Bơta gơdờp bơh vitamin A gơwèt tus mờ să jan kòn dềt là dong kờl tơnguh dờng să, tơnguh bơta pràn sền loh măt, sền gàr biểu mô mờ tơnguh bơta pràn sơndră mờ kòp tê jê să. Cau [uơn gơbàn ờ tơl vitamin A ngan là kòn dềt hờ đơm 3 sơnam. Tàm tơngai do, să jan kòn dềt dờng mhar, broă ròng siam kung tam gơl mờ [uơn ngan gơbàn ală bơta kòp gơtòp mồr, den tàng broă di gơlan gơbàn ờ tơl vitamin A là uă ngan. Cau mè gam ai kòn pô, tàm hơ\ uă ngan là tàm nam sơnrờp di lah broă sào sa ờ tơl phan bơkah, tàm dà toh ờ tơl vitamin A lơh gơbàn ờ tơl vitamin A tàm kòn dềt. Gơwèt mờ kòn dềt ờ geh pô mè den broă di gơlan ờ tơl vitamin A sơlơ uă rơlao. Jăt Bác sĩ Lê Phúc, Phó kuang atbồ Trung tam Y tế Dự phòng càr Dak Lak pà g^t:

-Ờ tơl vitamin A kung ndrờm mờ ờ tơl vitamin D lơh kòn dềt gơbàn rơgai jòr, ờ pràn să, bơta pràn sơndră mờ kòp kung gơmù. Bơdìh hơ\ tai, broă gơbàn ra` tàm măt lơh gơbàn sồt tềng klồng măt, lơh gơbàn jơngo măt tơn…

Gơnoar bơh vitamin A tus mờ bơta pràn kơl dang să jan kòn dềt là bơta mờ cau lơi kung g^t, mơya, bơta do ờ hềt tam gơl. Mùl màl là pah nam tàm dunia gam geh di pơgăp 500 rơbô nă kòn dềt gơbàn jơngo măt tài ờ tơl vitamin A mờ 2 bơnah 3 tàm khà do neh gơbàn chơ\t. Lơgar Việt Nam gam là 1 tàm ală lơgar geh uă kòn dềt ờ tơl vitamin A, tàm hơ\ uă ngan là tàm ală càr geh broă lơh sa gam uă kal ke. Mơya, broă tơl vitamin A kờ` sền gàr bơta pràn kơl dang să jan kòn dềt là bơta ờ kal ke di lah ală hìu nhă geh ală broă lơh mùl màl mờ loh làng.

He pal kah, pal lơh kòn dềt in mờng mờ broă sào sa biăp tơlir, sa ală phan geh uă vitamin A bè biăp, kơnuh, plai chi geh dà pơrhê bè càrốt, bơl hong. Pal sa tơl phan bơkah, tàm hơ\ geh sền kuơ tus vitamin A. Geh uă kòn dềt gơbàn jê ndul gơjroh, cau mè ngòt den tàng ờ ai sa dà tơngi. Mơya lơh bè hơ\ gơbàn ờ pràn broă ngui vitamin A…

Kờ` pleh mờ broă ờ tơl vitamin A tàm kòn dềt, ală cau mè pal tơnguh niam phan sa pah ngai, tơl phan bơkah, tàm hơ\ vitamin A geh ai tơl bơh ală bơta phan sa geh bơh poăc phan ròng, bè: klờm, kơnồng tăp, [ơ, dà toh, poăc ha là biăp, plai chi geh dà tơlir, rơm^t, pơrhê…

Tu\ lơh phan sa ai kòn dềt in he te\ tai ờ uă dà tơngi kờ` dong kờl vitamin A klài bal [uơn, să jan [uơn gơdờp rơlao. Bơdìh hơ\ tai, pal sền gàr mờ lơh kloh niam să jan kòn dềt in kờ` sơndră mờ ală kòp gơtòp bơh gùng pròc.

Kuơ màng ngan, ală cau mè, cau bèp geh kòn tàm sơnam bơh 6 tus 60 nhai pal ai kòn dềt tus ală hìu sơnơm xã, sơnah [òn, thị trấn kờ` hùc bơtơl vitamin A dùl nam 2 dơ\ tàm nhai 6 mờ nhai 12 pah nam. Cau mè tơnơ\ mờ tu\ deh tàm 1 nhai pal hùc bơtơl vitamin A kờ` sơndră mờ ờ tơl vitamin.