Pơn jăt tai yal bè jơnau cih tàm Adăt gùng tam bau mờ hìu bơnhă nam 2014 neh geh Gơnuar ala mat dà lơgar kơnă 13 ring bal tàm pơrjum dơ\ 7, ngai 19/6/2014, jơnau do ngai do, bol an\ yal ală jơnau cih tàm Adat gùng tam bau mờ hìu bơnhă nam 2014 bè sền gàr broă gùng tam bau mờ hìu bơnhă.

Bơta 5 adat gùng tam bau mờ hìu nhă nam 2014 cih, gơ rềng gùng tam bau mờ hìu nhă geh crơng gơs, mut lơh jat jơnau cih bơh adat do dê geh sền dờng màng geh adat boh lam sền gàr, adat ờ ai mut lơh ală broă lơh tơ nơ\ do:

- Tam bau ờ ngan, lời bau ờ ngan;

- Bau gờ`, kup bơ klơn tam bau, pơr lồm tam bau, kơryan tam bau;

- Cau gam geh pơ ùr, geh bơklau mờ bau halà kis bal bè ùr bơklau mờ cau ndai halà ờ hềt geh pơ ùr, ờ hềt geh bơklau mờ bau halà kis bal bè ùr bơklau mờ cau gam geh bơklau, geh pơ ùr;

- Tam bau halà kis bal bè ùr bơklau đah ală cau geh jơi nòi, pròc mhàm bal, đah ală cau geh jơi nòi tàm 3 rài, đah mè, bèp ròng mờ kòn ròng, đah cau neh geh tu\ là mè, bèp ròng mờ kòn ròng, po bàp mờ kòn ban, po me mờ bơrtơu, bèp cồng mờ kòn is pơ ùr dê, mè cồng mờ kòn is bơklau dê;

- Geh bơta kờp du\ ờ niam tàm broă tam bau;

- Kup bơ klơn lời bau, pơr lồm lời bau, kơryan lời bau;

- Deh kòn mờ broă dong kờl deh dùh tài kờ` kă bro, bu\n ala cau ndai in tài bơta kuơ, sac rơ wah kòn ùr, kòn klau gam bun, deh kòn ờ di geh bun;

- Tam lơh tam pờng tàm hìu nhă;

- Sơ nờm broă mut lơh gơnuar bè gùng tam bau mờ hìu nhă nàng kă bro cau, rồn bơ klơn bơta pràn lơh broă, sơ mờm bic bài halà geh broă lơh ndai kờ` geh kuơ.

Tơl broă lơh lơh tìs adat boh lam bè gùng tam bau mờ hìu nhă pal geh lơh glài krà` cê, di mờ adat boh lam. Anih lơh broă, mpồl bal, cau 1 nă să geh gơnuar sồr anih cah rơ`a, anih lơh broă ndai geh gơnuar, mut ngui broă lơh di tu\ kơryan mờ lơh glài cau geh broă lơh lơh tìs adat boh lam bè gùng tam bau mờ hìu nhă.

Nùs nhơm, bơngă pin dờn, jơnau dơp ndơr is bơh rài kis mờ ală gơnuar is ndai bơh ală gah dê geh sền dờng màng, sền gàr tàm tơngai bơ song broă gơlik geh bè gùng tam bau mờ hìu nhă.

Bè broă mut ngui bơhiàn bè gùng tam bau mờ hìu nhă, bơta 7 cih:

Tàm tu\ adat boh lam ờ sih mờ ală gah ờ geh bơta ringbal, den bơhìan niam bơne\ ai tơng go\ chài rơ gơi is bơh tơl kòn cau dê, mờ tìs mờ kơrnuat pal jat mờ ờ lơh tìs bơta ờ ai bơh adat do dê den geh ai ngui.

Bè broă lơh sră kup bau, broă tam bau pal geh cih mat mờ bơh anih lơh broă dà lơgar geh gơnuar mut lơh jat jơnau cih bơh adat do dê mờ adat boh lam bè cih mat cau ơm kis tàm hìu nhă. Broă tam bau ờ geh cih mat jat jơnau sồr tàm bơnah do den ờ geh kuơ adat boh lam.

Bơta 10 cih cau geh gơnuar sồr săng broă tam bau tìs mờ adat boh lam bè tơ nơ\ do:

- Cau gơtìp kup bơ klơn tam bau, gơtìp pơr lồm tam bau, jat jơnau cih bơh adat boh lam bè sră nggal lah yă lơh tìs phan bơna mờ broă làng bol, geh gơnuar sồr is halà sồr cau 1 nă să, mpồl bal geh gơnuar sồr anih cah rơ`a săng broă tam bau tìs mờ adat boh lam tài broă tam bau lơh tìs kơrnuat bè ală bơta pal geh nàng geh tam bau;

- Cau 1 nă să, anih lơh broă, mpồl bal tơ nơ\ do, jat jơnau cih bơh adat boh lam bè sră nggal lah yă lơh tìs phan bơna mờ broă làng bol, geh gơnuar sồr anih cah rơ`a sang broă tam bau tìs mờ adat boh lam tài broă tam bau lơh tìs ală bơta pal geh nàng geh tam bau;

- Pơ ùr, bơklau bơh cau gam geh pơ ùr, bơklau mờ bau mờ cau ndai, mè, bèp, kòn, cau sền gròi halà cau ala mat jat adat boh lam bơh cau tam bau tìs mờ adat boh lam;

- Anih atbồ dà lơgar bè hìu nhă;

- Anih atbồ dà lơgar bè kơnòm dềt;

- Mpồl tam klac cau ùr;

- Cau 1 nă să, anih lơh broă, mpồl ndai tu\ git go\ broă tam bau tìs mờ adat boh lam den sồr anih lơh broă, mpồl bal geh gơnuar sồr anih cah rơ`a sang broă tam bau tìs mờ adat boh lam.

                                                }au mblàng K’ Duẩn.