VOV4.K’ho- Tàm Hìu duh broă Đảng Dà lơgar, ồng Nguyễn Phú Trọng Tổng Bí thư, Chủ tịch lơgar pa đơng lam dơ\ pơrjum Bộ Chính trị nàng kờ` iăt kơno jơnau đơs tă pơgồp bơh ală Đảng bộ gơ wèt bal dê, ală kuang bàng Quốc hội khoá 14, Mặt trận dà lơgar Việt Nam, ală mpồl chính trị mpồl bơtiàn, kuang bàng, đảng viên mờ làng bol nàng lơh sir gơs ală rơndăp cih sră nggal bơh Đảng dê rơcăng sền tàm Pơrjum dà lơgar dơ\ 14, khoá 12 sền swì lơh nền. Ồng Nguyễn Phú Trọng Tổng Bí thư, Chủ tịch lơgar đơs loh: “Sră nggal là sră kuơ, lời wơl sùm sùm ai rài tơnơ\ do in”, den tàng bè hơ\, broă cih, lơh sir gơs sră nggal pal đơs wơl jơnau đơs bal, tơngo\ loh gơnoar broă đơng lam bơh Đảng dê mờ mpồl tam klăc dờng jơh gùt jơi bơtiàn dê.

Tơnơ\ pơrjum Dà lơgar dơ\ 13 tơn, Bộ Chính trị neh sồr ală Mpồl dềt mờ ală anih lơh broă geh gơrềng sơrbac mhar, jơh nùs, kơlôi sơnơng iăt kơno jơnau đơs tă pơgồp bơh Dà lơgar dê pơn jăt tai lơh sir gơs tai dùl broă rơndăp cih ală sră nggal, pơyua dan jơnau đơs bơh Quốc hội, Mặt trận Dà lơgar Việt Nam, ală mpồl chính trị mpồl bơtiàn mờ yal tàm ală anih yal tơngi\t jơnau mpồl bơtiàn bơh ngai 20/10 pa do nàng dan jơnau đơs làm uă jơh gùt làng bol. Tus tu\ do, Cơldu\ lơh broă Đảng dà lơgar neh đơng lam, pơgồp bal mờ Đảng mpồl Quốc hội, Ban Tuyên giáo Dà lơgar, Mpồl lam sồr làng bol dà lơgar mờ Mặt trận dà lơgar Việt Nam, kuang bàng Quốc hội, Mặt trận dà lơgar Việt Nam, ală mpồl chính trị mpồl bơtiàn, kuang bàng, đảng viên mờ ală rơnàng làng bol, làng bol he ơm kis tàm lơgar ndai bal mờ rơndăp cih sră nggal sền tàm Pơrjum dờng dơ\ 13 bơh Đảng dê. Ală mpồl dềt, kuơmàng là Mpồl sền swì neh lời uă ngan tu\ jiơ, dà kơlhề pràn ơră kơlôi sơnơng, mblàng sền ală jơnau đơs tă pơgồp, uă dơ\ bơyai lơh pơrjum, cribơyai, jơh nùs iăt kơno ală jơnau đơs tă pơgồp dipal nàng pơn jăt tai lơh sir gơs rơndăp cih ală sră nggal mờ tơngume ală jơnau yal iăt kơno, mblàng yal lơh loh…

Ală jơnau đơs đơs tàm dơ\ pơrjum đơs, Rơndăp cih ală sră nggal geh rơcăng lài uă ngan, jơh nùs, jak chài, kơrhia ngan, nền nòn ngan geh bơta tam gơl pa lơh geh bơta niam uă, đơs wơl dipal, tơl làm, di mờ bơta geh ngan ală cồng nha neh lơh geh, ală bơta ờ hềt pràn jak, ờ hềt di mờ jơnau bơh tài gơbàn mờ jơnau bơsram mờng chài, tàm hơ\ neh yal lài geh broă gơlik geh, gùng dà bơtàu tơnguh bơh Dà lơgar dê mờ dunia dê tàm tơngai tus, bơh hơ\\ gi\t di mờ di ngan ală pơlam gùng dà jơnau kờ`, kơnòl broă, gùng dà broă lơh tờm, loh làng ngan nàng bơtàu tơnguh Dà lơgar đơs bal mờ ală gah, broă lơh đơs is. Bàr pe jơnau đơs dan bơtơl, tam gơl ală tơngume, jơnau đơs akhar cih loh làng halà sồr mblàng sền jrô rlau ală cồng nha neh lơh geh, mơya kung ring bal bàr pe jơnau đơs ờ hềt ring bal đah ală sră nggal tàm tu\ sền swì, đơs sền bơta gơlik geh…

