă lơh sră ku\p bau ờ di bơh anih lơh broă dà lơgar geh gơnuar dê lơh;

3- Ku\p bơklơn bau tài lòt triang sền mờ cau bơ jơu mờ tài bơh pin dờn bu ba; kơryăn ờ ai bau tài ờ di dùl kòn cau bal, ờ di dùl bơta jăt ỳang bal;

4- Kơria` ờ ai bau đah ală cau geh jơi nòi tàm rài bơh puan rài rlau hơđăng;

5- Dilah hìu đah klau ờ geh priă `ô bau mờ phan kơ\t bau den tơ nơ\ tu\ bau, kòn bơr tơu pal rê lơh bơr tơu tàm hìu đah ùr nàng tơm dà kơlhề ai mè bèp pơ ùr dê in;

6- Bơta tàm gơ rềng jăt bơta ai jơi nòi jăt mè halà jăt bèp, ờ lơh tơl gơnuar ring bal đah pơ ùr mờ bơklau, đah kòn klau mờ kòn ùr;

7- Ờ tam bau đah cau gơ wèt kòn cau do mờ cau gơ wèt kòn cau ndai mờ đah ală cau jăt yàng bal;

Kuơmàng, kơria` ờ ai ngui ală bơhiàn ờ niam, tàm hơ\ geh:

1-     Broă bau uă mờ uă cau ùr;

2- Tam bau đah ală cau geh bal dùl jơi nòi rềp bal, đah ală cau ndai geh jơi nòi tàm pơgăp pe rài;

3- Bơhiàn ku\p bau nàng rồn bơklơn cau ùr lơh pơ ùr;

4- Dan phan kơ\t bau uă ir gơlơh bè tăc bro ( bè dan trà, priă jền, phan pơn jăt, rơpu, kơn rồ, cing drăp yang…nàng pơlam bau);

5- Bơhiàn chơ\t bi bau mờ oh (Tu\ bơklau chơ\t, pơ ùr chơ\t bơklau gơtìp rồn bơklơn sồr bau mờ bi halà oh klau bơklau neh chơ\t dê; tu\ pơ ùr chơ\t, bơklau chơ\t pơ ùr gơtìp rồn bơklơn bau mờ bi halà oh ùr bơh pơ ùr neh chơ\t dê);

6- Rồn bơklơn sồr cau ùr chơ\t bơklau halà cau klau chơ\t pơ ùr, dilah tam bau mờ cau ndai den pal tơm wơl priă `ô bau ai đah hìu bơklau yau halà đah hìu pơ ùr yau in;

7- Sồr tơm wơl phan bơna, lơh glài tu\ pơ ùr, halà bơklau tàm săng lời;

Tàm Kơrnuat, Gơnuar atbồ lơgar sồr ală Gah, Sơnah lơh broă dà lơgar geh gơ rềng mờ Anih duh broă làng bol ală kơnă pơ gồp bal mờ Gah tề lam Dà lơgar Việt Nam bơ\t bơtàu, mu\t lơh ală gùng dà broă lơh, lơh geh tơl ală bơta niam nàng làng bol in mu\t lơh ală jơnau cih bơh kơrnuat boh lam dê bè gùng tam bau mờ hìu bơnhă; brồ guh bơhiàn, bơta niam ờs mờng bơh yau tơngo\ rài kis chài rơgơi is bơh tơl jơi bơtiàn, sang te\ bơhiàn bơ ngơl gơla ờ niam bè gùng tam bau mờ hìu bơnhă.

Mơkung sơlơ mblàng yal, bơto yal kơrnuat boh lam bè gùng tam bau mờ hìu bơnhă, hòi jà làng bol brồ guh bơhiàn ờs mờng bơh yau, bơhiàn niam bơne\ mờ săng te\ bơhiàn ờ niam bè gùng tam bau mờ hìu bơnhă; bơto bơtê rơnàng kơnòm să sền gàr, bơtàu tơnguh dà đơs, akhar cih mờ brồ guh ală bơta kuơ chài rơ gơi tàm bơhiàn niam bơne\ bơh tơl jơi bơtiàn dê.

Việt Nam la dà lơgar geh uă jơi bơtiàn bal mờ uă bơhiàn niam bơne\, li la ngan. Broă ai ngui kơrnuat geh tơngume cih nền cê bè broă jăt ngui bơhiàn bè gùng tam bau mờ hìu bơnhă là geh kuơ ngan. Ală jơnau cih do tơngo\ broă sền dờng màng ală bơhiàn niam bơne\, mơkung đơs tờm broă lơh jăt ală kơr nuăt pal jăt dờng màng bơh broă tam bau mờ hìu bơnhă, kờn lơh geh bơta kràn cê bơh kơrnuăt boh lam dê. Mơkung kờn sơlơ ătbồ dà lơgar uă tai tàm broă lơh gùng tam bau mờ hìu bơnhă, chul chồl brồ guh ală adat bơhiàn niam bơne\, săng te\ ală adat bơhiàn ờ niam bơ ngơl gơla…

                                                            }au mblàng Lơ Mu K’ Yến.