VOV4.K’ho - Bộ Y tế pa geh sră nggal jal mhar pơyua Chủ tịch UBND ală càr, [òn dờng sơlơ mut lơh broă rơcang sơndră kòp bơ tờp tàm dơ\ sa tềp bơhìan yau lơgar he mờ nhai lơh chờ nam 2018. Bộ Y tế sồr ală kơnă, ală gah broă lơh, ală mpồl chính trị - mpồl bơtìan pơ gồp bal krà` cê mờ gah lơh sơnơm, lơh ngan, rơcang lài lơh jat ală broă lơh rơcang sơndră, kơryan geh cồng nha, ờ lời gơbàn gơs kòp bơ tờp dờng.

Ală Sở Y tế sơlơ mut lơh broă rơcang sơndră kòp ngòt rơ ngơt lơh aniai, kòp bơ tờp nhai mrềt, ală kòp sùm gơbàn tàm dơ\ sa tềp, lơh chờ; tơr gùm sền gròi ală cau gơbàn kòp bơ tờp bơh gùng tă nhơm, ngan là kòp `ggụ bơh iar ơda tus hờ kòn bơnus, sởi, bơsiă `gkròk bè iar, ală kòp bơ tờp bơh phan sa tàm mpồl bơtiàn.