VOV4.K’ho -  Bal mờ broa\ tà` ồi,  tà` sơ\, bơceh lơh ala\ phan uh, teh gùng đơs crih kòn cau, den broa\ tà` bềl Pran la dùl tàm ala\ broa\ lơh bơhìan niam bơne\ ngan bơh cau Jarai tàm càr Gia Lai. Tềng ala\ bơta pơhìn gơbàn roh jơh bơh broa\ tà` bềl Pran tàm rài kis tu\ do,  tàm ala\ nam do,  ala\ cau chài  mờ oh mi cau ùr tàm xã Ia Dơk, kơnhoàl tiah nhàr lơgar Đức Cơ, càr Gia Lai neh attê bal bơto bơtê wơl, sền gàr broa\ tà` bềl niam bơne\ do:

             Bềl Pran geh lơh bơh nha chi Pran la nha sơ kò. Tàm tu\ mut nhai prang, cau klau tàm [òn Sung Lớn koh nha sơ kò brê kềng gah dà croh, gùt dar ala\ dà mbòr cèng rê is ra` tàm trồ tơngai nàng gàr dà  kò nha in. Tàm nhai mìu, tu\ ru, cau ùr tàm [òn ai nha sơ kò do  cèng tà` bềl.  Tài geh tà` mờ nha sơ kò, den tàng  bềl Pran den ram tàm nhai mriềt mờ  mriềt tàm nhai duh. Cau Jarai sền pang bềl  Pran bè dùl phan bơna kuơ màng ngan tàm hìu. Den tàng,  bềl geh ngui nàng la\ wa\ nac mờ  ngui tàm ala\ bơta kuơ màng bè hìu nha\ geh chơt jê, jun bao bơh làng bol cau Jarai. Cau chài Rơ Mah H’ Byu, kis tàm [òn Sung Lớn, xã Ia Dơk, kơnhoàl Đức Cơ ai git, tu\ do,  ua\ hìu nha\ tàm [òn geh ngui bềl blơi ờ kas ngan,  geh tà` mờ sùt đùh. Bơta do geh lơh broa\ tà` bềl Pran gơ ơm tềng bơta gơbàn  hiu\ roh jơh:

             A` bơsram  broa\ tà` bềl do bơh mò a`, mè a`. Bơsram bơh tu\ gam dềt tus tu\ do, a` ờ gơtùi sang  geh broa\ do, tài gơ la bơhìan bơh kòn cau he dê. Tu\ do cau kơnòm sa\ êt ngan cau kờ` bơsram broa\ do, a` ờ suk la gơ geh gơbàn hiu\ roh jơh, a` gam lơh ngan  dong gơ gar geh wơl broa\ lơh  bơhìan kòn cau he dê nàng gơ  slơ ngai slơ bơtàu tơngguh ờ di lời gơbàn hiu\ jơh.

             Lơh ngan ba` lời broa\ bơhìan bơh mò ồng gơbàn hiu roh, ala\ cau chài tàm [òn Sung Lớn, xã Ia Dơk gam lơh ngan bơto tà` bềl ai rnàng kơnòm sa\ in. Bulah neh tàm sơnam dờng ngan,  sa\ ja`  ờ gam pràn tai, mơya neh ua\ nam do  mò Rơ Mah H’ Byu kis tàm [òn Sung Lớn, xã ia Dơk tam lơh ngan bơto tà` bềl pran ai ala\ cau ùr ơruh cau Jarai tàm [òn. Mò H’ Byu đơs la,  broa\ tà` bềl pran ờ di la broa\ lơh geh phan bơna bè ờs, mờ gơ gam la phan bơna lời wơl chài rgơi bơh cau Jarai. Den tàng,  ala\ cau kra bè mò pal  geh kơnòl bơto bơtê oh kòn pal sền gàr, ba` lời broa\ lơh bơhìan bơh mò pàng gơbàn hiu\ roh. Tê tà` ờ dơh,  mò H’ Byu bơto bơtê ala\ ùr ơruh tàm [òn:

            Ala\ sau  pal sền nền mò yơ, sền nền nàng bơsram đòm yơ!  Broa\ tà` bềl la broa\ mờ mò pàng yau he lời wơl, ờ gơtùi sang. Ala\ sau pal bơsram nàng sền gàr  broa\ bơhìan yau kòn cau he dê.

