VOV4.K’ho - Vitamin A là 1 tàm ală vi chất kuơ màng, tàm hơ\, kơnòm dềt hờ đơm 5 sơnam là kuơ màng ngan. Di lah ờ tơl Vitamin A, să jan gơmù ờ pràn sơndră mờ kòp tê jê să, [uơn gơbàn kòp, rơgai, jòr, ờ mhar dờng mờ gơtìp ờ loh măt di lah ờ go\ gờ` mờ sơm kòp di tu\. G^t wă di pal mờ geh broă sào sa uă bơta, ndrờm bal là broă lơh niam ngan kờ` sơndră mờ ờ tơl Vitamin A.

Gơnoar bơh Vitamin A tus mờ să jan kơnòm dềt là dong kờl lơh dờng pràn, tơnguh niam săp kơno tồr, gàr să jan mờ tơnguh broă sơndră mờ kòp tê jê să. Mờ cau [uơn gơbàn ờ tơl Vitamin A, tàm hơ\ uă ngan là kơnòm dềt hờ đơm 3 sơnam. Tàm tơngai do, să jan kòn dềt gam dờng mhar, broă sào sa tam gơl mờ [uơn gơbàn ală kòp sồt mồr, den tàng lơh ờ tơl Vitamin A uă ngan. Cau mè gam ai kòn pô, tàm hơ\ uă ngan là tàm nam sơnrờp di lah sào sa ờ tơl phan bơkah, tàm dà toh ờ tơl Vitamin A [uơn ngan gơbàn ờ tơl Vitamin A tàm kòn dềt. Mờ kòn dềt ờ pô mè, den broă ờ tơl Vitamin A sơlơ uă. Thạc sỹ, bác sỹ Lê Phúc, gơnoar atbồ hìu sơnơm rơcang gàr lài mờ kòp càr Dak Lak pà g^t: “Ờ tơl vitamin A kung ndrờm mờ Vitamin D sơl [uơn ngan lơh să kòn dềt gơbàn rơgai, jòr, bơta pràn sơndră mờ kòp gơmù. Bơdìh hơ\ tai, măt gơbàn kơnra` mờ lơh gơbàn sồt, di gơlan lơh gơbàn jơngo măt tơn”.

Gơnoar bơh Vitamin A tus mờ bơta pràn kơl dang să jan kòn dềt là bơta mờ cau lơi kung g^t, mơya, bơta do ờ hềt gơtùi lơh tam gơl. Mùl màl là pah nam tàm dunia gam geh di pơgăp 500 rơbô nă kơnòm dềt gơbàn jơngo măt tài ờ tơl Vitamin A mờ 2 bơnah 3 tàm khà do neh chơ\t. Lơgar Việt Nam gam là 1 tàm ală lơgar geh uă kòn dềt ờ tơl Vitamin A, tàm hơ\ uă ngan là tàm ală  tiah geh broă lơh sa gơbàn uă kal ke. Mơya, kờ` tơmù bơta ờ tơl Vitamin A, sền gàr bơta pràn kơl dang să jan kòn dềt in là broă lơh ờ kal ke di lah ală hìu nhă geh ală broă lơh mùl màl. Thạc sỹ, bác sỹ Lê Phúc sồr tai: “Di lah tơmờng kòn dềt in sa uă biăp tơlir, sa ală phan geh uă vitamin A bè biăp, kơnuh, plai chi geh dà pơrhê bè cà rốt, bơl hong. Pal sa tơl ală bơta phan, tàm hơ\ sền kuơ mang tus mờ vitamin A. geh uă cau kòn gơbàn jê ndul gơjroh, cau mè ngòt den tàng ờ ai kòn sa dà tơngi. Mơya bè hơ\ lơh tơmù broă ngui vitamin A…”.

Kờ` sơndră mờ ờ tơl vitamin A tàm kòn dềt, ală cau mè, cau bèp pal tơnguh broă sào sa pah ngai, tơl phan sa bơkah, tàm hơ\ vitamin A geh ai bơh tàm ală bơta phan geh bơh poăc phan ròng, biăp bè klờm, kơnồng tăp iar, ơda, [ơ, dà toh, poăc ha là biăp, plai chi geh dà tơlir, rơm^t, pơrhê…

Tu\ tru\ phan sa kòn dềt in, pal te\ bal ờ uă dà tơngi dong kờl Vitamin A klài bal [uơn, să jan ngui niam rơlao. Bơdìh hơ\ tai, pal sền gàr mờ lơh kloh niam să jan kòn dềt in kờ` sơndră mờ ală kòp gơtòp mờ phan lơh gơbàn kòp tàm pròc.

Kuơ màng ngan, ală cau mè, cau bèp geh kòn tàm sơnam bơh 6 tus 60 nhai pal cèng kòn tus tàm ală hìu sơnơm ntum, sơnah [òn, [òn drà kờ` tơnhùc bơtơl vitamin A dùl nam 2 dơ\, tàm nhai 6 mờ nhai 12 pah nam. Cau mè tơnơ\ mờ tu\ deh kòn tàm 1 nhai pal hùc bơtơl Vitamin A kờ` sơndră mờ ờ tơl Vitamin.

Cau cih mờ yal tơng^t Ndong Brawl