VOV4.K’ho- Bòn Sin Suối Hồ, gơ wèt xã Sin Suối Hồ, kơnhoàl Phong Thổ, càr Lai Châu gơ ơm tàm hơđang bơnơm geh bơta jơnhoa 1700 thơk gùt nam gơ glòm sùm mờ mhual bò. Mờr jơ\t nam rềp ndo, rlau 100 hìu bơnhă làng bol kòn cau Mông tam gơl tus lơh broă nhơl chờ, ngai sơlơ neh klàs bơh rài kis jơgloh r[ah mờ lơh pas.

Bòn Sin Suối Hồ ngài mờ [òn dờng Lai Châu pơgăp 30 kơi sồ mơya lòt rơndeh dờng kung pal jơh mờr 2 jiơ gùng kùel kơh mpờl tềng hơđang bơnơm jơnhoa rlau 1700 thơk.

Lài do, gơl gùng do là jơh dùl bơta lòng: trồ mìu den mìng gơtùi lòt jơng lơm. Bơh tu\ Sin Suối Hồ sơnđờm geh mat tàm sră sềr rùp ù tiah nhơl chờ lòt còp sền kờn gi\t, den gùng neh geh lăc cài niam ngan. Jat kềng gah gùng geh uă ngan ală tờm bơkàu blàng brê. Tơngai bơkàu lì niam ngan rlau jơh mờ pơgăp nhai 11.

Jơnau lơh gơkờn ngan bơh sơnrờp gơ wèt mờ cau năc tus mờ Sin Suối Hồ hơ\ là bơta răp tăp sèng, kloh niam ngan bơh hìu làng bol tus tàm gùng lòt. Tềng đap tơl nơm hìu sùm geh k[àng lơh mờ mpàn cih mat, sơnam deh mờ sồ điện thoại. Jat kềng gùng lòt tàm [òn geh ală k[àng cơghế lơh mờ mpàn, halà mờ lu\ nàng lời ai năc in ơm nggui rlô bòl jơng. Ờ go\ di là pơn jờng ir ờ dilah đơs [òn Sin Suối Hồ lam lơh broă lơh nhơl chờ geh rơndăp tăp sèng mờ niam ngan bè dùl resort sơl.

Tềng đăp mpồng hìu làng bol sùm geh k[àng lơh mờ chi cih mat, sơnam deh mờ sồ điện thoại

Bi Sùng A Páo, là cau Mông kis tàm [òn Sin Suối Hồ pà gi\t: Bàr pe nam rềp ndo rài kis bơh làng bol dê kung bơtàu tơnguh rlau mờ lài uă ngan kơnờm bơh broă lơh nhơl chờ bal mờ tam bơkàu tòng. Bi Sùng A Páo, đơs:

“Hìu cau lơi kung tam lơm, geh hìu bơnhă pah nam lơh geh kung bàr pe rhiang tơlak priă sơl, năc lòt nhơl kung lòt uă tàm ngai dơ\ poh mờ ngai rlô” .

Mờ trồ tiah gùt nam sùm mrềt niam ngan, ù tiah brê bơnơm ai pà den tàng kơnhoàl ù tiah Sin Suối Hồ gơdờp ngan mờ ală tờm chi tam, bè: thảo quả, táo mèo mờ uă ngan bơkàu, ngan là bơkàu tòng. Bơh sơnrờp mìng bàr pe hìu cau Mông lơm tam bơkàu tòng ù. Tơngai rềp ndo mờr bè jơh ală hìu cau tàm [òn Sin Suối Hồ kung tam lơm bơkàu tòng lơh geh cồng nha lơh sa mờ lơh niam [òn lơgar ai ù tiah lơh broă nhơl chờ in tai. Nam lài, mìng is kờp priă lơh geh bơh broă tam bơkàu tòng bơh jơh dùl [òn Sin Suối Hồ dê kung gơguh tus rlau 2 tơmàn priă sơl.

