VOV4.K’ho - Ờ gam jo\ tai, bol he geh mu\t tàm nam pa Ất Mùi 2015. Nàng wa\ rò sơnam pa sa tềp chờ hờp, ngăp lơngai ờdo ờdă ai pràn kơldăng să ja` in, jơnau Pràn kơldăng să ja` mờ rài kis ngai do, bol a` đơs bè broă sàu sa niam tàm ală ngai sa tềp, dơ\ lơh chờ.

Tàm tơl sơlào piang, ală phan sa ndrờm geh tru\ bơkah, ndrờm bal, bơkah, niam, lơh bè lơi kờ` tơl 4 mpồl phan sa là (Đạm, béo, [òk, biăp tơlir, plai chi). Pleh mờ broă  tàm dơ\ sào sa geh uă ir đam bè poăc, ka, chất béo bè (Poăc tơngi, ală phan chàng, coh) mờ ờ tơl biăp tơlir, plai chi ris. Ba` sa uă ir phan neh geh lơh lài bè giò, chả, poăc hồl, xúc xích. Tơmù ală dà `ô, hùc geh uă angkol bè ơlăk, bièr, dà lơngồt, dà geh ga…

Pal sa tơl dơ\: tu\ drim, ngai, mho kờ` tam pà bơta pràn kung bè ală phan bơkah. Pleh ba` sa mho uă ir, uă bơta phan mờ sa jơla ir tơnơ\ mờ 8 jơ mang. Ba` sơbì dơ\ sa bè hơ\, lơh ờ niam tus mờ bơta pràn kơl dang să jan, tàm hơ\ uă ngan là tus mờ cau geh ală kòp jê klung, kòp đồm mhàm…

Dơ\ sào pal kloh niam, ờ do ờ dă bơh tàm broă rơwah phan sa gam ris kloh niam, tus mờ broă tru\, gơm mờ sền gàr, den tàng a` blơi uă ir phan sa lời prăp, tru\ uă ir phan sa, sền gàr phan sa ờ niam geh lơh ờ niam tus mờ să jan bè lơh kal ke tàm broă tơrdih phan sa, jê ndul gơjroh ha là gơtìp khih phan sa.

Đơs bè phan sa lơgar Việt Nam dê, den ală phan sa mờng là ală phan sa bơhiàn geh tru\ mờ uă bơta phan sa, geh uă bè nem, phở, lẩu, biăp sràt…tu\ do, geh ală phan sa kas priă , neh geh lơh lài mờ poăc hồl, giò, chả, lạp sưởng, den he ba` sa uă tàm ală ngai satềp.

Bu\ lah bè hơ\, geh 1 phan sa “Bơkah” mờ ờ gơtùi sơbì tàm sơlào phan sa ngai satềp là biăp [ang neh rơyă. Do là phan sa di lah mblàng bè bơta bơkah den bơta bơkah ờ uă, geh uă jrao lơh kal ke tàm broă tơrdih mờ geh tru\ mờ jơng sur den tàng geh uă tơngi. Di lah sa sùm, sa uă den lơh kal ke tàm broă tơrdih phan sa, hăt ndul, tàm hơ\ uă ngan là tus mờ kơnòm dềt, cau lơmă geh khà Cholesterol uă, jê kồ ntìng tus mờ cau dờng sơnam. Tơmù sa ală phan sa chàng, coh.

He kung pal kah broă `ô, hùc. Dà bu\ lah là mpồl phan hùc tài ờ geh dinh dưỡng, mơya geh kuơ màng ngan tus mờ să jan, ờ gơtùi ờ tơl, tài broă kờ` dà là geh uă ngan. Pah ngai 1 nă cau kờ` bơh 1 l^t 2 tus 1 l^t nggùl dà. Di lah he mìng sa ha là geh uă uă cau đơs là `ô bièr ơla mờ dà là ờ di pal. ~ô bièr uă lơh ờ niam tus să jan, tàm hơ\ uă ngan là tus mờ ală cau gơtìp kòp đồm mhàm, kòp guot, kòp klờm, plai măt, kòp nùs, gùng mhàm, kòp gơguh mhàm.

Bol a` neh geh 1 jơnau lam sồr kờ` sơndră mờ pleh mờ gơl^k khih bơh tàm phan sa mờ ơlăk. Den tàng, tơl nă he pal ngui sa di pal, di mờ bơta pràn să jan, di niam ờ do ờ dă să tòm mờ mpồl bơtiàn in.

                                                           }au mblàng Ndong Brawl.