VOV4.K’ho – Tàm ntum Ea Ô, kơnhoàl Ea Kar, càr Daklak geh dùl broă lơh atbồ sền gàr ngap lơngai niam ngan, hơ\ là ntas klèng sền gàr ngap lơngai. Ntas klèng neh gơ gơs bè bơta pơrgon kis rài kis chài rơgơi, tơngkah tơl nă cau git wă rlau tai sền gàr ờ do ờ dă tàm [òn lơgar:

Bè ờs, pah tu\ tus 10 jiơ mang, sap ntas klèng yal ngap lơngai geh mpong bơh [làng hìu bi Nguyễn Văn Đại, ơm tàm [òn 14, ntum Ea Ô, kơnhòal Ea Kar hơ\sồng mpong ngài tus ală hìu rềp bal. Klo sap ntas klèng dê, hìu nhă lơi gam pờ tivi dờng den pờ dềt wơl, hìu tac phan `ô sa lơi gam tơr gùm gal cau `ô ơlak lơh gơbàn `ggồr `ggàc kung lik rê jơh. Jat jơnau pơrgon [òn lơgar dê “ Sap ntas klèng ngap lơngai” kờ` tơngkah tơl nă cau, tơl hìu nhă git sền gàr ngap lơngai, ờ do ờ dă tàm [òn lơgar mờ kis geh kơnòl mờ [òn lơgar. Bi Nguyễn Văn Đại yal: “ A` tus bal broă lơh sap ntas klèng do neh bơh jo\. 7 jiơ mang là sap ntas klèng sồr bơsram sră, 10 jiơ mang là sap ntas klèng yal ngap lơngai, 5 jiơ drim sap ntas klèng hòi guh bic mờ geh sap ntas klèng đơs lài. Broă lơh sap ntas klèng ngap lơngai geh làng bol kờ` ngan. Tàm dùl [òn den crap dùl nơm klèng tàm tiah tàm gùl [òn. He teh ngài 2 kơi sồ kung gơtùi klo sơl. Lài do bơta ngap lơngai tàm [òn lơgar gơlik geh kal ke ngan bơh 7 tus 9 jiơ mang, làng bol sùm đơs karaoke, kòn sau bơsram sră ờ gơtùi, tu\ do geh sap ntas klèng den khi neh git tus tu\ jiơ hơ\ là ba` đơs crih lơi tai, nàng kòn sau in bơsram sră, bơh 10 tus 11 jiơ màng den ơruh pơnu sùm tơr gùm tàm ală sơne\ 3, sơne\ 4 `ggui nhơl, bơh tu\ geh sap ntas klèng 10h, teh klèng nàng ơruh pơnu in git là tus jiơ rê tàm hìu, den tàng ờ huan gơlik geh bơta ờ niam lơi.”

Ntum Ea Ô là tiah tàm gùl mpồl ntum đah jum bơh kơnhoàl Ea Kar dê, rềp mờ kơnhoàl Krông Pach, gùng lòt [uơn [ùai, broă tac phan `ô sa, nhơl `o\ bơtàu tơnguh. Bal mờ hơ\, bơta ngap lơngai, ờ do ờ dă tàm [òn lơgar kung gơlik geh ngai sơlơ kal ke. Bơta ntung kơ`au, blac pơr lồm, tam lơh tam pờng, tung lơtang tàm [òn lơgar sùm gơguh uă. Nam 2011, ntum Ea Ô là dùl tàm ală tiah gơlik geh kal ke bè ngap lơngai, ờ do ờ dă bơh càr Daklak dê. Tềng đap bơta hơ\, anih duh broă Gah tề lam gùng dră bal ntum pơgồp bal mờ Kuang àng bơyai lơh pơrjum làng bol, dan jơnau đơs bơh mpồl đơng lam Đảng ntum nàng bơt bơtàu broă lơh “ Sap ntas klèng ngap lơngai”.

