VOV4.K’ho - Viêm muh dị ứng là kòp mãn tính, lơh gơbàn ờ niam tus mờ bơta pràn kơl dang să jan bal mờ bơta pràn lơh broă cau kòp. Bơdìh hơ\ tai, gam lơh gơbàn tai ală bơta bè: viêm xoang tài gơlềt ală trồm xoang; viêm muh xoang tài kòl dà muh, lơh geh bơta niam vi trùng in kis; viêm rơnồng dờ tài tă nhơm mờ bơr; jê as tồr tài kòl khài tờr; jê sồt muh, suyễn mờ Polup muh.

Ală bơta lơh gơbàn kòp viêm muh dị ứng sùm tài ală phan krơi is par tàm nhơm trồ tiah bè:

 -Kơmbuh bơkào.

-Gơthul tàm hìu, tàm hơ\ geh kòn kroà (acarien) là bơta tòm.

-Bơsềt ồm.

-Gơthul, `hu\ bơh hìu măy.

-Tơnò phan ròng.

-Ală bơta hoá chất.

Ală phan krơi tàm phan sa bè dà toh, tăp, ală bơta khoah, phan tàm dà; ală bơta sơnơm kháng sinh, ală bơta kơmbuh bơkào, dà ntiar, sơ[ong… ndrờm lơh gơbàn kòp dị ứng. Ală bơta phan do sùm lơh gơbànÀơ niam gùt să bồ ha là tàm gùng tơrdih phan sa, mơya kung lơh tơngo\ tàm gùng tă nhơm.

Gơbàn kòp dị ứng ha là ờ gam jăt mờ bơta pràn kơl dang să jan, mhàm bơh cau lài gơtòp tus cau tơnơ\ tàm tơl nă cau. Rài lài do ală cau tàm hìu nhă geh gơnoar kuơ màng ngan. Di lah cau mè, cau bèp ndrờm gơbàn kòp dị ứng den kòn geh khà gơbàn kòp do rơlao 50%. Di lah bèp ha là mè gơbàn dị ứng den khà do là 30%.

Broă sơm mờ sơndră mờ kòp viêm muh dị ứng

*Pleh mờ tìp ală bơta phan lơh gơtòp kòp dị ứng:

-Broă sơm kòp dị ứng muh niam ngan là ba` tìp mờ ală bơta phan lơh gơbàn kòp mờ sơndră mờ kòp ba` lời ală bơta gơbàn kòp lơh gơbàn.

-Gàr niam hìu đam sùm kloh, nhăp, ba` geh gơthul; ba` ròng so, mèo tàm hìu, gơsơ\t đe, t^p…

-Ba` lời bơsềt ồm, ală kòn kroà, ală tiah jơngo, kho\ klar, sră, [ăo klar, tòm chi bơka, sră lir tềng kơl l^k hìu, bềl, ồi, phan dă tàm hìu, ală bơta bơkào ro.

Mơya, di lah g^t mờ g^t di pal, mìng gehlơh sùm jăt mờ bơta mờng là gàr kloh niam hìu đam là broă lơh niam ngan kờ` sơndră mờ kòp lơh gơbàn ờ su\k ơm do.

*Tơnguh broă sơndră mờ kòp:

-Lơh ram: Tàm kàl mrềt pal lơh ram să, tàm hơ\ uă ngan là tàm tiah ngko, ntơh bal mờ muh, ba` um dà mrềt. Gơwèt mờ ală cau pal lơh broă mang ir, guh b^c gờ` ir, pal kah tài tu\ do [uơn ngan gơbàn nggù mờ [uơn ngan gơbàn gơs kòp viêm muh xoang. Ba` rơhồp mhơn mrềt, duh ni sơna, ha là lời muh tìp tơn mờ càl mrềt bơh măy mrềt, tài di gơlan lơh gơbàn kơnra` muh.

