VOV4.K’ho- Broă rcăng kuang bàng laì mờ pah dơ\ pơrjum dờng geh bơta kuơ dờng màng ngan, do là jơnau tờm kuơmàng, ờ go\ di mìng ai cồng nha Pơrjum dờng in lơm mờ lơh jăt geh cồng nha ală Kơrnoat Pơrjum dờng ai tơlik. Mơya, sền wơl Pơrjum dờng Đảng bộ kấp rlau kấp hơđơm pà go\ geh ală Pơrjum dờng ờ go\ lơh broă pồ gơnoar broă tờm kuơmàng (Bí thư, Phó Bí thư) tàm pơrjum dơ\ sơnrờp Ban Chấp hành khoá pa.

Kung neh geh sơl bàr pe jơnau cồng nha te\ khà Ban Chấp hành, Ban Thường vụ ờ di mờ rơndăp broă kuang bàng geh kấp ủy khoá lài rcăng mờ kấp ủy kấp hơđang ki\ ring bal. Bơta geh ngan hơ\ gơ sồr broă lơh rcăng kuang bàng ờ mìng lơh jăt niam broă rơndăp tăp sèng, jơnau sồr mờ gam gơ sồr bơta song dơ pă, jơh nùs, geh kơnòl bơh să tờm ală kấp ủy dê tàm ală tu\ rcăng.

Pơrjum dờng Đảng bộ kơnhoàl Quốc Oai, [òn dờng Hà Nội, tơngai lơh broă bơh nam 2020- 2025, geh lơh bơh ngai 21-23/7 pa do lơh gơlik bơta sền ngăc tu\ ồng Đỗ Huy Chiến, Chủ tịch Ủy ban Nhân dân kơnhoàl Quốc Oai khoá 22 ờ geh pồ tàm Ban Chấp hành Đảng bộ kơnhoàl khoá 23. Rơndăp tăp sèng Ban Thường vụ Huyện ủy geh 11 nă, mơya tu\ do lời ờ geh măt dùl gơnoar broă. Cồng nha te\ khà Ban Chấp hành, Ban Thường vụ neh ờ di mờ rơndăp broă kuang bàng geh kấp ủy khoá lài rcăng mờ kấp ủy khoá hơđang ki\ ring bal.

Tàm càr Trà Vinh, cau ala măt lòt Pơrjum dờng mờ đảng viên nisơna ngan tu\ Tỉnh ủy Trà Vinh pồ Bí thư Huyện ủy Càng Long tàm Pơrjum dờng Đảng bộ kơnhoàl Càng Long tơn, tơngai lơh broă bơh nam 2020- 2025.

Ồng Nguyễn Đức Hà, lài do là Vụ trưởng, Mpồl bơyai broă dà lơgar đơs: Dùl pơrjum dờng mờ pồ ờ tơl kấp ủy ờ gơtùi đơs là geh cồng nha ờ; dùl pơrjum dờng mờ ală kuang bàng tờm geh kấp ủy yal tơngi\t mờ Pơrjum dờng nàng tơlik măt te\ khà wơl mờ ờ geh pồ den kung ờ gơtùi đơs sơl là pơrjum dờng geh cồng nha; geh tu\ Pơrjum dờng pồ geh kấp ủy, mơya lời gơmu\t bàr pe nă cau ờ dipal, ală cau lơh tìs, ală cau geh bơta gơ tơngo\ sơmờm tu\ tơngai, sa kuề sa kùa, roh bơngă pin dờn tàm đảng, tàm làng bol den kung ờ gơtùi đơs ngan là pơrjum dờng lơh geh cồng nha niam bơne\ ờ. Ồng Nguyễn Đức Hà, đơs: Kuang bàng đơng lam tờm bơh kơnhoàl dê mờ geh pồ tàm kấp ủy den do là ală bơta mờ gơ wèt mờ Pơrjum dờng kấp càr bol he pal ai jơnau bơsram mờng chài tơn broă do nàng lơh bè lơi rcăng gơ in niam ngan broă lơh kuang bàng, nàng Pơrjum dờng geh lơh niam mờ geh cồng nha jăt di nùs nhơm đơng lam bơh ồng Tổng Bí thư Chủ tịch lơgar Nguyễn Phú Trọng dê.

Sền wơl Pơrjum dờng Đảng bộ kấp rlau kấp hơđơm, hơ\ gam là jơnau gơlik geh tàm quận 7, [òn dờng Hồ Chí Minh; [òn dờng Châu Đốc, càr An Giang; [òn dờng Vũng Tàu, kơnhoàl Côn Đảo, càr Bà Rịa- Vũng Tàu; [òn dờng Nha Trang, càr Khánh Hoà; halà Cục Hải quan Hải phòng, [òn dờng Hải Phòng…Kuang bàng rơcăng gơdùh tàm kấp ủy ờ go\ di là jơnau ờ huan geh tàm dơ\ pơrjum dờng kấp hơđơm mờ kấp rlau kấp hơđơm ờ, bơta do kung tơngo\ bơta dùl nùs bal tàm Đảng mờ jơnau kơ\p kờ` bơh Pơrjum dờng dê geh lơh niam.

