Sơlơ kơlôi sơnơng ua\ bè tơl bơta bơh sơnoa boh lam dê, ala\ kòn cau sơlơ go\ pơnyờ sa\ ngan bè Đảng he, bè Bác Hồ, bè dà lơgar he dê, mìng geh Đảng Cộng sản Việt Nam đơng lam, at bồ, bơta sền gròi  bơh dà lơgar, bơh gùt mpồl  lơh broa\ gùng dra\ bal, bal mờ bơta brồ guh, làng bol ala\ kòn cau lơgar Việt Nam hơ\ sồng geh rài kis bè tu\ do. Den tàng,  ala\ kòn cau slơ go\ niam ơlau kơnòl tàm broa\ lơh jat sơnoa boh lam, kis mờ lơh jat sơnoa boh lam, kơrnuat boh lam, pơgồp bal tàm broă bơ\t bơtàu mờ sền gàr dà lơgar Việt Nam kờ` gơboh he dê. Jơnau “Gơnoar ala mat dà lơgar mờ cau te\ khà” ngai do geh yal jơnau cih bơh mò Tòng Thị Phóng kuang jat jơng at bồ Gơnoar ala mat dà lơgar.

Tàm pơrjum tơn jơh broă lơh anih duh broă lơh wơl bơtơl tai sơnoa boh lam, ồng Nguyễn Phú Trọng kuang atbồ đơng lam Đảng dà lơgar neh đơs: ngai 28-11-2013, mờ geh gal kuang bàng tàm Gơnoar ala măt dà lơgar ring bal, Gơnoar ala măt dà lơgar neh ring bal sơnoa bơh lam lơgar Cộng hoà xã hội chủ nghĩa Việt Nam. Do là broă lơh gùng dră bal, adăt boh lam kuơ màng ngan, ai tơl^k 1 broă tơnguh pa tàm rài lơh adăt boh lam lơgar he dê, là broă pơgồp bal bơta ngăc ngar gùt Đảng, gùt làng bol, gùt ling klàng, bal mờ ală kuang bàng tàm Gơnoar ala măt dà lơgar, tơl^k nùs nhơm, bồ tơngoh, jơnau kơ\p kờ` bơh ală làng bol dê, tơl^k bơta pràn tam klăc gùt làng bol.

Tàm bơta 5, sơnoa boh lam geh cih nàng lơh jat:

1. Lơgar Cộng hoà xã hội chủ nghĩa Việt Nam là lơgar tơrgùm bal bơh ală jơi bơtiàn kòn cau kis bal tàm lơgar Việt Nam.

2. Ală jơi bơtiàn kòn cau ring bal, tam klăc, g^t jơnau bal mờ dong kờl bal tơnguh bơtàu, ờ ai ală broă tàm gơjra`, lơh tam cah is jơi bơtiàn kòn cau.

3. Dà đơs dà lơgar dê là dà yoan. Ală jơi bơtiàn kòn cau geh gơnoar ngui dà đơs, akhar cih, prăp gàr ală bơta niam chài kòn cau, tơnguh niam ală bơhiàn ờs mờng mờ bơta chài rơgơi niam kòn cau dê.

4. Dà lơgar lơh jăt broă dong kờl tơnguh bơtàu tơl mờ ală bơta mờ ai tơl^k bơta niam kờ` ală jơi bơtiàn kòn cau tơnguh bơta pràn, tơnguh bơtàu bal mờ dà lơgar.

Bè hơ\, broă pơn jăt tai gơnoar ring bal bơh ală jơi bơtiàn kòn cau tàm sơnoa boh lam sơlơ geh kuơ màng gùng dră bal uă ngan, tài broă ring bal hơ\ geh kuơ màng ngan mờ tơl nă làng bol lơgar Việt Nam dê, geh làng bol ală kòn cau pơn jờng, dờp bal mờ nùs nhơm pơn ỳơ să mờ sơlơ go\ kơnòl să tòm tềng đăp mờ dà lơgar dê, pơgồp bal tàm broă lam sồr gùt làng bol lơh jăt mờ sền gàr sơnoa boh lam.