Lơh jăt ờ uă broă lơh kờ` dong kờl lơh ram tàm muh tu\ àng drim: ai 2 mpàng tê gòm jơh 2 đah muh bal mờ bơr, tê ceh mờ muh tă, rơhồp nhơm, lơh sùm tàm 2, 3 phút.

-Sền gàr muh kờ` ba` gơbàn ală bơta kòp lơh: Tàm nhơm trồ tiah geh uă ngan ală bơta ờ niam, lơh gơbàn tus tàm muh bè: gơthul, nhơm tơl^k bơh sìô siă, vi khuẩn, bơsềt ồm, `hu\ jrào, hoá chất… pal pleh mờ tơmù broă sơgràm bơh ală bơta phan do mờ broă ngui chèo pơn tu\ lòt lơh broă tàm tiah geh uă gơthul, [ơ\, tu\ lòt hờ bơdìh gùng.

-Lơh kloh tồr, muh, rơnồng dờ: Gùng tă nhơm di lah ờ geh lơh kloh, geh lơh ală vi khuẩn in kis mờ geh uă. Den tàng pal lơh kloh niam rơnồng dờ, sề, bơr niam mờ broă: pah ngai jroh sề lài mờ tu\ mờ tơnơ\ mờ tu\ guh b^c, tơnơ\ mờ pah dơ\ sào mờ sơnkroh bơr mờ dà boh. Tu\ gơbàn jê rơnồng dờ, viêm amidan, tu sề, jê as tòm sề, jê as lừ`… pal tus kham mờ sơm kòp bời kờ` ba` gơbàn kòp tai gơs kòp jroă, [uơn gơbàn viêm xoang tơnơ\ do.

-Hùc uă dà: Hùc uă dà kờ` lơh ba` gơkơ\t dà muh, lơh dà muh [uơn gơl^k hờ bơdìh rơlao, pleh mờ gơkòl, lơh gơbàn as mồr.

-Ngui sơnơm di pal: Ba` sơgràm ờ uă sơnơm cro\t muh, [ồm muh, tài lơh gơbàn gơrềng mờ sơnơm, lơh ờ gơdờp mờ sơnơm. Cro\t dà sơnơm di khà geh ai kờ` pleh mờ ală broă gơrềng ndai. bơdìh hơ\ tai, ală cau gơbàn viêm xoang mãn tính pal cro\t muh mờ dà boh sinh lý mờ lòt kham gờ` tu\ geh ală bơta tơngo\ bơh viêm muh, viêm xoang, viêm gùng tă nhơm.

Tu\ gơbàn viêm xoang, viêm muh, he kung gơtùi hồl muh mờ dà duh ram đe, dà boh ha là dà geh klài mờ dà bạc hà… lơh muh [uơn tă nhơm. Cro\t dà muh sinh lý sùm kờ` rào muh, lơh kloh muh, dong kờl muh tă nhơm niam.

Ală bơta pal kah bè viêm muh dị ứng:

1. Broă sơm kòp niam ngan là pal ba` tìp mờ ală phan lơh gơbàn kòp.

2. Niam ngan là ngui sơnơm kờ` sơndră mờ ală dơ\ gơbàn, rơlao là pal sơm mờ tu\ neh gơbàn jroă.

3. Di lah ngui corticods den niam ngan là ngui sơnơm [ồm tơn.

4. Reh ờ gơtùi sơm bời kòp viêm muh dị ứng, mơya gơtùi bơsong ală bơta ờ niam tàm muh.

5. Ờ di tu\ lơi gơl^k dà muh là gơbàn kòp viêm muh dị ứng.

6. Mìng ngui kháng sinh tàm ală tu\ gơbàn wơl kòp, jăt jơnau bơto sồr bơh bác sĩ dê.

7. Di lah broă sơm kòp gam niam ni sơna ờ geh cồng nha, pal sền wơl tài bè lơi gơbàn dị ứng geh gơbàn tam gơl lah ờ, gơbàn viêm muh tài sơnơm ha là gơbàn wơl kòp lah ờ.

Cau cih mờ yal tơng^t Ndong Brawl