VOV4.K’ho - Poh lài, tềng đăp mờ broă đơng lam bơh Chủ tịch Quốc hội mò Nguyễn Thị Kim Ngân, Uỷ ban Thường vụ Quốc hội neh bơyai lơh pơrjum dơ\ 19. Tàm hơ\, ai pơgồp jơnau đơs bè broă bơsong tơm bơtơl tu\ hìu ơm, broă lơh geh tàm bơdìh broă tơm ntrờm ù tiah gơbàn tài lơh ală rơndăp broă lơh niam wơl, rề ơnàng gùng sồ 1 gơl lòt gan bơh càr Thanh Hoá tus [òn dờng Cần Thơ mờ gùng Hồ Chí Minh gơl lòt gan Tây Nguyên, Uỷ ban Thường vụ Quốc hội đơs là, ờ ngui kes priă Dà lơgar kờ` bơsong broă tơm ntrờn ală hoàc huơr mờ Chính phủ pal đơng lam sền wơl nền nòn tài geh bơta lơi kờ` g^t kơnòl tơn ntrờn, di pal mờ kơrnoăt adăt boh lam.

Chính phủ pà g^t: kờp du\ geh rơlao 35 rơbô hìu gơrềng bal tài broă lơh ală rơndăp broă lơh niam wơl, pờ ơnàng gùng sồ 1 gơl lòt gan bơh càr Thanh Hoá tus [òn dờng Cần Thơ mờ gùng Hồ Chí Minh gơl lòt gan Tây Nguyên mờ kờp du\ khà priă tơm ntrờn geh bơdìh mờ kơnòl bảo hiểm bơh cau tòm bơcri priă blơi là di pơgăp 167 tơmàn priă.

Den tàng, kờ` geh tơl tơngu me adăt boh lam lơh jăt, geh gàr niam rài kis, lơh sa làng bol gơrềng bal do, ba` gơtìp yal yă gal cau jo\ jòng, Chính phủ neh dan mờ Uỷ ban Thường vụ Quốc hội ring bal, ai Bộ Giao thông Vận tải geh ngui priă trái phiếu Chính phủ bơh ală rơndăp broă do kờ` tă tàm broă tơm ntrờn hoàc huơr.

Bơh tàm broă cri bơyai, Uỷ ban Thường vụ Quốc hội đơs là: Ală hìu gơrềng bal uă ngan là ală hìu rơ[ah, ndrờm mờ rơ[ah den tàng broă mhar sền wơl, bơsong ală kal ke kờ` geh gùng dà tơm bơtơl là pal geh.

Mơya, pal kơlôi sơnơng, sền wơl nền nòn kờ` g^t loh tài bơta lơi, kơnòl tơm bơtơl mờ priă kờ` tă tơm bơtơl. Tài mùl màl, tàm broă lơh jăt, broă sền wơl ù tiah lài mờ tu\ lơh; ngui ală broă lơh tàm broă lơh kung bè tơl^k geh bă ù, tơngai blơi sră bảo hiểm broă lơh gơwèt kơnòl bơh ală anih lơh sa kă bro bơcri priă, anih lơh sa kă bro lơh.

Den tàng, tu\ gơbàn ală hoàc huơr tàm broă lơh den kes priă Dà lơgar ờ ai geh priă kờ` bơsong ală tơngu me do, kờ` tơnguh uă kơnòl anih lơh sa kă bro bơcri priă, anih lơh sa kă bro lơh tàm broă yal lài, rơcang mờ lơh rơndăp broă, mờ pleh mờ bơta gơbàn ờ niam, geh pal bơsong tàm uă broă lơh gơwèt ală gah krơi is, tơnguh kal ke tus mờ kes priă Dà lơgar. Phó Chủ tịch Quốc hội mò Tòng Thị Phóng đơs là:

-Tơngu me do gơrềng tơn tus mờ ală anih lơh sa kă bro lơh broă do, tài anih lơh sa kă bro do geh kơnòl bơh tu\ sền ù tiah, lơh tus mờ broă đơng lam lơh, tus mờ broă lơh bảo hiểm broă lơh, lơh niam wơl, bảo hiểm tai.

A` go\ là tàm broă đơng lam den do là broă lơh tơn bơh anih lơh sa kă bro mờ làng bol. Mờ lài jơh là pal lơh jơh kơnòl bơh anih lơh broă atbồ mờ sền gròi broă lơh bơh ală anih lơh sa kă bro tai.

Uỷ ban Thường vụ Quốc hội ring bal, broă tơm ntrờn ai broă lơh rơndăp broă lơh gơbàn hoàc huơr ai rơlao 35 robô hìu làng bol pal geh bơsong nền nòn. Mơya, tơngu me do Chính phủ yal ờ gơwèt mờ gơnoar bơh Uỷ ban Thường vụ Quốc hội mờ gơwèt kơnòl bơsong bơh Chính phủ dê.

Do là kơnòl broă làng bol bơh anih lơh sa kă bro bơcri priă, anih lơh sa kă bro bal mờ làng bol den tàng pal lơh jăt adăt broă làng bol, ờ gơwèt mờ broă bơsong bơh kes priă Dà lơgar. Mờ Uỷ ban Thường vụ Quốc hội sồr Chính phủ, ală bộ, gah lơh broă dà lơgar, ală càr [òn dờng bal mờ broă sền gròi bơh ală kuang bàng Quốc hội mờ Hội đồng Nhân dân bơto sồr, mblàng loh làng bol in g^t kờ` geh nùs nhơm ring bal uă.

Cau cih mờ yal tơng^t Ndong Brawl