Bi Vàng A Trang là dùl nă làng bol kung kis tàm [òn Sin Suối Hồ sơl, đơs bè do:

“Tu\ do tam bơkàu tòng ù kung ờ bòl glar rlau mờ lài do, ờ huan bòl rlau pơndrờm mờ lơh sươn mìr uă ngan”.

Ồng Sùng A Phùa, Bí thư Chi bộ [òn Sin Suối Hồ pà gi\t: {òn geh 428 nă cau, bal mờ 114 hìu bơnhă. Bơh nam 2010 tus tu\ do, jơh dùl [òn sơnđờm tam gơl tus broă lơh nhơl chờ [òn lơgar, priă lơh geh kung uă sơl. Bơh sơnrờp lơh broă nhơl chờ kung tìp uă ngan kal ke, kal ke ngan rlau jơh là lơh bè lơi nàng tam gơl geh bồ tơngoh mờ rài kis mờng quèng ơm kis bơh yau bơh làng bol dê, lơh bè lơi nàng gơ in jak chài bơtàu tơnguh mờ ơm kis sàng kloh. Nàng drơng năc lòt nhơl, uă hìu làng bol tàm [òn Sin Suối Hồ bơyai lơh kă bro drơng broă hìu ơm rlô home-stay: hơ\ là nhơl chờ ơm sa bal tàm hìu làng bol. Sở Văn hoá thể thao mờ du lịch càr Lai Châu neh ai kuang bàng tus bơto pơlam, dong ală hìu bơnhă lơh sa kă bro hìu ơm rlô pal lơh geh ală bơta pal geh jat di jơnau sồr. Ồng Sùng A Phùa, pà gi\t:

“Tiah nhơl chờ làng bol lơh is bơh lài, ală gơl gùng làng bol lơh is, dà lơgar dong kờl phan ngui lơh gùng lơm. Bơh nam 2014 hòi jà làng bol lơh jơh gùng mờ bêtông bơh mpồng mu\t tàm [òn”.

Drà Sin Suối Hồ geh pờ tàm ngai lồi poh nàng drơng lòt nhơl in

Bal mờ bơta dong kờl bơh gơnoar atbồ tiah do dê, Mpồl ling sền gàr tiah nhàr lơgar càr Lai Châu kung geh uă broă lơh geh kuơ ngan, pơgồp bal bơta pràn mờ làng bol bơ\t bơtàu gơs dùl [òn nhơl chờ [òn lơgar cau Mông bơtàu tơnguh, jak chài, gi\t jơnau, sền gàr niam bơta lơngăp lơngai ờdo ờdă tàm tih nhàr lơgar. Thiếu tá Hà Đức Long, Chính trị viên Pôs đồng ling sền gàr tiah nhàr lơgar Sin Suối Hồ, pà gi\t:

“Pôs đồng ling sền gàr tiah nhàr lơgar bal mờ gơnoar atbồ tàm tiah do dong làng bol mờ să tờm dong tơn làng bol nàng bơtàu tơnguh nhơl chờ, să tờm dong tơn ngai lơh broă mờ bơto pơlam làng bol kờn sền gàr niam ai năc lòt nhơl in tus còp sền”.

Tus mờ [òn Sin Suối Hồ, năc lòt nhơl geh sa ală phan sa pơnrơ is bơh kòn cau Mông tiah do dê, bè: Iar jù, ka dà croh, ơlak tơngời…Bal mờ hơ\ den geh ală dơ\ lòt hàu kơh hàu bơnơm, tiă gan dà croh nàng kờn gi\t, triang sền bơta niam bơne\ gam wơl bơh yau tàm tiah đah mat tơngai mu\t bồ bơnơm Phan-xi-phăng. Kuơmàng là năc lòt nhơl geh gi\t go\ geh rài kis niam chài pơnrơ is ngan tàm broă lơh nhơl chờ bơh làng bol kòn cau Mông tàm Sin Suối Hồ dê!

Cau cih mờ yal tơngi\t- Lơ Mu K’ Yến