VOV4.K’ho- Bơh ngai 1/4/2021, sră Bảo hiểm y tế pa geh ngui tàm gùt lơgar. Sră pa Bảo hiểm y tế pa geh ală bơta tam gơl jat gùng dà cèng wơl uă bơta kuơ rlau ai cau blơi in, ngan là tàm tơngai sồr ai sră, gàr niam mờ ngui sră nàng kham sơm kòp Bảo hiểm Y tế mẫu pa, sră dềt bal hiă bè sră kim ta làng bol dê mờ bè bàr pe bơta sră măy ATM bơh ală ngân hàng dê, geh ép plastic tơnơ̆ tŭ in buơn ngan tŭ prap gàr mờ ngui.

Mã sồ sră mìng gam 10 nơm sồ lơm, ala tài 15 nơm sồ bè sră Bảo hiểm xã hội, Bảo hiểm Y tế tŭ do gam ai ngui. Mẫu sră Bảo hiểm Y tế pa neh geh sồ hoá kah yau tus bal blơi Bảo hiểm xã hội, Bảo hiểm Y tế bơh cau ngui dê. Bơta pal sền gròi ngan là, tŭ cau blơi Bảo hiểm Y tế ngui ứng dụng Bảo hiểm xã hội sồ- VSSID, lòt kham sơm kòp ờ duh pal cèng bal sră Bảo hiểm Y tế tài bơh rùp hin tàm sră Bảo hiểm Y tế neh geh tơrgùm tàm ứng dụng do.

Cau mblàng K’ Hạnh