Broă drờm bal bơh ală jơi bơtiàn kòn cau là ring bal bè gùng dră bal, lơh sa, mpồl bơtiàn, bơta chài rơgơi mờ tus bal sền gàr dà lơgar; tơl nă làng bol ală jơi bơtiàn kòn cau geh gơnoar kis, lơh broă jăt adăt boh lam, bơdìh mờ gơnoar geh tơl^k măt tơnpồ, gam geh gơnoar te\ khà ală cau ala măt să tòm tus bal lơh broă tàm anih ala măt Gơnoar ala măt dà lơgar, mpồl duh broă ala măt dà lơgar ală gah, tơl làng bol ndrờm ring bal tềng đăp mờ adăt boh lam ală bơta bè: hình sự, dân sự, lơh sa, lòt ling. Bè hơ\, gơnoar ring bal do neh gơs là 1 tàm ală tơngu me kuơ màng bơh bơta niam niam rài xã hội chủ nghĩa dà lơgar he dê, tơl^k loh làng, lơh di pal là, broă kòn cau, broă lơh kòn cau, broă tam klăc jơi bơtiàn kòn cau geh kuơ màng ngan tàm broă lơh cách mạng lơgar he dê. Đảng,  Dà lơgar he, neh ai bơh tàm ală nùs nhơm chủ nghĩa Mác-Lênin, bờ tơngoh ngăc ngar Hồ Chí Minh bè gơnoar ală jơi bơtiàn kòn cau, den tàng neh geh gùng dà, broă lơh tus jơi bơtiàn kòn cau di pal.

Ală tơngu me geh cih tàm sơnoa boh lam là tơl^k ală kơrnoăt tòm: ală jơi bơtiàn kòn cau kis tàm ù tiah lơgar Việt Nam ndrờm ring bal, tam klăc, g^t jơnau bal, dong kờl bal tơnguh bơtàu, ală tơngu me do ờ tam cah is mờ geh đềt mềr bal, gơrềng bal, chồl pràn bal tàm broă tơnguh bơtàu.

Broă g^t jơnau bal mờ ờ tam cah is jơi bơtiàn kòn cau geh tơl^k niam bơne\ ngan tàm broă ală jơi bơtiàn kòn cau geh lơh jăt bal gùng dà, broă lơh bơh Đảng mờ dà lơgar; Dà lơgar sền gròi ngan, dong kờl ală jơi bơtiàn kòn cau, tàm hơ\ uă ngan là ală jơi bơtiàn kòn cau ờ gal cau kis tàm tiah kal ke. Ală broă dong kờl hơ\ geh lơh tơl bơta: bè tơnguh bơtàu, bè lơh sa, dà lơgar dong kờl priă, sơntìl, phơng sih, bơto sồr tàm broă lơh sa. Dà lơgar dong kờl broă bơsram sră, tơnguh jơnau g^t wă, ngăc ngar làng bol, dong kờl làng bol sơbì ală bơhiàn ờ niam, drơng tàm ală gah lơh sơnơm, bơta pràn deh dùh, bơta niam khà kờp làng bol ală jơi bơtiàn kòn cau. Bè bơta chài rơgơi-mpồl bơtiàn, ală jơi bơtiàn kòn cau geh gơnoar ngui jơnau đơs, akhar cih tòm, prăp gàr bơta niam chài kòn cau, tơnguh niam ală bơhiàn ờs mờng chài rơgơi kòn cau dê. Bơdìh mờ ală broă dong kờl bơh Đảng, Dà lơgar, gah tề lam gùng dră bal Việt Nam, ală mpồl lơh broă làng bol dê neh lam sồr, ai tơl bơ8ta niam nàng ală mpồl lơh broă bal mờ mpồl bơtiàn dong kờl ală jơi bơtiàn kòn cau, kờ` ală jơi bơtiàn kòn cau tơnguh bơta pràn is sơlèt mờ kal ke nàng tơnguh bơtàu bal mờ dà lơgar.

Bơh cồng nha mùl màl lơh jăt ală sơnoa boh lam lài do, tu\ do pơn jăt tai lơh jăt sơnoa boh lam tam gơl, Dà lơgar lơh jăt broă dong kờl tơnguh bơtàu tơl ală bơta mờ ai tơl bơta niam kờ` ală jơi bơtiàn kòn cau tơnguh bơta pràn is, sơlèt mờ ală kal ke. Geh uă broă bơcri priă tàm tiah làng bol kòn cau mùl màl dong kờl, bơto sồr làng bol ală kòn cau tìp mờ broă tơnguh bơtàu khoa học-kỹ thuật tàm broă lơh sa. Broă lơh sơnơm, bơto bơtê mờ bơsram geh uă bơta pràn, kuơ màng ngan dà lơgar neh lơh jăt ală broă lơh krơi is tàm broă drơng bơto bơtê, bơtơl, den tàng mpồl kuang bàng là cau kòn cau neh dờng pràn, ngăc ngar, pràn kơl dang, g^t kơlôi, g^t lơh, lam lài tàm broă lam sồr làng bol sơbì ală bơhiàn ờ niam, bơ\t bơtàu bòn lơgar pa kơl jăp, drơng tơl ală bơta tàm rài kis phan bơna, nùs nhơm làng bol in, sền gàr rài kis lơngăp lơngai làng bol kòn cau in. Bơh tàm broă g^t gơ\p bal, prăp gàr bal bơta niam chài rơgơi, ală jơi bơtiàn kòn cau sơlơ pơn ỳơ să ngan tus mờ ală bơta kuơ chài rơgơi kòn cau dê tàm mpồl bơtiàn ală kòn cau Việt Nam, sơlơ tơnguh nùs nhơm tam klăc kơl jăp Làng bol ală kòn cau ờ dờn jơnau cau ờ niam bơchồt, tam cah is nùs nhơm tam klăc ală kòn cau, ờ tam cah is cau kis tàm tiah ring mờ tiah kơh bơnơm, ờ kơ\p kơnờm mờ broă dong kờl, mờ neh tơrgùm 1 nùs sền gàr cồng nha cách mạng, lơh ngan bơ\t bơtàu [òn lơgar pas gơs.