Ala măt Bộ Chính trị pơndu\t dơ\ pơrjum, ồng Nguyễn Phú Trọng Tổng Bí thư, Chủ tịch lơgar jờng rơ mờ ưn ngài ală kuang bàng lơh broă kăc màng jo\ sơnam, ală kuang bàng Quốc hội, Mặt trận dà lơgar, ală mpồl lơh broă chính trị mpồl bơtiàn, kuang bàng, đảng viên mờ gal ngan ală rơnàng làng bol tàm lơgar, làng bol he ơm kis tàm lơgar ndai neh tă pơgồp uă jơnau đơs geh kuơ ngan, jơh nùs ngan, tơngo\ nùs nhơm geh kơnòl uă ngan gơ wèt mờ Đảng, làng bol mờ Dà lơgar. Mơkung, đơs loh Jơnau yal chính trị là jơnau yal tờm, ală jơnau yal ndai pal ring bal mờ jơnau yal tờm. Tơngai gam wơl dùl êt ngan, ală mpồl sền swì, ală mpồl dềt pal tơrgùm jơh nùs, sơrbac mhar lơh sir gơs ală rơndăp cih sră nggal, tơngume pal dipal nàng Dà lơgar in sền swì mờ lơh nền.

Bol he lơh broă jơh nùs sền dờng màng iăt kơno tơnơ\ tu\ geh Chỉ thị sồ 35 bơh Bộ Chính trị dê, `chi gơlơh a` pal cih 3 jơnau taih? Jơnau cih bơh sơnrờp lơh jăt Chỉ thị sồ 35 nàng gơ in thàn ai Pơrjum dờng ală kơnă hơđơm in, jơnau cih dơ\ bàr rơcăng mờ lam lơh gơ in niam ngan Pơrjum dờng gùt lơgar dơ\ 13 bơh Đảng dê ai dà lơgar mu\t tàm dùl tu\ tơngai pa mờ jơnau cih dơ\ pe là bè broă lơh kuang bàng. Do là sră nggal kuơmàng bol he lơh rơhời lơh kơrhia, ală mpồl dềt pal lời uă tu\ jiơ rlau tai sền wih sền wơl bơta mờng chài là jơnau he cih pal kơlôi sơnơng nền tơl akhar, tơl sèng nàng làng bol in wa\. Sră nggal hơ\ ngan là sră kuơ màng lời wơl sùm sùm tàm jơnau kah yau.

Ồng Nguyễn Phú Trọng Tổng Bí thư, Chủ tịch lơgar đơs đơng lam pơrjum

Tổng Bí thư, Chủ tịch lơgar tơngkah, ală mpồl sền swì pal kơrhia ngan, iăt kơno mờ jơh nùs iăt kơno jơnau đơs tă pơgồp dipal bơh ală cau jak, cau geh bơta mờng chài, ală rơnàng làng bol dê, pơgồp bơnah lơh sir gơs rơndăp cih ală sră nggal; pal kơrhia ngan kơlôi sơnơng nền nòn, dipal, tơrgùm uă ngan rlau jơh ai broă do in, sền do là kơnòl broă chính trị khà dùl. Tài bơh kuang bàng, đảng viên mờ làng bol sền gròi ngan mờ tă pơgồp uă jơnau đơs tă pơgồp jơnau nùs, bồ tơngoh jak, geh kơnòl, tơngo\ gơnoar khăt gơboh tă pơgồp jơnau đơs ngan ngồn.

 Tơnơ\ do pal tơrgùm tàm jơnau yal sền tàm Pơrjum dờng, hơ\ là jơnau yal ngan ngồn bè ală sră nggal sền tàm Pơrjum dờng bơh Tổng Bí thư sền. Mpồl cih sră nggal pal sền ngăc ngan tus broă do pal tơrgùm jơh ală jơnau yal geh gơrềng lơyah ngan, jrô ơnàng ngan, loh làng ngan, dipal ngan, kơnòl broă tờm bơh ală oh mi dê bal mờ nùs nhơm là sền dờng màng ngan ngồn ală jơnau đơs tă pơgồp mờ jơh nùs iăt kơno ală jơnau đơs tă pơgồp dipal, bơta đơng lam bơh Đảng dê mờ mpồl tam klăc dờng jơh gùt jơi bơtiàn là ală jơnau lơh nền pal đơs sùm tàm hơ\.

Tổng Bí thư, Chủ tịch lơgar đơs sùm: “Sră nggal là sră kuơmàng, lời wơl sùm sùm ai rài tơnơ\ do in”, den tàng bè hơ\, broă cih, lơh sir gơs sră nggal pal đơs wơl jơnau đơs bal, tơngo\ loh gơnoar broă đơng lam bơh Đảng dê mờ mpồl tam klăc dờng jơh gùt jơi bơtiàn. Rơndăp cih sră nggal Pơrjum dờng dơ\ do geh rơcang nền nòn ngan geh pơgồp bơnah lơh geh cồng nha Pơrjum dờng dơ\ 13 bơh Đảng dê, ai dà lơgar he lòt mu\t tàm dùl tu\ tơngai bơtàu tơnguh pa.

Cau cih VOV1- Cau mblàng Lơ Mu K’Yến