Tơnơ\ 5 nam mut lơh, bơta ngap lơngai, ờ do ờ dă neh gehuă tam gơl. Dilah bè nam 2012 gùt ntum gơlik geh 31 dơ\ lơh tìs kup màng den nam lài neh gơmù rlau gùl, ờ gơlik geh tìs ngòt rơngơt lơi. Ồng Bùi Trọng Lực, kuang atbồ kuang àng ntum Ea Ô, kơnhoàl Ea Kar pà git: “ Tơnơ\ mờ tu\ geh jơnau sồr bè tu\ jiơ ơm rlô bơh làng bol dê den tàm mang, ală hìu nhă kung git jơnau sồr tơnơ\ 10 jiơ mang ba` lòt rê uă ir. Dơ\ 2, tu\ geh sap ntas klèng, bơta git wă làng bol dê tàm broă tơnguh jơnhua nùs nhơm rơcang gàr ntung kơ`au neh geh tam gơl niam, bơh hơ\, tơmù dimơ bơta cau tìs. Dơ\ 3 gơ rềng tus ngap lơngai ờ do ờ dă mpồl bơtìan bè bơta ơruh pơnu nhơl mang ir, `ô ơlak, lơh aniai tus ngap lơngai hìu nhă, [òn lơgar kung gơmù. Kuơ màng, là ală hìu nhă geh `ô bau tu\ tus 10 jiơ mang tu\ geh sap ntas klèng den khi ờ pờ jơnau đơs crih, ơruh pơnu ờ tơr gùm, bơh hơ\ tơmù uă ngan broă gơlik geh lơh aniai tus ngap lơngai lơh gơbàn uă tìs lơh glài kup màng.”

Tus tu\ do, ờ mìng jơh ală [òn bơh ntum Ea Ô dê mut lơh broă lơh “ Sap ntas klèng ngap lơngai” mờ broă lơh do gam geh rề ơnàng ală ntum ndai tàm kơnhoàl Ea Kar. “ Sap ntas klèng ngap lơngai” neh tă pơ gồp kuơ màng ngan tàm srơh “ Gùt làng bol sền gàr ngap lơngai dà lơgar. Ồng Nguyễn Đức Ba, Kuang jat jơng atbồ Gah tề lam gùng dră bal dà lơgar kơnhoàl Ea Kar pà git, cồng nha dờng ngan rlau jơh bơh broă lơh do dê là bơta git rơcang gàr is, kơnòl bơh tơl nă cau dê geh tơnguh. Ồng đơs: “ Tơnơ\ mờ tu\ broă lơh sap ntas klèng ngap lơngai geh bơt bơtàu mờ mut lơh, ntum Ea Ô gơs là ntum lài ngan bơh srơh sền gàr ngap lơngai dà lơgar, neh geh uă [òn làng bol ơm kis geh rơndap tap sèng niam tàm broă mut lơh broă lơh sap ntas klèng ngap lơngai mờ tàm broă mtu lơh, den tus tu\ do, uă [òn làng bol ơm kis lài do sùm gơlik geh ntung kơ`au tu\ do neh ờ geh tai bơta do mờ 1 bơta tai là nùs nhơm tam klac tàm [òn lơgar kung bè bơtàu tơnguh bơta dong kờl bal mờ gơp tàm broă mut lơh srơh gùt làng bol tus bal sền gàr dà lơgar mờ sền go\ cồng nha bơh broă lơh hơ\ dê den tu\ do, gah tề lam gùng dră bal kơnhoàl pơgồp bal mờ kuang àng kơnhoàl mut lơh rề ơnàng tus uă tiah bơh kơnhoàl dê bè ntum Ea Pal, Cư Ni… geh rề ơnàng broă lơh do mờ lơh broă geh cồng nha.”

Lồi nhai 8 do, ntum Ea Ô, kơnhoàl Ea Kar geh anih duh broă làng bol càr Daklak dờp là “ Ntum geh khà tơl [òn lơgar pa”. Cồng nha do geh tă pơgồp uă ngan bơh broă lơh “ Sap ntas klèng ngap lơngai” nàng lơh jơh 19 broă lơh bơt bơtàu [òn lơgar pa tàm ntum.

              Cau cih mờ yal tơnggit K’ Duẩn.