VOV4.K’ho - Tàm pơrjum dơ\ 5, Quốc hội kơnă 14, tàm poh lài, Quốc hội neh cri bơyai bè rơndăp broă adăt sơndră, tam dră mờ sa kuề sa koà tam gơl. Jơnau cih bơh cau ai tơng^t jơnau đơs Kim Thanh, Nguyễn Hằng tềng bơdìh hìu Quốc hội bè broă do:

Jăt ală kuang bàng yal, tơnơ\ mờ 10 nam lơh jăt adăt sơndră, tam dră mờ sa kuề sa koà nam 2005 (Adăt sơndră mờ tam dră mờ sa kuề sa koà), broă sơndră, tam dră mờ sa kuề sa koà neh geh ală cồng nha niam, kuơ màng, pơgồp bal tàm broă tơnguh bơta pràn ngui, cồng nha atbồ dà lơgar; dong kờl tơnguh broă kă bro mờ geh ală tơngu me tơnguh bơtàu lơh sa mpồl bơtiàn. Mơya, tềng đăp mờ bơta sa kuề sa koà gam uă kal ke ngan, broă go\, bơsong sa kuề sa kà ờ hềt di pal mờ jơnau kờ`, khà dơ\, khà broă sa kuề sa koà geh go\ gam ờ uă, ờ uă broă lơh glài gam jo\ tơngai, ờ hềt nền nòn, ồng Nguyễn Lân Hiếu, mpồl kuang bàng càr An Giang sồr:

-Yal loh làng broă tă dia priă geh lồi nam ală kuang bàng tàm nhai 3 tơnơ\ mờ tu\ neh tă dia. Ală kuang bàng đơng lam pal yal ală kuang bàng, cau lơh broă sa priă nhai kung bè ală anih lơh broă geh gơnoar là nam do a` tă kàr lơi priă tă dia.

Mờ bơh priă tă dia hơ\ cau gơtùi kơlôi g^t là tài bè lơi geh blơi tai ală phan pa, blơi tai ală phan bơna pa. Di gơlan tài mè bẹp pà ha là oh mi đềt mềr pà den kung pal yal. Mờ di lah priă tă dia geh bơh broă lơh den geh tơl, hơ\ sồng geh gơnoar blơi, tăc phan bơna drơng tàm rài kis să tòm.

Bơdìh hơ\ tai, geh ờ uă kuang bàng đơs là, pal geh cơ chế sền gròi gơnoar nền nòn mờ geh cơ chế sền gròi broă bơcri priă kờ` pleh bơh broă ờ sền gròi nền nòn bơh broă atbồ ờ hềt geh lơh niam, ai geh bơta niam ală cau tàm ală groăt atbồ di gơlan lơh kờ` geh bơta kuơ is, sa kuề sa koà, tàm hơ\ pal sền gròi tus mờ broă yal phan bơna di mờ tơl. Ồng Bùi Văn Cường, mpồl kuang bàng càr Gia Lai đơs là:

-Broă yal phan bơna di pal mờ mờ ală bơta phan cau yal hơ\ geh. Den di lah cau hơ\ tam gơl măt sơnđan ndai, bơh cau ndai den cau ờ yal mờ ờ geh broă lơh gời. Den tàng, broă yal phan bơna là gam di mơya tu\ do lơh bè lơi kờ` phan bơna cau ndai dờp ing mùl màl bơh cau yal phan bơna den kal ke ngan. A` kơlôi là, geh pơn jăt tai jòi broă lơh kờ` he tơmù geh bơta do.

Ring bal mờ jơnau đơs do, mơya ồng Phạm Tất Thắng, mpồl kuang bàng càr Vĩnh Long kung gơs tòm tus mờ kơnòl bơh tơl kuang bàng cau geh đảng, pal yal tơl, yal di phan bơna să tòm:

-Pal geh kơnòl bơh làng bol, gơrềng tơn tus mờ kơnòl bơh mpồl công chức, cau lơh broă sa priă nhai tàm broă yal loh làng phan bơna să tòm. Pal geh ală kơrnoăt mùl màl, mờ geh ală broă lơh glài mùl màl kờ` kuang bàng, công chúc, cau lơh broă sa priă nhai, cau geh đảng pal lơh jăt broă yal tơl, yal di. Di lah go\ phan bơna gơbàn ờ di pal, di gơlan geh bơh sa kuề sa koà den pal bơsong phan bơna hơ\ di pal.

Cau mblàng Ndong Brawl