             Mờ broa\ git wa\ bal bè bơta sền  gàr bơhìan niam chài niam ngan bơh  kòn cau he dê, tu\ do, mpồl tam klac cau ùr xã Ia Dơk, kơnhoàl Đức Cơ gam bal mờ ala\ cau chài sền gàr broa\ tà` bềl pran. Jat hơ\, mpồl geh crơng gơs dùl câu lạc bộ geh 20 na\ cau la cau ùr Jarai. Tàm tu\ ru broa\, ala\ oh mi cau ùr cèng sùt rê hờ hìu tà` bềl. Pơgap mờ do di 2 nam, mpồl tam klac cau ùr xã Ia Dơk, kơnhoàl Đức Cơ neh khin cha ngan cèng bềl pran nàng ràng tơlik, ràng tơlik phan bơna bơceh lơh bơh cau  ùr càr Gia Lai. Kờp bơh tu\ hơ\ tus tu\ do, pang bềl pran neh geh tac tàm drà ka\ bro mờ khà pria\ tac bơh 200 rbô  tus 400 rbô tàm dùl pang bềl jat mờ dờng dềt. Mơya, bơta kuơ dờng ngan tus tu\ do ngan la câu lạc bộ neh ai bơta gơ kờ` bơhìan niam chài kờ` gơboh kòn cau tus mờ oh mi cau ùr. Lo\ Rơmah Nga, kis tàm [òn Sung Nhỏ, xã Ia Dơk, kơnhoàl Đức Cơ ai git:

            Sền ala\ mè, ala\ mlo\, mè bèp he tà` bềl, a` kờ` ngan, den tàng bơsram lơh jat. Tu\ do  a` gam bơsram. A` kờ` bơsram tà` git bềl bic, nhơl nàng gơ rơm hơm mriềt. Bềl bơhìan nggui rơmhơm mriềt  ngan.

             Tàm di 2, 3 nam do,  kơnờm mờ Câu lạc bộ tà` bềl pran mờ  oh mi cau ur mờ  bơta lơh ngan bơto  broa\ bơhìan yau bơh ala\ cau chài neh kra  cau Jarai, ờ mìng ala\ oh mi cau ùr mờ ala\ ồng, kơnòm dềt kung lơh ngan sơl tà` bềl pran. Bềl pran mờng ngan neh rhời geh ngui ua\ tàm rài kis pah ngai bơh ala\ hìu nha\ cau Jarai tàm xã nhàr lơgar Ia Dơk, kơnhoàl Đức Cơ. Mò Rơ Ô H’ Rin, Chủ tịch mpồl tam klac  cau ùr  kơnhoàl Đức Cơ ai git,  Mpồl gam lơh ngan cèng bềl pran  ka\ bro tàm drà. Mpồl kờ` ngan dờp geh bơta dong kờl bơh càr Gia Lai bè broa\ sền gàr broa\ lơh bơhìan tà` bềl Pran bơhìan yau bơh cau Jarai geh cồng nha mờ kơ\ kơljap rlau:

             Bol a` gam geh gùng ai  ala\ oh mi cau ùr git wa\ broa\ prap gàr bềl, bơh hơ\,  bol a` geh bơyai ai bềl do geh tac tàm drà ka\ bro. Kấp kơnhoàl, xã ai bềl pran ka\ bro la bơta kal ke. Den  tàng kờ` geh bơta sền gròi ngan bơh gơnoar atbồ [òn lơgar, geh broa\ lơh is nàng dong kờl bal.

             Pang bềl pran la dùl phan bơna geh  bơta kuơ chài rgơi kuơ màng ngan. Tài gơ ờ mìng ai go\ bơta kèr tê,  nền nòn mờ pal lơh ngan  bơh làng bol cau Jarai dê, mờ gam la phan bơna chài rgơi mờ  ala\ pơrya niam bơne\ jo\ rài ngan bơh làng bol kis bơh yau. Mờ bơta kờ` gơboh mờ lơh ngan nàng sền gàr mờ geh ngui bềl bơhìan, cau Jarai tàm kơnhoàl nhàr lơgar Đức Cơ, càr Gia Lai gam lơh ngan sền gàr mờ geh ngui ua\ bềl pran bơh kòn cau he dê.

          Cau mblàng K’ Brọp