VOV4.K’ho - Gơnoar atbồ lơgar pa tơlik kơrnuat sồ 75 ngai 09/9/2015 bè kơrnuat, broă dong kờl sền gàr mờ bơtàu tơnguh brê, gơjat bal mờ broă dong kờl tơmù rơbah mhar, kơ\ kơljap mờ dong kờl làng bol kòn cau tơngai bơh nam 2015 tus nam 2020.

Dong kờl ơpah sền gàr brê 400.000 priă tàm 1 lồ tàm 1 nam

Jat kơrnuat, brê geh jàu ơpah sền gàr geh dong kờl là: Bă brê dà lơgar jàu Mpồl atbồ brê kuơ màng, brê rơcang gàr bồ tô; brê kuơ màng, brê rơcang gàr bồ tô là brê geh is dà lơgar jàu ală mpồl lơh sa kă bro tam mờ sền gàr brê in atbồ; bă brê ờ hềt jàu, ờ hềt ai ơpah bơh Anih duh broă làng bol ntum atbồ.

Hìu nhă, [òn làng bol ơm kis geh dong kờl priă ơpah sền gàr brê là 400.000 priă tàm dùl lồ tàm dùl nam, geh dờp bơta kuơ bơh brê mờ mut lơh kơnòl sền gàr brê jat jơnau cih bơh adat boh lam gam geh mut ngui tu\ do bơh dà lơgar dê mờ bă brê dờp ơpah geh dong kờl uă ngan rlau jơh là 30 lồ tàm dùl hìu nhă.

Hìu nhă di mpồl dìl pa yal mut lơh sền gàr brê, pơnggàr đal git tam wơl brê geh jàu geh tam bơtơl mờ brê rơcang gàr bồ tô mờ brê lơh sa mờ brê geh is geh dong kờl sền gàr brê là 400.000 priă tàm dùl lồ tàm dùl nam; dong kờl tam brê bơtơl, khà dong kờl jat bơceh lơh - kờp du\ lài, uă ngan rlau jơh ờ lin 1 tơlak 600 rbô priă tàm dùl lồ tàm dùl nam tàm 3 nam sơn rờp mờ 600.000 priă tàm dùl lồ tàm dùl nam tus mờ 3 nam pơnjat tai. Kuang atbồ Anih duh broă làng bol càr tơlik kơrnuat dong kờl mùl màl dipal mờ bơta geh ngan bơh [òn lơgar dê.

Dong kờl tus 10 tơlak priă tam brê lơh sa mờ bơtàu tơnguh phan brê bơdìh mờ dơm chi

Kơrnuat kung cih loh dong kờl tam brê lơh sa mờ bơtàu tơnguh phan brê bơdìh mờ dơm chi. Mùl màl, bă ù tam mờ sền gàr brê geh rơndap ù bơtàu tơnguh brê lơh sa neh jàu kơ\ kơljap, jo\ jòng ai hìu nhă geh dong kờl dùl dơ\ in tàm tơngai sơn rờp nàng tam brê lơh sa mờ chi tam ai dơm, tờm chi brê bơdìh mờ dơm chi.

Khà dong kờl bơh 5 tus 10 tơlak priă tàm dùl lồ nàng blơi tờm sơntìl, phơng sih mờ priă ơpah dùl bơnah cau lơh broă ndrờm mờ priă tus mờ chi tam ai dơm, chi brê bơdìh mờ dơm chi, gơjat bè tơngai tơnhàu bơh bơta chi tam jat bơceh lơh - kờp du\ lài. Kuang atbồ Anih duh broă làng bol càr geh kơrnuat dong kờl ngan ngồn dipal mờ bơta geh ngan bơh [òn lơgar mờ jơnau bơceh - kờp du\ lài.

Hìu nhă rơbah tus bal tam brê lơh sa mờ bơtàu tơnguh phan brê bơdìh dơm chi, tam brê rơcang gàr bồ tô den geh dong kờl 15 ki\ phe tàm dùl nă cau tàm dùl nhai halà mờ priă ndrờm mờ khà 15 ki\ phe tàm dùl1 nă cau tàm dùl nhai tàm tơngai dong kờl, tàm tơngai ờ hềt geh kòi phe. Kuang atbồ Anih duh broă làng bol càr geh kơrnuat bè khà, tơngai dong kờl mơya uă ngan rlau jơh ờ rlau 7 nam.

Geh càn tus 50 tơlak priă ờ duh pal geh phan bơna, jơtài, nàng ròng phan

Kơnờm jat jơnau bơceh - kờp du\ lài tam brê, bơdìh khà priă geh dong kờl jat jơnau cih nàng tam brê lơh sa bơtàu tơnguh phan brê bơdìh mờ dơm chi, hìu nhă geh anih priă jền dong kờl cau rơbah halà anih priă jền lơh broă sa mờ bơtàu tơnguh [òn lơgar ai càn ờ duh pal geh phan bơna, jơtài nàng gàr priă bơcri gam wơl uă ngan rlau jơh là 15 tơlak priă tàm dùl lồ, priă cồng là 1,2% tàm dùl nam. Tơngai ai càn bơh tu\ tam tus tu\ tơnhàu jat tơngai tơnhàu bơh chi tam dê mơya ờ rlau 20 nam.

Bal mờ hơ\, hìu nhă di mpồl 1 pa yal geh anih priă jền dong kờl cau rơbah halà anih priă jền lơh broă sa mờ bơtàu tơnguh [òn lơgar Việt Nam ai càn ờ geh phan bơna, jơtài nàng lơh sră kờ` ròng rơpu, kơn rồ, phan ròng ndai mờ khà càn uă ngan rlau jơh là 50 tơlak priă, tơngai ai càn jo\ ngan rlau jơh là 10 nam, priă cồng ai càn 1,2% tàm dùl nam.

                                                                   Cau cih mờ yal tơngit K’ Duẩn