Kơrnoăt mờ broă lơh di pal broă dong kờl làng bol kòn cau, sơnoa boh lam neh cih loh Gơnoar ala măt dà lơgar tơl^k broă lơh kòn cau, broă lơh cau jăt yàng. Tàm broă bơyai lơh Gơnoar ala măt dà lơgar dê, mpồl duh broă kòn cau Gơnoar ala măt dà lơgar là anih lơh broă ala măt ală jơi bơtiàn kòn cau tàm Gơnoar ala măt dà lơgar, ală kuang bàng tàm Gơnoar ala măt dà lơgar là kòn cau ndrờm tus bal tàm anih lơh broă do. Mpồl duh broă ala măt làng bol geh kuang atbồ, ală kuang jăt jơng atbồ mờ ală kuang bàng geh jơng tàm mpồl duh broă do. Mpồl duh broă kòn cau kơlôi sơnơng, dan mờ Gơnoar ala măt dà lơgar bè broă lơh kòn cau, lơh jăt gơnoar sền gròi broă lơh jăt broă dong kờl kòn cau, ală broă lơh, rơndăp broă tơnguh bơtàu lơh sa-mpồl bơtiàn tiah kơh bơnơm mờ tiah làng bol kòn cau.

Kờ` tơl niam broă lơh jăt sơnoa boh lam, ală broă lơh gah kòn cau mờ ală kơrnoăt Gơnoar ala măt dà lơgar dê bè bơcri priă tàm tiah kòn cau, tiah kơh bơnơm geh cồng nha, Kuang atbồ mpồl duh broă kòn cau geh jà tus pơrjum Gơnoar atbồ lơgar kờ` cri bơyai bè broă lơh jăt broă dong kờl kòn cau. Broă lơh bal do neh tơl^k gơnoar, bơngă mpồl duh broă ala măt kòn cau Gơnoar ala măt dà lơgar dê, ai tơl^k bơta nàng mpồl duh broa ala măt kòn cau g^t broă đơng lam Gơnoar atbồ lơgar, pơgồp jơnau đơs tàm pơrjum Gơnoar atbồ lơgar, yal di tu\ broă lơh jăt kơnòl kuơ màng do mờ Gơnoar ala măt dà lơgar. Tu\ tơl^k kơrnoăt lơh jăt broă dong kờl kòn cau, Gơnoar atbồ lơgar pal ai jơnau đơs bơh mpồl duh broă ala măt kòn cau. Mpồl duh broă ala măt kòn cau, ală anih duh broă Gơnoar ala măt dà lơgar geh gơnoar jà ală kuang bàng tàm Gơnoar atbồ lơgar, ală kuang bàng tus yal, mblàng ha là ai sră bè broă gơrềng bal tus broă lơh jăt broă dong kờl kòn cau.

Tàm ală gah lơh broă Gơnoar atbồ lơgar, anih duh broă kòn cau Gơnoar atbồ lơgar là anih duh broă geh gơnoar  at bồ, sền gàr dà lơgar bè gah kòn cau tàm gùt lơgar, lam sồr làng bol ală kòn cau lơh jăt sơnoa boh lam, adăt boh lam, sền gròi tiah làng bol kòn cau, bơ\t bơtàu broă lơh, khà broă lơh gah prăp gàr phan bè kòn cau, lùp sền, kơlôi sơnơng tơrgùm jơh bè măt sơnđan, bè bơhiàn ờs mờng ală jơi bơtiàn kòn cau, lùp sền broă lơh jăt broă dong kờl kòn cau, adăt boh lam tàm gah kòn cau, iăt mờ bơsong jơnau kơ\p kờ` làng bol kòn cau in jăt mờ kơrnoăt bơh sơnoa boh lam, adăt boh lam Dà lơgar dê./.

                                                                                Cau mblàng Ndong Brawl