Bơta 198 adat ù tiah cih bè broă sền gròi bơh gơnoar ala mat dà lơgar, mpồl duh broă ala mat làng bol ală kơnă, gah tề lam gùng dră bal Việt Nam, ală mpồl geh jơng bơh gah tề lam gùng dră bal dê bè broă atbồ mờ ngui ù tiah bè tơ nơ\ do:

- Gơnoar ala mat dà lơgar, mpồl duh broă ala mat làng bol ală kơnă mut lơh gơnoar sền gròi bè atbồ mờ ngui ù tiah jat jơnau cih bơh sơnua boh lam mờ adat broă lơh sền gròi bơh gơnoar ala mat dà lơgar, adat bơyai lơh mpồl duh broă ala mat làng bol mờ anih duh broă làng bol.

- Gah tề lam gùng dră bal dà lơgar Việt Nam, ală mpồl geh jơng bơh gah tề lam gùng dră bal mut lơh gơnoar sền gròi bè atbồ mờ ngui ù tiah jat jơnau cih bơh sơnua boh lam, adat gah tề lam gùng dră bal dà lơgar Việt Nam mờ jơnau cih ndai bơh adat boh lam geh gơ rềng.

Làng bol mut lơh broă sền gròi atbồ, ngui ù tiah jat bơta 199:

- Làng bol geh gơnoar să tờm is he dê halà jat ală mpồl ala mat, mut lơh gơnuar sền gròi mờ đơs bè ală bơta tìs tàm broă atbồ mờ ngui ù tiah.

- Broă sền gròi mờ jơnau đơs pal gàr bơta song dơpă, di mờ adat boh lam, ờ geh sơ mờm gơnoar sền gròi nàng yal yă, yal khài ờ di mờ jơnau cih bơh adat boh lam dê, lơh roh ngap lơngai mpồl bơtìan, kong kơ nòl tềng đăp adat boh lam bè bơta dipal ală jơnau tơngit bơh să tờm he đơs tus.

Tơngume sền gròi làng bol dê tàm broă atbồ mờ ngui ù tiah:

- Broă crơng gơs, bơ song, yal bơr, mut lơh rơndap broă ngui ù;

- Broă jàu ù, ai ơpah ù, mblàng yal, ai gơnoar tam gơl jơnau kờ` ngui ù;

- Broă ai wơl ù, tơm wơl priă, dong kờl mờ rơndap bòn ơm kis pa;

- Broă cih mat ù tiah, phan bơna gơ jat mờ ù, lơh să ngui ù, gơnoar ngui hìu ơm mờ phan bơna ndai gơ jat mờ ù;

- Broă ai, ờ sa, tơmù priă ngui ù, priă ơpah ù, priă dia gơ rềng tus ù tiah, ai tơlik khà priă ù;

- Broă mut lơh ală sră nggal gơ rềng tus gơnoar mờ kơ nòl bơh cau ngui ù.

- Bè broă mut lơh sền gròi bơh làng bol dê tàm broă atbồ mờ ngui ù tiah:

- Mut lơh tơn gơnoar sền gròi jat broă đơs tus, pơyua sră tus ală anih lơh broă, cau geh gơnuar lơh bơ song;

- Pơyua sră dăn tus ală mpồl ala mat geh adat boh lam dờp nàng ală mpồl do mut lơh gơnoar sền gròi.

Kơ nòl bơh anih lơh broă dà lơgar geh gơnoar tu\ dờp geh jơnau đơs bơh làng bol mờ mpồl ala mat làng bol in:

- Sền gròi, bơ song, hơ mờ sră nggal jat gơnoar broă;

- Pơyua sră dăn tus anih lơh broă dà lơgar geh gơnoar nàng bơ song ală broă ờ di gơnoar broă;

- Yal cồng nha tus mờ mpồl bal, cau 1 nă să neh geh jơnau đơs tus.

Adat ù tiah kung cih bè 1 ròt mpồl sền gròi mờ ai jơnau đơs tus mờ broă atbồ, ngui ù tiah, kờ` đơs bè broă lơh jat adat bè ù tiah, cồng nha atbồ mờ ngui ù tiah, bơta gơ rềng bơh ală gùng dà, broă lơh, adat boh lam bè ù tiah tus lơh sa mpồl bơtiàn mờ tiah ơm kis tàm gùt lơgar mờ ală tiah.

Ròt mpồl sền gròi mờ ai jơnau đơs tus mờ broă atbồ mờ ngui ù tiah geh yal, nàng ală mpồl bal, cau 1 nă să jòi git jơnau yal tơngit jat adat boh lam.