Kuang ătbồ Mpồl lơh broă cau ala măt, Phó Kuang ătbồ Mpồl bơyai broă Đảng Dà lơgar ồng Trần Văn Túy, đơs nền: Bơta kuang bàng bơh ală anih lơh broă rcăng, mơya broă sac rwah, sền swì jơh nùs song dơ pă dipal là pal bơh Pơrjum dờng dê. Broă bàr pe nă kuang bàng pồ ờ gơkờn neh tơngo\ bơta dùl nùs bal, bơta àng sơndah. Ngan den tàng bè hơ\ kờ` Pơrjum dờng, kờ` geh khà jơngkah nàng pơrjum dờng in sac rwah. Sac rwah ală cau geh bơngă pin dờn, geh tơl khà, dipal jàu pơyua bơta pin dờn. Mơya, kung pal ai jơnau bơsram, gơ wèt mờ kuang bàng tờm pal rcăng nền nàng tu\ geh pồ den geh pồ dipal, pleh jơnau tus Pơrjum pồ ờ gơkờn mờ lời nàng geh bơta rơndăp tăp sèng wơl đơng lam pal pồ. Jăt a` den là broă do pal ai jơnau bơsram mờng chài jrô ơnàng ngan.

 Gơtùi go\, jơnau gơlam tus kuang bàng rcăng lài pồ ờ gơkờn tàm kấp ủy, hơ\ là tài bơh kuang bàng ờ hềt geh rcăng nền; kuang bàng tàm pơdar ờ tơl tu\ tơngai “jrô tàm broă lơh” den tàng ờ hềt geh dờp. Hơ\ gam là broă gi\t bơta gơlik geh ờ hềt di ngan den tàng pồ ờ hềt di. Tàm do, gam geh bơta tơngo\ pleh broă rơndăp tăp sèng, tu\ ai tơmu\t cau hìu bơnhă, cau rềp mềl mu\t tàm kấp ủy, mơya ờ geh Pơrjum dờng dờp. Kung geh sơl jơnau tàm ală tiah tàm gơjra`, roh bơta tam klăc, bơta hòi jà, gơ\p mpồl, gơlam tus ờ di sră pồ…

Ồng Phạm Tất Thắng, Phó Kuang ătbồ Ủy ban Niam chài, Bơto bơtê, Ơruh pơnu, kơnòm pa tàu, kơnòm dềt Quốc hội dê đơs sùm: Ală gơnoar broă geh rcăng lài kuang bàng, geh tu\ là rơndăp tăp sèng mờ pồ ờ gơkờn den hơ\ là jơnau pal sền swì. Bè hơ\, digơlan rcăng kuang bàng ờ hềt nền nòn ngan. Kuang bàng rcăng lài ờ hềt là “dipal ngan” halà săc rwah kuang bàng ờ hềt ngan ngồn dipal halà ờ geh tơl bơngă pin dờn pal geh nàng bơtòm tơrgùm tơl bơta pin dờn bơh cau ala măt dê. Jăt a` den hơ\ pal sền ngăc tus jơnau sac rwah kuang bàng.

Tàm pơndrờm ală broă rcăng kuang bàng pà go\, mờ broă rơndăp tăp sèng 3 broă tàm tơngai lơh broă Pơrjum dờng khoá 12 den dơ\ do, Bộ Chính trị neh cih loh gơ wèt mờ kuang bàng tơlik măt te\ khà wơl mờ dơ\ sơnrờp tus bal lơh broă tàm kấp ủy geh lơh jăt 5 broă. Mờ broă rơndăp tăp sèng 5 broă, neh pờ ơnàng yal loh làng dùl nùs bal tàm broă rơndăp tăp sèng kuang bàng. Bulah broă rơndăp tăp sèng kơ\ kơl jăp rlau, bơta dùl nùs rề ơnàng rlau mơya nàng cồng nha den bơta tờm kung gam là gơnoar broă bơh cau lam bồ dê sơl, bơta lơh jăt is, geh kơnòl is mờ tơl gơnoar broă bơh kuang bàng đảng viên dê.

Phó Giáo sư, Tiến sĩ ồng Bùi Đình Phong, lơh broă tàm Hìu bơsram Chính trị Dà lơgar Hồ Chí Minh mblàng bè do: Tu\ do, bol he tuh kơnòl tàm dùl nă cau ngan ngồn pồ hơ\. Mơya lài ngan pal geh bơh cau hơ\, nùs nhơm bơh cau hơ\ dê. Lài ngan pal là cau geh pồ hơ\ kung pal geh nùs nhơm tài dà lơgar tài làng bol. Hơ\ pal là ală cau geh bồ tơngoh jak, geh bơta kơ\ nùs, geh kơnòl mờ làng bol den hơ\ sồng pồ. Jăt a` den bơta do gơ sồr uă ngan nùs nhơm lơh jăt is bơh tơl nă cau dê. Ală cau lam bồ tờm ngan mờ geh kơnòl uă ngan rlau jơh nàng yal tơngi\t kuang bàng pal sùm kơlôi tus bơta kuơ bơh dà lơgar, bơh làng bol dê, ba` kơlôi tus bơta kuơ is să tờm he dê.     

Ală bơta gam gơkòl tàm broă lơh rcăng kuang bàng pa do bulah mìng dùl êt lơm mơya geh bơta gơrềng ờ dùl êt tus cồng nha bơh Pơrjum dờng dê, tus bơngă pin dờn bơh mpồl đảng dê. Bơta do pà go\, broă lơh rcăng kuang bàng pal jăt di bơta pal jăt, broă rơndăp tăp sèng mờ jơnau sồr. Bal mờ hơ\, kung pal geh broă lơh, bơta bơsong gơ wèt mờ cau geh pồ, sồr pồ tu\ kuang bàng geh yal tơngi\t ờ lơh gơs kơnòl broă. Do kung là jơnau sồr tơlik tus nàng ală kấp ủy rcăng niam rlau ai pơrjum dờng pơn jăt tai in.

            Cau cih Lại Hoa- Cau mblàng Lơ Mu K’Yến