VOV.K’ho-Kàl tơnhàu nam do, ngan là dơ\ sa tềp bơhiàn Mậu Tuất pa do, uă ngan cau tam tàu tàm [òn dờng Kon Tum, càr Kon Tum pal kis tàm rài kis kơlôi rơcang ngan. Bal mờ jơnau kơlôi rơcang ngòt ồs sa tàu, ală nam rềp ndo, cau lơh broă sa tàm tiah do gam pal ko\ng tai mờ dùl broă lơh aniai lơh sa ndai, hơ\ là jơnau koh aniai cồng tàu.

Kờ` pal sơlơ sền gàr tai lơh sa tàm ală sươn tàu tàm Kon Tum gam là jơnau sồr gơ tus mờ gơnoar atbồ mờ mpồl lơh broă geh gơnoar tiah do.

Lài mờ dơ\ sa tềp bơhiàn Mậu Tuất 2018, tàm ù tiah sơnah [òn Lê Lợi mờ Nguyễn Trãi, [òn dờng Kon Tum gơtìp 2 dơ\ ồs sa sươn tàu. Kơnờm bơta dong kờl di tu\ bơh mpồl kảnh sát rơcang sơndră mờ crùh ồs sa mờ dong kờl rềs àr kuang àng càr Kon Tum dê, dơ\ ồs sa sơrbac mhar ngan geh crùh gơ sơ\t jơh ồs mơya kung geh tus rlau 10 lồ tàu gơtìp hoàc hươr.

Anih lơh broă geh gơnoar tiah do neh lùp khàu kờ` gi\t jơnau bơh tài gơtìp ồs sa, mơya ờ hềt jòi git geh cau tờm lơh gơlik dơ\ ồs sa. Den tàng bè hơ\, sùm tàm dơ\ sa tềp bơhiàn pa do, cau tam tàu tàm do `ă ntàu ờ go\ iang, jơnau kơlôi rơcang ngòt ồs sa tàu lơh roh jơh bơta chờ hờp wa\ rò sơnam pa sa tềp.

Bal mờ jơnau kơlôi rơcang ngòt ồs sa tàu, ală nam rềp ndo, cau tam tàu tàm [òn dờng Kon Tum, càr Kon Tum gam pal ko\ng mờ dùl broă lơh aniai lơh sa ndai, hơ\ là jơnau koh aniai cồng tàu.

Tàu gơtìp koh cồng lài mờ tơngai tơnhàu uă nhai

Bơh nhai 10, nhai 11 pah nam tơn, tu\ tàu gam ờ hềt tus tơngai tơnhàu, uă sươn tàu neh gơtìp koh lu\t jơh cồng. Bi Nguyễn Minh Mẫn, ơm tàm Tổ 7, sơnah [òn Thống Nhất, [òn dờng Kon Tum, càr Kon Tum tam 7 lồ tàu tàm sươn tàu Ô Kà Tá, xã Đăk Rơ Wa, pà gi\t, cau koh aniai cồng tàu là ală cau ê kơnrồ tàm do:

Khi koh bơh tu\ tàu gam tàm tơngai nhai 10 hơ\ là ờ hềt tus tơngai tơnhàu. A` gàr dilah lòt sền đah do den khi ntoăt dô tus đah ne. Gàr sùm mơya kung ờ jai sơl. Bol a` kung neh yal mờ xã dan dong kờl sơl bơh broă là khi mblàng yal drim ngai dơ\ 2 gờm chờ bùng bi pah poh. Mơya đơs ngan den khi kung gam koh sơl cồng tàu, den tàng hoàc hươr bơh bol a` dê là uă ngan.

Sơlơ tus tơngai lồi nam, tu\ nhơ\t ai kơnrồ in tàm kàl prang ờ huan geh den jơnau koh aniai cồng tàu sơlơ gơlik geh uă. Sùm bơh àng drim tus mho jơngo mang, lòt jat ală gơl gùng tus sươn tàu Ô Kà Tá tàm xã Đăk Rơ Wa, halà Ô Chuối sơnah [òn Nguyễn Trãi dê là [ươn ngan tìp gi\t nđờ mpồl cau lòt koh cồng tàu rê ìa bal mờ căp cồng tàu dờng, dềt pơndiang tàm rơndeh măy, geh tu\ là ngui tơn rơndeh độ nàng pơndiang. Ờ mìng cau ròng kơnrồ lơm lòt koh cồng tàu ờ, tu\ do tàm [òn dờng Kon Tum neh geh bàr pe nă cau mờng lòt koh cồng tàu nàng tăc mờ ală cau kờ` blơi.

