VOV4.K’ho - Tàm rài kis kòn cau K’ Ho đơs is mờ làng bol ală kòn cau kis tàm Tây Nguyên đơs bal, bơh rài lài do, sơ\ neh gơs là dùl bơta phan ngui đềt mềt mờ ờ tu\ lơi ờ geh tàm rài kis, broă lơh pah ngai mờ neh gơs là dùl bơta niam chài rơgơi kòn cau K’ Ho dê.

Lài do, kòn cau K’ Ho kis mờ broă lơh kòi mìr, kòi sre. Sơ\ là phan ngui pal geh mờ làng bol tu\ lòt lơh broă tàm mìr tàm sre dê. Jăt ồng K’ Tếu, kis tàm [òn Duệ, xã Đinh Lạc, kơnhoàl Di Linh, càr Lâm Đồng yal: “Tàm dùl nam ờ di tu\ lơi cau kung gơtùi mu\t tàm brê kờ` lòt sreh đơr tà` sơ\. Jăt broă lơh mờng chài neh geh bơh lài do ồng pàng kòn cau K’ Ho he dê, kờ` tà` dùl nơm sơ\ niam, kơl jăp den tus tàm nhai 6, nhai 7, cau mu\t tàm brê kờ` sreh đơr”.

Tài ală dơ\ mìu rah bồ nam, tòm chi tòm che pa căt cồng, ală tòm pa căt tàm nam geh căt tai, den do là tu\ he lòt sreh đơr tà` sơ\, tà` đồng di pal ngan. Tài tu\ do, tòm đơr ờ bơnung ir mờ kung ờ ràm ir, den tàng he pal rơwah ală tòm song, kồ jòng mờ geh cồng jòng niam. Bơh tu\ sreh cèng rê ìs tàm dùl poh den he gơtùi tà`.

Bơdìh mờ broă rơwah tòm đơr den pềs kồs kung là phan kuơ màng. Pềs cô|t geh cồng mplà` mờ sồt, bal mờ broă lơh nền nòn bơh kòn bơnus dê là bơta tòm lơh gơs dùl nơm sơ\ niam. Kờ` tà` gơs sơ\, pal roh uă ngan tơngai mờ pal geh lơh bơh g^t nđờ bơnah broă kuơ màng ndai, mơya kuơ màng rơlao jơh là bơnah blah mờ kồs đơr kờ` tà` sơ\ bal mờ che sơ\. Tài bơta do geh lơh uă ngan tơngai mờ pal geh lơh nền nòn ngan.

Sơ\ ờ mìng là phan ơn ală bơta phan bơh cing, tus mờ kòi phe… mờ gam là ală bơta phan geh lơh nền nòn ngan bơh mpàng tê niam chài, broă bơceh tàm broă bơka neh lơh sơ\ geh bơta niam krơi is bơh cau tà` dê.

Sơ\ kòn cau K’ Ho geh uă ngan là: sah sơn, rơn noas, sơ\ dà, sơ\ nùng mờ sơ\ bơnơl. Mờ tơl bơta sơ\ cau mờng ngui tàm ală broă lơh krơi is. Sah sơn là sơ\ dờng, kờ` ngui nàng was kòi. Dùl sơ\ geh ơn tus 50 k^ kòi. Gam sơ\ dà geh tà` uă bơta dờng dềt krơi is kờ` ngui tàm broă à` dà, à` lòng, à` phe mờ à` phan lòt lơh broă…

Mìng is sơ\ bơnơl mìng geh ngui kờ` lòt chờ, lòt drà. Tài sơ\ do dềt geh tà` nền nòn mờ geh bơka niam, sền niam măt ngan tu\ ală ùr ơruh kòn cau K’ Ho à` ha là cèng. Mò Ka Hơn, kis tàm Tổ dân phố K’ Ming, thị trấn Di Linh, kơnhoàl Di Linh, càr Lâm Đồng pà g^t: “Lài do, tàm rài kis lơh broă sa pah ngai kòn cau K’ Ho dê, rùp rài sơ\, yoas neh gơs là phan ngui pal geh sùm ờ mìng mờ làng bol kòn cau K’ Ho tàm càr Lâm Đồng mờ jơh ală jơi bơtiàn kòn cau kis tàm Tây Nguyên dê”.

Sơ\ ờ mìng là phan ngui sùm tàm rài kis broă lơh sa làng bol kòn cau K’ Ho dê mờ gam geh gơnoar kuơ màng tàm ală dơ\ lơh chờ kòn cau dê bè: Lơh yàng duh khoai, `ô kiăp đam… Mờ tu\ oh kòn geh bao, den sơ\ kung là phan ngui kờ` pơn dăp bao ai oh kòn in rê bao.

Tu\ do, rài kis neh tam gơl, ală phan lơh broă pa ơla kòn bơnus pơn diang ală bơta phan geh lơh bơh broă lơh sa suơn sre dê geh uă, sơ\ rơhời geh ờ hoan geh ngui tai tàm rài kis làng bol kòn cau, tàm hơ\ uă ngan là mờ ală rơnàng kơnòm să. Mơya broă tà` sơ\ neh geh bơh uă rơnàng do, neh gơs bơta niam chài rơgơi kòn cau K’ Ho dê, pal kờ` ngan geh prăp gàr mờ geh lơh sùm.

Cau mblàng Ndong Brawl