VOV4.K’ho- Bơh ngai do, 15 nhai 3 tus ngai 13 nhai 4 geh sơn đờm dơ\ sơnrờp sền gròi broă te\ khà kuang bàng Quốc hội khoă 15 mờ kuang bàng Hội đồng Nhân dân (HĐND) ală cấp tơngai bơh nam 2021 tus 2026. Uỷ ban Mặt trận Dà lơgar Việt Nam geh bơyai lơh 5 mpồl sền gròi broă te\ khà. Tơl mpồl sền gròi bơyai lơh sền gròi tàm 3 tiah cấp càr mờ 1 tiah cấp kơnhoàl bơh tơl càr dê.

Boh bơr mờ cau ai tơng^t jơnau đơs bơh Anih jơnau đơs Việt Nam, ồng Ngô Sách Thực, Phó Chủ tịch Uỷ ban Mặt trận Dà lơgar Việt Nam pà g^t: geh 8 tơngu me sền gròi mờ uă b roă lơh bal mờ gùng dà sền gròi, pơgồp bal tàm broă rơwah ală kuang bàng mùl màl di pal mu\t tàm Quốc hội mờ HĐND. Tơnơ\ do là tơngu me jơnau lùp bơh cau ai tơng^t jơnau đơs Lại Hoa mờ ồng Ngô Sách Thực.

-Ơ ồng Ngô Sách Thực, tơngu me bơh broă bơyai lơh ai ală mpồl kuang bàng sền gròi broă te\ khà kuang bàng Quốc hội mờ kuang bàng HĐND là bè lơi?

Ồng Ngô Sách Thực: Mặt trận Dà lơgar Việt Nam geh kơnòl tơl^k ală kal ke tàm broă bơyai lơh nàng kờ` lơh bè lơi tu\ bơyai lơh di mờ kơrnoăt mờ geh cồng nha. Tài bè hơ\, tàm broă rơcang lơh jăt kơrnoăt bơh adăt te\ khà kuang bàng Quốc hội kung bè HĐND den ală kơrnoăt ndai pal geh rơcang dùl tơngai jo\ jòng nàng tus ngai 23 nhai 5 là ngai làng bol lòt đùh sră.

Ală tơngu me hơ\ tơl tu\, tơl tơngai, mờ 16  bơta tờm den broă tus bal bơh làng bol, ală anih lơh broă nàng lơh jăt di pal. Tơngu me bơh broă sền gròi pơgồp bal lơh bè lơi broă rơcang, yal tơng^t, lam sồr pal geh tơl tus mờ làng bol, tàm hơ\ uă ngan là broă gơrềng tus mờ broă cih măt cau tơl^k măt te\ khà nàng làng bol go\ cau mờ làng bol geh pồ, pơgồp geh nùs nhơm pin dờn mờ să tờm neh tơnpồ.

-Di bè hơ\, ală tơngu me mùl màl lơi geh tơrgùm sền gròi, ơ ồng?

Ồng Ngô Sách Thực: Jăt kơrnoăt tàm adăt boh lam, tàm broă pơgồp bal neh ai go\ geh 8 tơngu me, tàm hơ\ tơrgùm tàm ală tơngu me, ală broă gơrềng tus mờ broă Mặt trận ală cấp bơh Dà lơgar, ală càr, [òn dờng tus bal tàm ală mpồl bơyai broă te\ khà, lơh bè lơi pal di bơnah broă mờ geh jơnau đơs. Mpồl kuang bàng, bơnah cau te\ khà tàm Dà lơgar geh Hội đồng te\ khà dà lơgar, ală càr, [òn dờng ală cấp den geh Uỷ ban te\ khà ală cấp. Tiah đùh sră geh mpồl te\ khà. Tơl mpồl te\ khà den ndrờm geh broă tus bal bơh Mặt trận dà lơgar Việt Nam mờ ală mpồl lơh broă. Broă tus bal hơ\ pơgồp bal ai geh ală bơnah broă rơcang te\ khà, jơnau yal, jơnau lam sồr jrô ơnàng tus mờ làng bol.

Hơ\ là broă lơh kuơ màng mờ ală kơrnoăt kơnòl bơh ală mpồl lơh broă te\ khà lơh broă jăt mờ kơrnoăt tàm adăt boh lam. Dơ\ bàr là mpồl tơrgùm tàm ală tơngu me gơrềng tus mờ bơta niam kuang bàng geh tơl^k măt te\ khà mờ ală bơnah broă cri bơyai nàng lơh bè lơi gàr niam ală kơrnoăt tàm adăt boh lam. Tàm jơh ală broă lơh do geh 3 broă lơh. Broă lơh lài ngan, ring bal bè bơta niam kuang bàng, bơnah kuang bàng, khà kuang bàng geh ai; broă dơ\ bàr là khà măt ing mờ dơ\ 3 là cih măt ală kuang bàng geh tơl bơta niam nàng yal. Tàm ală tơngu me do, den ală broă geh lơh jăt pal nền nòn nàng rơwah ală cau geh tơl niam, tơl ngăc ngar jăk chài mu\t bal tàm Quốc hội kung bè HĐND ală cấp.

-Ơi, ơ ồng, broă lơh kung bè broă sền gròi bè lơi nàng Mặt trận Dà lơgar lơh jăt broă lơh geh cồng nha uă di jăt mờ kơrnoăt tàm adăt boh lam, ơ ồng?

Ồng Ngô Sách Thực: broă lơh, lơh pal geh uă broă lơh. Lài ngan, bol a` go\ là broă lơh tơl nă kuang bàng tàm mặt trận den ndrờm geh gơnoar tus bal pơgồp tàm ală tơngu me broă rơcang. Broă dơ\ bàr, bơh bơta go\ làng bol dê di tu\ yal mờ anih lơh broă geh kơnòl. A` đơs bè bơh pơrjum cri bơyai dơ\ sơnrờp bơyai lơh, lơh tờm ngan, loh làng, mơya kung gam geh ờ uă bơta kal ke bè broă ai khà kuang bàng, bơnah broă kuang bàng den he yal tus mờ Thường trực Hội đồng Nhân dân mờ cấp geh gơnoar nàng geh broă lơh niam wơl di tu\ di pal, gàr niam broă lơh di mờ kơrnoăt geh ai.

Kơnòl bơh tơl cấp Mặt trận pal bơyai lơh ală dơ\ sền gròi nàng bơh ală dơ\ sền gròi geh jơnau đơs, jơnau dan mơ. Bơta krơi is bơh broă do là ờ gơtùi lời tus dơ\ tơnơ\, mờ tàm tơl tơngai, tơl tu\, ală broă lơi gam kal ke, pal geh lơh niam wơl tàm tơl tu\ tàm broă lơh 16 broă nàng tus ngai te\ khà là ngai 23 nhai 5 den pal đơs di tu\ lài mờ ală broă lơh hơ\ nàng lơh gơs. Bè hơ\, sền gròi geh pơgồp bal tàm tơngu me là he rơcang lài tơl, nền nòn mờ ndrờm bal.

-Ơi, dan ưn ngài ồng!

Cau cih Lại Hoa-Cau mblàng Ndong Brawl