Jơnau koh cồng tàu gơlik geh sùm, kal ke ngan kơryan

Ồng Đoàn Minh Thiên, ơm tàm sơnah [òn Lê Lợi, dờp bơcri priă bơh Công ty Cổ phần sơdàng Kon Tum tam 80 lồ tàu gơlơh ờ jai ngan pà gi\t, tàu pa gơtìp koh cồng, mờ gam gơtìp cau jă lề tai, geh tu\ là khi gam bơcrì bơcrà ngan ờ go\ di mìng koh cồng tàu lơm mờ khi koh jơh bal tàu nrang tơn lơh hoàc hươr sơlơ uă tai. Gơlơh ờ suk ngan mơya ờ jai tài bơh ờ go\ gi\t lơh bè lơi tai:

Tu\ mờ he sền go\ khi tu\ do he lơh bè lơi? Lơh khi den lơh ờ gơtùi. Đơs nggờc den ờ go\ bài iat. He tơngkah cau do den cau ndai tus tai. He tơngkah tềng do den khi lòt koh tai tiah ndai. Đơs bal là ờ jai atbồ ờ.

Ồng Nguyễn Văn Nhương, Phó trưởng Phòng Đầu tư mờ Blơi, Công ty Cổ phần sơdàng Kon Tum pà gi\t, broă tàu gơtìp koh cồng gơlam tus jơnau hoàc hươr uă jơh bal bè cồng nha mờ bơta niam. Ồng Nguyễn Văn Nhương, đơs:

Tu\ tờm tàu gơtìp koh cồng den bơnah sơdàng lô za tàm tờm tàu gơtìp roh te\ tam gơl gơs glu cô za nàng ròng ală bồ măt tàu. Ală bă tàu do tu\ do bơta niam tàu gơmù pơgăp 30% mờ cồng nha gơmù pơgăp bơh 20 tus 25%.

Tềng đap ală hoàc hươr bè do, den Phòng nguyên liệu kung bơto yal lài làng bol lơh broă sa in tam mờ atbồ sền gàr tàu niam lơh bè lơi nàng ờ gơtìp cau koh te\ cồng, ờ hoàc hươr ai cau tam tàu in kung bè hoàc hươr ai Công ty in. Tơnơ\ tu\ jun tus hìu măy tàu ờ geh sơdàng là uă ngan, lơh hìu măy lơh sơdàng kal ke ngan.

Ờ jai kơryan is jơnau koh aniai cồng tàu nàng sền gàr lơh sa, cau tam tàu tàm [òn dờng Kon Tum kung bè Công ty cổ phần sơdàng Kon Tum neh geh sră dan mờ gơnoar atbồ tiah do sơlơ lơh tai broă gàr niam bơta lơngăp lơngai tàm ală sươn tàu.

Jơnau koh cồng tàu gơlik geh sùm, kal ke ngan kơryan

Geh tu\ là tài bơh kơlôi rơcang ờ suk ir tềng đap ală hoàc hươr lơh gơlik tài bơh jơnau koh cồng tàu, bàr pe hìu làng bol tam tàu tàm xã Đăk Rơ Wa gam jà is gơ\p tă pơgồp priă jền dong kờl mpồl lơh broă geh gơnoar tiah do sơlơ lơh tai broă lòt sền nàng ku\p kơryan. Mơya, jơnau do kung gam gơlik geh sơl tàm uă nam do. Ồng Phan Thanh Nam, Chủ tịch Ủy ban Nhân dân xã Đăk Rơ Wa, pà gi\t:

Tàm ù tiah xã Đăk Rơ Wa jơnau làng bol lòt tơnhàu is bồ măt, kung bè là koh cồng tàu kung bè là tu\ tàu ờ hềt tus tơngai tơnhàu kung geh sơl. Tềng đap jơnau do, bol a` kung neh sồr kuang àng, kung bè bơyai lơh mblàng yal tàm thôn, lơh ală broă lơh hòi jà làng bol ờ go\ di geh broă lơh lơh gơlik bơta aniai tus bơta niam kung bè priă lơh geh bơh hìu làng bol tam tàu dê. Bol a` kung gam jơh nùs lơh sơl nàng lơh bè lơi tơrmù [à jơnau hoàc hươr ai hìu bơnhă làng bol tam tàu in.

Mờ kờp jơh bă tàu pơgăp 1 rbô lồ, ù tiah [òn dờng Kon Tum geh tus 80% bơnah tàu nrang bơh càr Kon Tum dê. Kàl tàu nam do, bal mờ priă blơi ờ kas, hìu măy blơi lơyaì den jơnau digơlan gơtìp ồs sa tàu mờ jơnau koh aniai cồng tàu gam lơh làng bol tam tàu tàm do `ă ntàu ờ suk ờ iang.

Nàng cau tam tàu gơtùi iang nùs kơ\p tus dơ\ tơnhàu tăc mờ hìu măy kung bè pơn jat tai bơcri priă lơh ai kàl tơnơ\ in, broă gàr niam bơta lơngăp lơngai, sền gàr lơh sa tàm ală sươn tàu tàm [òn dờng Kon Tum kờ` pal geh lơh krà` cê jơh nùs rlau tai!

Cau mblàng mờ yal tơngi\t- Lơ Mu K’Yến